రజనీకాంత్‌ నటిస్తున్న ‘కూలీ’ మూవీ ఆగస్టు 14న విడుదల కానుంది. ఈ చిత్రంపై ఇప్పటికే భారీ అంచనాలు నెలకొన్నాయి. లోకేష్ కనగరాజ్ ద‌ర్శ‌క‌త్వం వహిస్తున్న ఈ సినిమా ప్రమోషన్స్ ఇప్పటికే షురూ చేశారు. తాజాగా ఈ మూవీ నుంచి సరికొత్త పోస్టర్ రిలీజ్ చేశారు మేకర్స్. ఈ సినిమా విడుద‌ల‌కు ఇంకా 30 రోజులే ఉంద‌ని తెలుపుతూ.. కౌంట్‌డౌన్ పోస్ట‌ర్‌ను విడుదల చేశారు.
హీరో విశాల్‌ సినిమా రివ్యూలను ఉద్దేశించి కీలక వ్యాఖ్యలు చేశారు. సినిమాను బతికించాల్సిన బాధ్యత అందరిపై ఉందన్నారు. ఏదైనా సినిమా విడుదలైనప్పుడు వెంటనే పబ్లిక్‌ రియాక్షన్స్‌ తీసుకోవడం సరికాదన్నారు. ఆ పద్ధతిని మానుకోవాలని సూచించారు. కనీసం 3రోజుల పాటు థియేటర్ల ఆవరణలో పబ్లిక్‌ నుంచి అభిప్రాయం తీసుకోవడానికి యూట్యూబర్స్‌ను అనుమతించొద్దన్నారు. ఈ మేరకు ఆయన ‘రెడ్‌ ఫ్లవర్‌’ మూవీ ఈవెంట్‌లో ఈ కామెంట్స్ చేశారు.
‘96’, ‘మెయ్యాళగన్’ వంటి చిత్రాల‌తో త‌న‌కంటూ ప్ర‌త్యేక గుర్తింపు తెచ్చుకున్న ద‌ర్శ‌కుడు ప్రేమ్ కుమార్.సీ తన కొత్త సినిమాను చియాన్‌ విక్ర‌మ్‌తో ప్ర‌క‌టించాడు. ‘Chiyaan64’ అనే వ‌ర్కింగ్ టైటిల్‌తో తెర‌కెక్క‌నున్న ఈ ప్రాజెక్ట్ విక్రమ్ కెరీర్‌లో 64వ చిత్రంగా రాబోతుంది. ఈ ప్రాజెక్ట్ పూజా కార్య‌క్ర‌మాలు జ‌రుపుకుని త్వ‌ర‌లోనే సెట్స్ మీదకి వెళ్ల‌నున్న‌ట్లు చిత్రబృందం ప్ర‌క‌టించింది.
హీరో నితిన్ జూలై 4న ‘తమ్ముడు’ సినిమాతో థియేటర్లలో సందడి చేశాడు. ఈమూవీ రిలీజైన 30 రోజులలో లోపే.. ఓటీటీలోకి వస్తోందని సినీవర్గాల సమాచారం. అంటే ఆగస్టు ఒకటో తేదీ నుంచి ఈ చిత్రం స్ట్రీమింగ్ కాబోతుందట. నెట్‌ఫ్లిక్స్‌లో ఈ మూవీ స్ట్రీమింగ్ కాబోతుందని ప్రచారం జరుగుతోంది. అయితే దీనిపై అధికారిక ప్రకటన రావాల్సివుంది.
అనుపమ పరమేశ్వరన్ ప్రధాన పాత్రలో ప్రవీణ్ కాండ్రేగుల తెరకెక్కిస్తున్న చిత్రం ‘పరదా’. ఈమూవీలోని ‘యాత్ర నార్యస్తు’ సాంగ్ లిరికల్ వీడియో రేపు ఉ.11గంటలకు రాబోతున్నట్లు మేకర్స్ ప్రకటించారు.
రాహుల్‌ రవీంద్రన్‌ దర్శకత్వంలో రష్మిక-రక్షిత్‌శెట్టి ప్రధాన పాత్రల్లో నటిస్తున్న చిత్రం ‘ది గర్ల్‌ ఫ్రెండ్‌’. గీతా ఆర్ట్స్‌ బ్యానర్పై అల్లు అరవింద్‌ ఈ సినిమాను నిర్మిస్తున్నారు. విభిన్నమైన ప్రేమ కథతో లేడీ ఓరియంటెడ్‌ సినిమాగా రానుంది. ప్రస్తుతం దీని చిత్రీకరణ శరవేగంగా జరుగుతోంది. తాజాగా చిత్రబృందం ఈ మూవీలోని ఫస్ట్ సాంగ్‌ను విడుదల చేసింది.
గాలి కిరిటీ-శ్రీలీల జంటగా నటిస్తున్న చిత్రం ‘జూనియర్’. ఈ సినిమాలో ‘వైరల్ వయ్యారి’ సాంగ్‌తో శ్రీలీల సోషల్‌మీడియాను షేక్ చేసింది. ఈ పాట మాస్ ఆడియన్స్‌ను ఓ ఊపు ఊపేసింది. అయితే తాజాగా శ్రీలీల షేర్ చేసిన ఓ వీడియో నెట్టింట వైరల్‌గా మారింది. తన అమ్మమ్మతో చేసిన ఫన్నీ వీడియో నెటిజన్స్‌ను ఆకట్టుకుంటోంది. ప్రస్తుతం ఈ వీడియోను నెట్టింట వైరల్ అవుతోంది.
హీరో ప్రభాస్‌ హోంబలే ఫిల్మ్స్‌ సంస్థతో మూడు భారీ చిత్రాలు చేయనున్నాడు. దీనిపై తాజాగా ప్రభాస్‌ స్పందించారు. ‘‘విజయ్‌ కిరంగదూర్‌ వల్లే హోంబలే సంస్థ ఈ స్థాయికి చేరింది. ‘సలార్‌’తో మా ప్రయాణం మొదలైంది. మేమంతా ఒక కుటుంబంలా మారాం. సినిమా క్వాలిటీ విషయంలో ఎక్కడా రాజీ పడరు. ఆ విషయం నాకెంతో నచ్చింది. అందుకే ఆయనతో వరుస ప్రాజెక్ట్‌లు చేస్తున్నా’’ అని తెలిపారు.
శ్రీలీల క్యూట్ ఎక్స్ప్రెషన్స్‌తో తన లేటెస్ట్ ఫోటోను సోషల్‌మీడియాలో షేర్ చేసింది.ఈ ముద్దుగుమ్మ శారీలో తన అందంతో మాయ చేస్తోంది.
హృతిక్ రోషన్, ఎన్టీఆర్ మల్టీస్టారర్ మూవీ ‘వార్-2’. కియారా అద్వానీ హీరోయిన్. ఆగష్టు 14న ఈ సినిమా ప్రేక్ష‌కుల ముందుకురానుంది. ఈ క్ర‌మంలో సినిమా విడుద‌ల‌కు ఇంకా 30 రోజులే ఉంద‌ని తెలుపుతూ.. మేకర్స్ కౌంట్‌డౌన్ పోస్ట‌ర్‌ను విడుదల చేశారు. ఈ స్పెషల్ పోస్టర్ అదిరిపోయిందని చెప్పాలి. ఈ చిత్రానికి అయాన్ ముఖ‌ర్జీ ద‌ర్శ‌క‌త్వం వ‌హిస్తుండ‌గా.. యశ్‌రాజ్ ఫిలిమ్స్ బ్యానర్పై ఆదిత్య చోప్రా నిర్మిస్తున్నారు.
