పెళ్లిపై తన అభిప్రాయాన్ని వెల్లడించారు నటి శ్రుతి హాసన్. వివాహానికి అవసరమైన నిబద్ధత, విధేయతలను తాను నమ్ముతున్నానని, కానీ వివాహం అనే ఆలోచన తనను ఓ శిలలా మారుస్తుందని చెప్పారు. గతంలో ఒకరిని పెళ్లి చేసుకోవాలని తాను అనుకున్నానని, కానీ అది ఫలించలేదని తెలిపారు. తాను ప్రస్తుతం ఒంటరిగా ఉన్నానని, ఏకాంతంలో హాయిగా ఉండటానికి ప్రయత్నిస్తున్నానని పేర్కొన్నారు.
తమిళ సూపర్ స్టార్ రజనీకాంత్, లోకేశ్ కనకరాజ్ కాంబోలో వస్తున్న సినిమా ‘కూలీ’. ఈ సినిమాతో ప్రేక్షకులను పలకరించేందుకు నటి శ్రుతి సిద్ధమవుతున్నారు. ఈ క్రమంలో తాజాగా ఓ ఇంటర్వ్యూలో శ్రుతి హాసన్ ఆసక్తికర వ్యాఖ్యలు చేశారు. అమితాబ్‌ ,కమల్‌ హాసన్, రజనీకాంత్‌లను ఒకరితో ఒకరిని పోల్చలేమని శ్రుతి అభిప్రాయపడ్డారు.
ఐకాన్ స్టార్ అల్లు అర్జున్, అట్లీ కాంబోలో ఓ సినిమా రానుంది. ఈ సినిమాలో రష్మిక నటిస్తున్నారని వార్తలు వస్తున్నాయి. ఈ మూవీలో ఐదుగురు హీరోయిన్లని, అందులో రష్మిక ఒకరని సినీవర్గాల్లో టాక్‌ నడుస్తోంది. ఈ క్రమంలో దీపిక, మృణాల్‌, రష్మిక, జాన్వీ, భాగ్యశ్రీ పేర్లు వినిపిస్తున్నాయి. రష్మిక పాత్రలో కాస్త నెగటివ్‌ షేడ్స్‌ ఉంటాయని, యాక్షన్ సీన్సూ చేస్తారని సమాచారం.
తెలుగు యాంకర్ ఉదయభాను సంచలన వ్యాఖ్యలు చేశారు. ఓ ఈవెంట్‌లో ‘చాలా ఏళ్ల తర్వాత మళ్లీ ఈవెంట్స్‌ చేస్తున్నారు’ అని ఓ డైరెక్టర్‌ అనగా.. ‘‘ఈ ఒక్క ఈవెంటే చేశా. మళ్లీ చేస్తానో లేదో తెలియదు. రేపే ఈవెంట్‌ అనుకుంటాం. చేసే రోజు ఈవెంట్‌ ఉండదు. ఇక్కడ పెద్ద సిండికేట్ ఎదిగింది’’ అని భాను సమాధానమిచ్చారు.
బాలీవుడ్ నటుడు సంజయ్ దత్ ఆసక్తికర వ్యాఖ్యలు చేశారు. కన్నడ హీరో ధృవ సర్దా KD మూవీ టీజర్ లాంచ్ కార్యక్రమంలో.. తెలంగాణ నుంచి ఇంటికి ఏం తీసుకెళ్తారు అని సంజయ్‌ను రిపోర్టర్‌ అడగ్గా.. ‘‘మంచి సినిమాలు చేయాలి అనే ప్యాషన్‌ని నేను ఇక్కడి నుంచి తీసుకెళ్తాను. ప్రతిది నంబర్స్‌ మీదే ఆధారపడి ఉండదు. ప్యాషన్‌ మీద కూడా ఉంటుంది’’ అని వ్యాఖ్యానించారు.
బాలీవుడ్ హీరోయిన్ విద్యాబాలన్‌ ఓ ఇంటర్వ్యూలో తన సినీకెరీర్‌ ప్రారంభంలో ఎదురైన చేదు అనుభవాల్ని పంచుకున్నారు. ‘‘నేను సినిమా ఇండస్ట్రీలోకి వచ్చినకొత్తలో మోహన్‌లాల్‌తో కలిసి ‘చక్రం’ అనే సినిమాలో నటించే అవకాశం వచ్చింది. కానీ అనూహ్యంగా అది మధ్యలోనే ఆగిపోయింది. దీంతో ఆ సినిమా ఆగిపోవడానికి నేనే కారణమంటూ ఐరన్ లెగ్ అన్నారు. వెంటనే నేను ఒప్పుకున్న తొమ్మిది ప్రాజెక్ట్‌ల నుంచి నన్ను తొలగించారని’’ వెల్లడించారు.
నితిన్ హీరోగా శ్రీరామ్‌ వేణు తెరకెక్కిస్తున్న చిత్రం ‘తమ్ముడు’. జులై 4న ప్రేక్షకుల ముందుకు రానుంది. తాజాగా ఈ మూవీలోని ఫస్ట్ లిరికల్‌ సాంగ్‌ను మేకర్స్ విడుదల చేశారు. ‘భూ అంటూ భూతం వస్తే ఆగకే అమ్మాడీ’ అంటూ చిన్నారితో కలిసి నితిన్ సందడి చేశాడు. ఈ పాటను అనురాగ్‌ కులకర్ణి, అక్షిత ఆలపించగా.. అజనీష్‌ లోకనాథ్‌ స్వరాలు సమకూర్చారు.
ధ్రువ సార్జా హీరోగా దర్శకుడు ప్రేమ్‌ తెరకెక్కిస్తున్న చిత్రం ‘కేడీ: ది డెవిల్‌’. శిల్పా శెట్టి, సంజయ్ దత్ కీలకపాత్రలు పోషించారు. ఇవాళ టీజర్ లాంచ్ చేశారు. ఈ నేపథ్యంలో సంజయ్ దత్‌ని.. ప్రభాస్ గురించి ఏమైనా చెబుతారా అని అడగ్గా అతను స్పందింస్తూ.. ‘‘ప్రభాస్ గ్రేట్‌ యాక్టర్‌. ఫుడ్‌ ఎక్కువగా పెడతాడు. చిరంజీవి కూడా నాకు ఇష్టం. ఇద్దరితో మంచి అనుబంధం ఉంది’’ అని సమాధానమిచ్చాడు.
TG: బెట్టింగ్ యాప్‌లను ప్రమోట్ చేస్తున్న సెలబ్రిటీలపై ఆర్టీసీ ఎండీ వీసీ సజ్జనార్ తీవ్ర ఆగ్రహం వ్యక్తం చేశారు. యువత భవిష్యత్తును నాశనం చేస్తూ, బంధుత్వాలను మరిచి, చోరీలు, నేరాలు, తల్లిదండ్రుల హత్యలకు కారణమవుతున్నారని ఆయన మండిపడ్డారు. ఈ బెట్టింగ్ భూతాన్ని ప్రచారం చేసిన సెలబ్రిటీలే ప్రధాన కారకులని సజ్జనార్ ప్రశ్నించారు.
పవర్‌స్టార్ పవన్ కల్యాణ్ హీరో నటిస్తోన్న ‘హరిహర వీరమల్లు’ చిత్రం నుంచి మేకర్స్ కొత్త పోస్టర్ రిలీజ్ చేశారు. పవన్ కల్యాణ్ మీసం మెలేస్తున్న ఈ ఫొటో ఫ్యాన్స్‌కు కిక్కిస్తోంది. ఏఎం రత్నం నిర్మిస్తోన్న ఈ హిస్టారికల్‌ యాక్షన్ ఫిల్మ్‌‌లో నిధి అగర్వాల్‌ హీరోయిన్‌గా నటిస్తోంది. జ్యోతికృష్ణ, క్రిష్‌ జాగర్లమూడి దర్శకత్వం వహించారు. జులై 24న ప్రపంచవ్యాప్తంగా ఈ మూవీ రిలీజ్ కానుంది.
