Category: ఎంటర్‌టైన్‌మెంట్

నరేశ్‌ అగస్త్య, ఫరియా అబ్దుల్లా జంటగా దర్శకుడు మురళీ మనోహర్‌ తెరకెక్కించిన చిత్రం ‘గుర్రం పాపిరెడ్డి’. బ్రహ్మానందం, యోగిబాబు రాజ్‌కుమార్‌ కసిరెడ్డి లాంటి కమెడియన్లు కీలక పాత్రలు పోషించారు. తాజాగా ఈ మూవీ టీజర్‌ను మేకర్స్ రిలీజ్ చేశారు. టీజర్ అద్యంతం నవ్వులు పూయించేలా ఉంది.

హైదరాబాద్‌ సిటీ అడ్డగుట్టలోని ఫిష్‌ వెంకట్‌ నివాసంలో ఆయన కుటుంబసభ్యులను నటుడు సోనూసూద్‌ పరామర్శించారు. ఇటీవల ఫిష్‌ వెంకట్‌ అనారోగ్యంతో మరణించిన విషయం తెలిసిందే. ఈ నేపథ్యంలో సోనూసూద్‌.. ఆయన కుటుంబసభ్యులను కలిసి ప్రగాఢ సానుభూతి తెలిపారు. వారికి అన్ని విధాలుగా అండగా ఉంటానని చెప్పారు.

ప్రస్తుతం ఇండియన్‌ బాక్సాఫీస్‌ వద్ద కాసుల వర్షాన్ని కురిపిస్తోంది ‘మహావతార్‌: నరసింహ’. హోంబలే ఫిల్మ్స్‌ ‘మహావతార్‌ సినిమాటిక్‌ యూనివర్స్‌’లో భాగంగా దర్శకుడు అశ్విన్‌కుమార్‌ దీన్ని తీర్చిదిద్దారు. ఇప్పటికే పలు రికార్డులను తన ఖాతాలో వేసుకున్న ఈ సినిమా ఇప్పుడు రూ.100 కోట్ల క్లబ్‌లో స్థానం సొంతం చేసుకుంది. ఈ నేపథ్యంలో చిత్ర బృందం సక్సెస్‌ ట్రైలర్‌ను విడుదల చేసింది. ఇందులోని విజువల్స్‌ ఆకట్టుకుంటున్నాయి.

‘కూలీ’ కథ చెప్పగానే అందులో సైమన్‌ పాత్ర తాను చేయాలన్నంత ఆసక్తి కలిగిందని దాన్ని.. నాగార్జున లాంటి నటుడు పోషించి అదరగొట్టారని సూపర్ స్టార్ రజనీకాంత్‌ అన్నారు. ఆయన కీలక పాత్రలో లోకేశ్‌ కనగరాజ్‌ దర్శకత్వంలో రూపొందుతున్న చిత్రం ‘కూలీ’. ఆగస్టు 14న ఈ సినిమా విడుదల కానుంది. ఈసందర్భంగా హైదరాబాద్‌లో నిర్వహించిన ‘ప్రీ-రిలీజ్‌ ఈవెంట్‌లో రజనీకాంత్‌ స్పెషల్‌ వీడియోతో తెలుగు వారిని పలకరించారు.

దర్శకుడు మోహిత్‌ సూరి తెరకెక్కించని బాలీవుడ్ చిత్రం ‘సైయారా’.. ఈ మూవీ ఇటీవలే ప్రేక్షకుల ముందుకువచ్చి పెద్ద విజయాన్ని సొంతం చేసుకుంది. ఇక ఈ సినిమాలోని పాటలు కూడా ప్రేక్షకులను ఆకట్టుకుంటున్నాయి. దీని టైటిల్ ట్రాక్‌ ఏకంగా 200 మిలియన్ల వ్యూస్‌ సొంతం చేసుకున్నట్లు మేకర్స్ తెలిపారు. ప్రపంచవ్యాప్తంగా ఈ చిత్రం ఇప్పటికే రూ.400 కోట్లకు పైగా వసూళ్లు సాధించిన విషయం తెలిసిందే.