Category: ఎంటర్‌టైన్‌మెంట్

విజయ్ దేవరకొండ, భాగ్యశ్రీ బోర్సే జంటగా గౌతమ్ తిన్ననూరి దర్శకత్వం వహించిన ‘కింగ్డమ్’కు మంచి వసూళ్లు సాధిస్తోంది. నైజాంలో ఈ చిత్రం మూడు రోజుల్లో రూ.7.85 కోట్ల షేర్(జీఎస్టీ కాకుండా) వసూలు చేసినట్లు పీఆర్ లెక్కలు చెబుతున్నాయి. మూడో రోజున రూ.1.8 కోట్లు వసూలు చేసినట్లు సమాచారం. అలాగే, ప్రపంచవ్యాప్తంగా రూ.67 కోట్ల గ్రాస్ వసూలు చేసినట్లు మేకర్స్ పోస్టర్ విడుదల చేశారు.

‘కూలీ’ మూవీ ట్రైలర్ లాంఛ్ ఈవెంట్‌లో నటుడు రజనీకాంత్ ఆస‌క్తిక‌ర వ్యాఖ్య‌లు చేశారు. ‘‘సత్యరాజ్‌కు నాకు భావజాలం విషయంలో భిన్నమైన అభిప్రాయాలు ఉంటాయి. ఆయ‌న త‌న మ‌న‌సులోని ప్ర‌తి విష‌యాన్ని బ‌య‌ట‌కు మాట్లాడతారు. అలాంటి వారిని న‌మ్మొచ్చు. కాని మ‌న‌సులో పెట్టుకునేవారిని న‌మ్మ‌డం డేంజ‌ర్.  మీకు ఎంత డబ్బు, కీర్తి వచ్చినా.. ఇంట్లో ప్రశాంతత, బయట రెస్పెక్ట్ లేకపోతే ఏది విలువైందికాదు’’ అని చెప్పుకొచ్చారు.

విజయ్ దేవ‌ర‌కొండ చాలా రోజుల త‌ర్వాత ‘కింగ్డమ్‌‌’తో మంచి హిట్ కొట్టాడు. కాగా, విజయ్ చేతిలో పలు క్రేజీ ప్రాజెక్టులు ఉన్నాయి. రాహుల్ సాంకృత్యాయన్ డైరెక్షన్‌లో మైత్రీ మూవీస్‌తో క‌లిసి రాయలసీమ నేపథ్యంలో ఓ చిత్రం.. వికిరణ్ కోలా దర్శకత్వంలో దిల్ రాజు బ్యానర్‌పై ఆంధ్రా బ్యాక్‌డ్రాప్‌లో ఓ సినిమా చేయ‌నున్నాడు. సుకుమార్, సందీప్‌రెడ్డి వంగాతో సినిమాలు చేసే అవకాశం ఉన్నట్లు తెలుస్తోంది.

నటుడు రజనీకాంత్ తన గతాన్ని గుర్తు చేసుకుంటూ, ఒకానొక సమయంలో కూలీగా లగేజ్ మోయాల్సి వచ్చిందని తెలిపారు. ఒక వ్యక్తి తన లగేజ్‌ను టెంపో వరకు తీసుకువెళ్ళమని అడిగాడని, తర్వాత అతడు తన కాలేజీ స్నేహితుడని గుర్తించానని చెప్పారు. లగేజ్ మోసినందుకు రూ.2 ఇచ్చి, గతంలో రజనీకాంత్‌కు ఉన్న అహంకారాన్ని గురించి విమర్శించాడని, ఆ మాటలకు తనకు కన్నీళ్లు ఆగలేదని రజనీ బాధపడ్డారు.

సూపర్ స్టార్ రజినీకాంత్ నటించిన కూలీ మూవీ నుంచి ఇవాళ ట్రైలర్‌ను రిలీజ్ చేశారు. ఈ నేపథ్యంలో తమిళనాడులోని చెన్నై వేదికగా ట్రైలర్ లాంచ్ ఈవెంట్‌ను నిర్వహించారు.  ఈ ఈవెంట్‌లో ఆసక్తికర పరిణామం చోటుచేసుకుంది. బాలీవుడ్ స్టార్ హీరో అమిర్ ఖాన్ ఫంక్షన్‌కు ఎంటర్ అవ్వగానే రజినీకాంత్ కాంత్ వద్దకు వచ్చి కాళ్లుకు మొక్కారు.  దీనికి సంబంధించిన వీడియోలు వైరల్‌గా మారాయి.