Category: ఎంటర్‌టైన్‌మెంట్

‘హరిహర వీరమల్లు’ ప్రెస్‌మీట్‌లో పవన్ కళ్యాణ్ పెట్టుకున్న వాచ్ ప్రస్తుతం సోషల్‌మీడియాలో హాట్ టాపిక్‌గా మారింది. ప్రపంచ ప్రఖ్యాత లగ్జరీ బ్రాండ్ ‘Eberhard & Co’ సంస్థకు చెందిన ఈ వాచ్ ధర సుమారుగా రూ.1,85,148 అని తెలుస్తోంది. పవన్ కళ్యాణ్ అభిమానులు మాత్రమే కాక‌, సినీ ప్రియులు కూడా ఈ గడియారంపై ఆసక్తి చూపుతున్నారు. ఇది ఇప్పటికే నెట్టింట విపరీతంగా షేర్ అవుతోంది.

ప్రభాస్-హను రాఘవపూడి కాంబోలో ‘ఫౌజీ’ మూవీ తెరకెక్కుతోంది. ఇందులో ఇమాన్వి ఇస్మాయిల్ హీరోయిన్‌గా నటిస్తోంది. తాజాగా ఈ సినిమాకు సంబంధించిన ఓ వార్త సోషల్‌మీడియాలో వైరల్ అవుతోంది. ఈ మూవీలో బాలీవుడ్ బ్యూటీ వామిక గబ్బి కీలక పాత్రలో నటిస్తున్నట్లు సమాచారం. ఆమెతో చిత్రబృందం చర్చలు కూడా జరపగా.. వామికా నటించేందుకు ఒప్పుకున్నట్లు తెలుస్తోంది. అయితే దీనిపై అధికారిక ప్రకటన రావాల్సివుంది.

హీరోయిన్ నిత్యామీనన్ తాజాగా బడా హీరోలపై ఆమె చేసిన కామెంట్స్ వైరల్ అవుతున్నాయి. పెద్ద హీరోల సినిమాల్లో నటించడం వల్ల ఎలాంటి ఉపయోగం ఉండదని నిత్య చెప్పింది. చిన్న హీరోల సినిమాల్లో నటిస్తేనే హీరోయిన్లకు మంచి పేరు వస్తుందని.. కిక్ ఉంటుందని తెలిపింది. తన పాత్రకు ప్రాధాన్యత ఉంటేనే ఆ చిత్రంలో నటిస్తానని చెప్పింది. అందుకే సినిమాలకు లాంగ్ బ్రేక్ తీసుకున్నానని వెల్లడించింది.

బాలీవుడ్ నటుడు నవాజుద్దీన్‌ సిద్ధిఖీ తనకెరీర్‌లో ఎదురైన విమర్శలపై ఓ ఇంటర్వ్యూలో మాట్లాడారు. ‘‘నువ్వు నటుడివా?, యాక్టర్‌లా కనిపించట్లేదే’ అని నా కెరీర్‌ ప్రారంభంలో కొందరు విమర్శించేవారు. తొలుత బాధపడినా.. కెరీర్‌ విషయంలో మాత్రం ఎప్పుడూ భయపడలేదు. నేను రంగు తక్కువైనా ఈ స్థాయికి చేరుకోగలిగా. అయితే నాలాంటివారితో రూ.25 కోట్ల బడ్జెట్‌కు మించి సినిమాలు నిర్మించేందుకు ఎవరూ ముందుకు రారు’’ అని వెల్లడించారు.