కోట శ్రీనివాసరావు కుటుంబ సభ్యులను ఎన్టీఆర్‌ పరామర్శించారు. కోట మరణం పట్ల ప్రగాఢ సానుభూతి తెలియజేసిన ఆయన.. కుటుంబ సభ్యులకు ధైర్యం చెప్పారు. ‘‘కోట శ్రీనివాసరావు.. ఆ పేరే చాలు. ఎనలేని నటనా చాతుర్యం. ప్రతి పాత్రకు తనదైన శైలిలో ప్రాణం పోసిన మహా నటుడు. నా సినీ ప్రయాణంలో ఆయనతో నటించిన, పంచుకున్న క్షణాలు ఎప్పటికీ చిరస్మరణీయం’’ అంటూ ఆయనతో ఉన్న అనుబంధాన్ని గుర్తుచేసుకున్నారు.
మలయాళ స్టార్ హీరో ఫహాద్ ఫాజిల్ నటిస్తున్న చిత్రం ‘మారీసన్’. తాజాగా ఈ మూవీ నుంచి రేపు ట్రైలర్ రిలీజ్ చేస్తున్నట్లు మూవీటీం స్పెషల్ పోస్టర్‌ని విడుదల చేసింది.
ఈ ఏడాది విడుదలకానున్న చిత్రాల్లో ‘అఖండ 2 తాండవం’ భారీ అంచనాలు ఉన్నాయి. ఇప్పటికే విడుదలైన ఈ మూవీ టీజర్ ఆ అంచనాలను మరింత పెంచేసింది. ఈ నేపథ్యంలో మరో టీజర్‌ను విడుదల చేసేందుకు మేకర్స్ సిద్ధమవుతున్నట్లు టాక్ వినిపిస్తోంది. థియేట్రికల్ రిలీజ్ వస్తున్న రూమర్స్‌‌కు చెక్ పెట్టేందుకే ఈ ప్లాన్ చేస్తున్నట్లు తెలుస్తోంది.
గాలి జనార్దనరెడ్డి తనయుడు కిరీటి హీరో ఎంట్రీ ఇస్తున్న సినిమా ‘జూనియర్‌’. శ్రీలీల హీరోయిన్‌. రాధాకృష్ణ రెడ్డి దర్శకత్వం వహించిన ఈ సినిమా ఈ నెల 18న విడుదల కానుంది. ఈ సందర్భంగా బెంగళూరులో ఇవాళ ప్రీ రిలీజ్ ఈవెంట్ నిర్వహించారు. ఈవెంట్‌కు ప్రముఖ నటుడు శివ రాజ్‌కుమార్‌ ముఖ్య అతిథిగా హాజరయ్యారు. ఆ మూవీలోని ‘వైరల్‌ వయ్యారి’ సాంగ్‌కు హీరో- హీరోయిన్లలతో కలిసి డ్యాన్స్‌ చేశారు.
కోలీవుడ్‌లో విషాదం నెలకొంది. స్టంట్‌మ్యాన్‌ రాజు ఆదివారం ఉదయం మృతి చెందారు. నటుడు విశాల్‌ పోస్టుతో ఆ దుర్ఘటన గురించి తెలిసింది. హీరో ఆర్య- డైరెక్టర్‌ పా.రంజిత్‌ కాంబినేషన్‌లో తెరకెక్కుతున్న సినిమా సెట్స్‌లో ప్రమాదం జరిగిందని విశాల్‌ తెలిపారు. కారుతో స్టంట్స్‌ చేస్తుండగా ప్రమాదవశాత్తూ రాజు మరణించినట్టు పేర్కొన్నారు. రాజు మృతి పట్ల సంతాపం ప్రకటించిన విశాల్‌.. ఆయన కుటుంబానికి అండగా ఉంటానన్నారు.
గౌతమ్ కృష్ణ హీరోగా నటించిన సినిమా ‘సోలో బాయ్‌’. రమ్య పసుపులేటి, శ్వేతా అవస్తి హీరోయిన్లు. పి. నవీన్‌ కుమార్‌ దర్శకత్వం వహించిన ఈ సినిమా జులై 4న విడుదలైంది. తాజాగా ఈ చిత్రం ఓటీటీలోకి తీసుకొచ్చేస్తున్నట్లు హీరో గౌతమ్ కృష్ణ పోస్ట్ పెట్టాడు. త్వరలో స్ట్రీమింగ్ అప్‌డేట్ ఉంటుందని అన్నాడు. కాగా ఈ సినిమా రిలీజై 10 రోజులు కూడా కాలేదు.
హోంబళే ఫిలిమ్స్ ‘మహావతార్ యూనివర్స్‌’లో భాగంగా ‘మహావతార్ నరసింహ’ను తెరకెక్కిస్తోంది. ఈ యానిమేటేడ్‌ చిత్రం తెలుగు, తమిళ, కన్నడ, మలయాళం, హిందీ భాషల్లో విడుదలకానుంది. కాగా, ఈ మూవీని రెండు తెలుగు రాష్ట్రాల్లో గీతా ఆర్ట్స్ విడుదల చేయనున్నట్లు మేకర్స్ తాజాగా ప్రకటించారు. ఈ మూవీ జూలై 25న ప్రపంచవ్యాప్తంగా రిలీజ్ కానుంది.
ప్రముఖ నటుడు కోట శ్రీనివాసరావు అంత్య క్రియలు పూర్తయ్యాయి. హైదరాబాద్‌ ఫిల్మ్ నగర్‌లోని మహా ప్రస్థానంలో అంతిమ కార్యక్రమాలు పూర్తి చేశారు. ఈ అంత్యక్రియల్లో కుటుంబ సభ్యులతో పాటు టాలీవుడ్ ఇండస్ట్రీకి సంబంధించిన ప్రముఖులు పాల్గొన్నారు. గత కొన్ని రోజులుగా అనారోగ్యంతో బాధపడుతున్న ఆయన ఇవాళ తెల్లవారుజామున కన్నుమూసిన విషయం తెలిసిందే.
ప్రముఖ నటుడు కోట శ్రీనివాసరావు అంతిమయాత్ర మొదలైంది. కాసేపట్లో హైదరాబాద్‌ ఫిల్మ్ నగర్‌లోని మహా ప్రస్థానంలో కోటా అంత్యక్రియలు జరగనున్నాయి. పైన క్లిక్ చేసి లైవ్‌లో చూడండి.
విలక్షణ నటుడు కోట శ్రీనివాసరావు లేరనే వార్త చిత్ర పరిశ్రమతో పాటు, యావత్‌ తెలుగు ప్రేక్షకులను దిగ్భ్రాంతికి గురి చేసింది. అయితే, 40ఏళ్ల సినీ కెరీర్‌ కలిగిన ఆయన తన జీవితంలో కోల్పోయిన విషయాలు రెండే రెండు ఉన్నాయని ఓ సందర్భంలో గుర్తు చేసుకుని బాధపడ్డారు. ‘‘ ఒకటి సరైన సమయంలో కుటుంబంతో గడపలేకపోయాను. ఇక రెండోది- జనరల్ నాలెడ్జ్‌ లేకుండా పోయింది’’ అని తెలిపారు.
