Category: ఎంటర్‌టైన్‌మెంట్

ప్రముఖ దర్శకుడు లోకేశ్ కనగరాజ్ హీరోగా వెండితెరపైకి అడుగుపెడుతున్నట్లు కోలీవుడ్ సర్కిల్స్‌లో వార్తలు వినిపిస్తున్నాయి. అరుణ్ మథేశ్వరన్ దర్శకత్వంలో రూపొందే ఈ చిత్రంలో కూలీ సినిమా ఫేమ్ కన్నడ నటి రచితా రామ్ హీరోయిన్‌గా నటించనుంది. ఈ సినిమాలో లోకేశ్, రచితా రామ్‌తో రొమాన్స్ చేయనున్నట్లు తెలుస్తోంది. ప్రస్తుతం ఈ వార్త వైరల్‌గా మారింది.

తన లక్కీ నంబర్ 3 అని.. పెళ్లి తర్వాత ముగ్గురు పిల్లలకు జన్మనిస్తా హీరోయిన్ జాన్వీకపూర్ గతంలో వెల్లడించింది. తాజాగా ఈ విషయంపై ఆమె స్పందించింది. ‘‘ఇద్దరు పిల్లలు గొడవ పడినప్పుడు మూడో బిడ్డ ఎవరికి మద్దతు ఇస్తారో చూడాలని, తన బిడ్డలందరూ ఒకరికొకరు మద్దతుగా నిలుస్తారని చెప్పింది. ఈ వ్యాఖ్యలతో ఆమె తన అభిమానులను ఆకట్టుకుంటోంది.

2000 సంవత్సరంలో విడుదలై హిట్‌గా నిలిచిన చిత్రం ‘ప్రియురాలు పిలిచింది’. ఇందులోని మమ్ముట్టి పాత్రను చిత్ర దర్శకుడు రాజీవ్‌మేనన్‌ తాజాగా గుర్తుచేసుకున్నారు. ‘‘యుద్ధంలో కాలు కోల్పోయిన మేజర్‌ బాలా పాత్రలో ఆయన జీవించేశారు. ఆ పాత్ర గొప్పతనమంతా అతడి నడకలోనే ఉంటుంది. కాలు కోల్పోయిన వ్యక్తిగా నటించడానికి స్టార్స్ ఎవరూ అంగీకరించలేదు. కానీ మమ్ముట్టి ఆ పాత్ర గురించి చెప్పగానే అంగీకరించారు’’ అని చెప్పారు.

దాదాపు 17 ఏళ్ల తర్వాత బాలీవుడ్ స్టార్‌ హీరోలు అక్షయ్‌కుమార్‌-సైఫ్‌ అలీఖాన్‌ మళ్లీ కలిసి నటిస్తున్నారు. ఇటీవల ప్రారంభమైన ఈ సినిమాలో హీరోయిన్‌గా సయామీ ఖేర్‌ ఛాన్స్‌ దక్కించుకుంది. ‘‘ఎవరి సినిమాలు చూస్తూ పెరిగానో.. ఇప్పుడు వారితోనే కలిసి నటిస్తుండటం చాలా సంతోషంగా ఉంది. ఇది నేను ఊహించనిది’’ అని ఆమె వెల్లడించింది.