Category: ఎంటర్‌టైన్‌మెంట్

హీరో నాని, దర్శకుడు శ్రీకాంత్‌ ఓదెల కాంబినేషన్‌లో రాబోతున్న కొత్త సినిమా ‘ది ప్యారడైజ్‌’. తాజాగా మేకర్స్ ఈ సినిమా ఫస్ట్‌లుక్‌ను విడుదల చేశారు. ఇందులో నాని డిఫరెంట్‌ లుక్‌లో కనిపించి అభిమానులను ఆకట్టుకున్నారు. ఆయన పాత్ర పేరు ‘జడల్‌’ అని ప్రకటించారు. ‘ఇది ఒక అల్లికగా ప్రారంభమై.. విప్లవంగా ముగిసింది’అని ఈ పోస్టర్‌లో పేర్కొన్నారు. ఈ చిత్రం వచ్చే ఏడాది మార్చి 26న విడుదల కానుంది.

తాను చాలా ఎమోషనల్‌ పర్సన్‌ అని, భావోద్వేగాలను అందరి ముందు ప్రదర్శించనని నటి రష్మిక చెప్పారు. చాలామంది తన దయాగుణాన్ని ఫేక్‌ అని అనుకోవడమే కారణమన్నారు. ఎంత నిజాయితిగా ఉంటె అంత వ్యతిరేకత వస్తుందని, నెగిటివిటీ, ట్రోలింగ్‌ను ఎదుర్కోవడం చాలా కష్టమని చెప్పారు. తన ప్రయాణంపై దృష్టిపెట్టి క్రమశిక్షణతో ముందుకు వెళ్తున్నట్లు రష్మిక తెలిపారు.

రజనీకాంత్‌ హీరోగా లోకేశ్‌ కనగరాజ్‌ దర్శకత్వంలో తెరకెక్కిన చిత్రం ‘కూలీ’. ఆగస్టు 14న విడుదల కానుంది. ఇందులో బాలీవుడ్‌ స్టార్‌ హీరో అతిథి పాత్రలో కనిపించనున్న విషయం తెలిసిందే. అయితే ఈ సినిమా హిందీ రిలీజ్‌ విషయంలో ఆమిర్‌ఖాన్‌ చొరవ చూపుతున్నట్లు వార్తలు వచ్చాయి. తాజాగా దీనిపై ఆమిర్‌ టీమ్‌ స్పందించింది. ఆ వార్తలన్నీ అవాస్తవాలని ఖండించింది.

ఢిల్లీలోని నిజాముద్దీన్‌ ప్రాంతంలో జరిగిన పార్కింగ్ వివాదంలో ఒక వ్యక్తి హత్యకు గురయ్యారు. ఈ ఘటనలో నటి హ్యూమా ఖురేషీకి సమీప బంధువు అయిన ఆసిఫ్ ఖురేషీ (52) ప్రాణాలు కోల్పోయారు. పార్కింగ్ విషయంలో తలెత్తిన ఘర్షణలో ఆసిఫ్‌పై పదునైన ఆయుధంతో దాడి జరిగింది. ఈ దాడిలో తీవ్రంగా గాయపడిన ఆయన ఆసుపత్రికి తరలిస్తుండగా మార్గమధ్యలో మరణించారు. ఈ కేసులో పోలీసులు నిందితుడిని అరెస్ట్ చేశారు.

ప్రస్తుతం సంక్రాంతి రేసుపై కన్నేసిన సినిమాల్లో ‘ది రాజాసాబ్‌’ ముందు వరుసలో కనిపిస్తోంది. హీరో ప్రభాస్‌ నటిస్తున్న పాన్‌ ఇండియా చిత్రమిది. మారుతి తెరకెక్కిస్తున్నారు. దీన్ని డిసెంబరు 5న తీసుకురానున్నట్లు ఇప్పటికే ప్రకటించినా.. పండగ బరిలో నిలిచే అవకాశమూ లేకపోలేదని చిత్ర వర్గాల నుంచి సంకేతాలు అందుతున్నాయి.

దర్శకుడు లోకేశ్ కనగరాజ్ ఆమిర్ ఖాన్‌తో తీయబోయే సినిమాపై స్పందించారు. తాను పదేళ్ల క్రితం రాసిన ‘ఇరుంబు కై మాయావి’ కథను పూర్తిగా మార్చేశానని, అందులోని కొన్ని సన్నివేశాలు ఇటీవల విడుదలైన ఒక చిత్రంలోని సన్నివేశాలను పోలి ఉన్నాయని తెలిపారు. ఆమిర్ ఖాన్‌తో కలిసి ఒక యాక్షన్ సినిమా చేయబోతున్నామని, అయితే అది సూపర్ హీరో చిత్రమా లేక ఫాంటసీ చిత్రమా అనేది ఇంకా నిర్ణయించలేదని చెప్పారు.