Category: ఎంటర్‌టైన్‌మెంట్

ఇటీవల ప్రేక్షకుల ముందుకువచ్చి ఊహించని విజయాన్ని సొంతం చేసుకుంది బాలీవుడ్ చిత్రం ‘సైయారా’. అయితే, ‘సైయారా’ ఓ కొరియన్‌ మూవీకి కాపీ అని పలు విమర్శలు వస్తున్నాయి. వీటిపై ఈ సినిమాకు కథను అందించిన రచయిత సంకల్ప్‌ సదానా స్పందించాడు. ఈ సినిమా కొరియన్‌ మూవీకి కాపీ కాదని క్లారిటీ ఇచ్చాడు.

ఆది పినిశెట్టి, చైతన్య రావు ప్రధాన పాత్రల్లో నటించిన వెబ్‌సిరీస్ ‘మయసభ’ ఓటీటీ ‘సోనీలివ్’లో స్ట్రీమింగ్ అవుతోంది. ప్రముఖ దర్శకుడు దేవ కట్టా ఈ సిరీస్‌ను తెలుగు రాజకీయాల్లోని ఇద్దరు నాయకుల జీవితాల స్ఫూర్తితో రూపొందించారు. ఈ సందర్భంగా నటి ఐశ్వర్యా రాజేశ్ ‘మయసభ’ బృందాన్ని ఇంటర్వ్యూ చేశారు. ఇందులో ఆది, చైతన్య రావు, దేవ కట్టా పాల్గొని పలు ఆసక్తికర విషయాలు పంచుకున్నారు.

నాగశౌర్య హీరోగా రామ్ దేశినా దర్శకత్వంలో తెరకెక్కుతున్న సినిమా ‘బ్యాడ్ బాయ్ కార్తీక్’. విధి హీరోయిన్‌గా నటిస్తున్న ఈ సినిమాలోని మొదటి పాటను ఇటీవల విడుదల చేశారు. ‘నా మామ పిల్లనిస్తానన్నాడే..’ అంటూ సాగే ఈ పాటను కాసర్ల శ్యామ్ రాశారు, కారుణ్య, హరిప్రియ ఆలపించారు.

రాఘవా లారెన్స్‌ ప్రధానపాత్రలో నటించిన చిత్రం ‘బుల్లెట్టు బండి’. ఇన్నాసి పాండియన్‌ దర్శకత్వం వహించారు. తాజాగా ఈ సినిమా టీజర్‌ను టీమ్‌ విడుదల చేసింది. యాక్షన్‌ అడ్వెంచర్‌ మూవీగా ఇది రూపొందినట్లు టీజర్‌ ఆధారంగా తెలుస్తోంది. ‘జీవితంలో కొన్ని చిక్కుముడులకు సమాధానం ఎప్పటికీ దొరకదు’ అంటూ లారెన్స్ చెప్పిన డైలాగు ఆకట్టుకునేలా ఉంది. త్వరలోనే ఈ సినిమా ప్రేక్షకుల ముందుకు రానుంది.

లోకేశ్ కనగరాజ్ దర్శకత్వంలో రజనీకాంత్ హీరోగా నటించిన ‘కూలీ’ సినిమా ఆగస్ట్ 14న విడుదల కానుంది. ఇది టైమ్ ట్రావెలర్ జానార్‌లో ఉంటుందని ప్రచారం జరిగింది. దీనిపై దర్శకుడు లొకేశ్ స్పందిస్తూ.. అది నిజం కాదని స్పష్టం చేశారు. ఈ సినిమా పూర్తిగా యాక్షన్ నేపథ్యంలో సాగుతుందని, కథే ప్రధానంగా సినిమాను నడిపిస్తుందని ఆయన తెలిపారు. దీంతో ‘కూలీ’ టైమ్ ట్రావెలర్ సినిమా కాదని తేలిపోయింది.

సుధీర్‌బాబు హీరోగా వెంకట్‌ కల్యాణ్‌ దర్శకత్వంలో రూపొందుతున్న చిత్రం ‘జటాధర’. తాజాగా ఈ సినిమా టీజర్‌ను ప్రభాస్‌ విడుదల చేశారు. టీజర్‌లో సోనాక్షి శక్తివంతమైన పాత్రలో కనిపించారు. దురాశకు, త్యాగానికి మధ్య జరిగే పోరాటమే ఈ చిత్ర కథాంశమని చిత్రబృందం తెలిపింది. గ్రాఫిక్స్‌కు ప్రాధాన్యత ఉన్న ఈ సినిమా చిత్రీకరణ పూర్తయింది. త్వరలోనే ఈ పాన్‌ ఇండియా సినిమా ప్రేక్షకుల ముందుకు రానుంది.

చైతన్య కొండా దర్శకత్వంలో హరిప్రసాద్ కోనే, ఇషాని, గోష్ హీరో హీరోయిన్లుగా గంగాధర్ పెద్దకొండ నిర్మించిన ఎమోషనల్ ఎంటర్‌‌టైనర్ ‘హ్యాపీ జర్నీ’. షూటింగ్ పూర్తయి, పోస్ట్‌ప్రొడక్షన్ వర్క్ జరుగుతోంది. తాజాగా ఈచిత్రంలోని ‘వందేమాతరం’ సాంగ్‌ని విడుదల చేశారు మేకర్స్. ఈసందర్భంగా నిర్మాత గంగాధర్ మాట్లాడుతూ.. ‘ఈ చిత్రాన్ని తెలుగు,హిందీ భాషల్లో నిర్మిస్తున్నాం. ఇందులోని వందేమాతరం పాటకుప్రేక్షకుల నుంచి మంచిరెస్పాన్స్ వస్తుందని భావిస్తున్నాం’అని అన్నారు.