‘హరి హర వీరమల్లు’తో ప్రేక్షకుల ముందుకు రానున్న నిధి అగర్వాల్‌ ఎక్స్‌‌లో ఫ్యాన్స్‌ని సోమవారం పలకరించింది. ఈక్రమంలో నిధి అగర్వాల్‌కూ ఓ అభిమాని నేరుగా మ్యారేజ్‌ టాపిక్‌ తీసుకొచ్చాడు. ‘‘మీ అమ్మగారి ఫోన్‌ నెంబరు ఇస్తే.. మన పెళ్లిసంబంధం గురించి మాట్లాడతా. ప్లీజ్‌ ఇవ్వొచ్చుగా నిధి’’ అంటూ హార్ట్‌ ఎమోజీతో విజ్ఞప్తి చేశాడు. ‘అవునా? చిలిపి..’ అని నిధి సమాధానమిచ్చింది.
సూపర్‌స్టార్ మహేశ్‌బాబు ఫ్యాన్స్‌‌కు గుడ్ న్యూస్. ఆయన నటించిన ‘అతడు’ చిత్రాన్ని సరికొత్త సూపర్ 4K టెక్నాలజీతో ఆగస్టు 9న రీ-రిలీజ్ చేయనున్నారు.
మాస్ మహారాజా రవితేజ వారసుడు టాలీవుడ్‌కు ఎంట్రీ ఇవ్వబోతున్నాడు. ఆయన తమ్ముడు రఘు కొడుకు.. మాధవ్ రాజ్ భూపతి హీరోగా నాగరాజ్ దర్శకత్వంలో ఓ సినిమా రాబోతుంది. తాజాగా టైటిల్ ఫస్ట్ లుక్ పోస్టర్‌ను మేకర్స్ రిలీజ్ చేశారు. తెలంగాణ గ్రామీణ నేపథ్యంలో రాబోతున్న ఈ మూవీకి ‘మారెమ్మ’ టైటిల్ ఫిక్స్ చేశారు. ఈ పోస్టర్ సినిమాపై భారీ అంచనాలను పెంచుతోంది.
యాక్షన్ కింగ్ అర్జున్ సర్జా డైరెక్ట్ చేస్తున్న చిత్రం ‘సీతా పయనం’. ఇందులో అర్జున్ కూతురు ఐశ్వర్య హీరోయిన్‌గా నటిస్తోంది. ఈ సినిమాకు సంబంధించిన ఫస్ట్ సాంగ్‌ను రిలీజ్ చేసేందుకు చిత్రయూనిట్ సిద్ధమైంది. ‘యే ఊరికెళ్తావే పిల్లా’ అంటూ సాగే ఈ పాటను జూలై 10న రిలీజ్ చేస్తున్నట్లు మేకర్స్ ప్రకటించారు. ఈ సినిమాలో నిరంజన్ హీరోగా నటిస్తుండగా.. అనూప్ రూబెన్స్ సంగీతం అందిస్తున్నాడు.
బుట్టబొమ్మ పూజా హెగ్డే తాజాగా మరోసారి చీరలో మెరిసింది. బ్లాక్ శారీలో మరింత అందంగా కనిపించింది. ఈ పిక్ ప్రస్తుతం నెట్టింట వైరలవుతోంది.
విష్ణు విశాల్ ప్రధానపాత్రలో నటించిన మర్డర్ అండ్ థ్రిల్లర్ ‘రాట్సాసన్’. 2018 అక్టోబర్‌లో రిలీజైన ఈ తమిళ మూవీ మంచి సక్సెస్‌ను అందుకుంది. ఇప్పుడు దీని సీక్వెల్‌కు సిద్ధమైనట్లు తెలుస్తోంది. ఈ మేరకు ‘‘‘రాట్సాసన్’ సీక్వెల్‌కు సర్వం సిద్ధం. 2026లో భారతదేశపు అత్యంత భయానక థ్రిల్లర్ తిరిగి వస్తుంది. మరోసారి వణకడానికి సిద్ధంగా ఉండండి’’ అంటూ ప్రస్తుతం ఓ పోస్ట్ నెట్టింట చక్కర్లు కొడుతోంది.
మహేష్‌బాబు-రాజమౌళి కాంబినేషన్‌లో ‘SSMB29’ చిత్రం తెరకెక్కుతోంది. అయితే షూటింగ్ దశలో ఉన్న ఈ సినిమాకు ఊహించని షాక్ తగిలినట్లు తెలుస్తోంది. కెన్యా అడవిలో యాక్షన్ సీన్స్ తీసేందుకు జక్కన్న భారీ ఏర్పాట్లు చేశారట. అయితే ఈ షూట్ రద్దు అయ్యిందట. ప్రస్తుతం కెన్యాలోని కొన్ని ప్రాంతాల్లో శాంతిభద్రతల పరిస్థితులు అనుకూలంగా లేవని సమాచారం. దీంతో తాత్కాలికంగా కెన్యా షూటింగ్‌ను వాయిదా వేసుకున్నట్లు సినీవర్గాలు తెలిపాయి.
హృతిక్‌ రోషన్, ఎన్టీఆర్‌ కలిసి నటిస్తున్న పాన్ ఇండియా చిత్రం ‘వార్‌-2’. అయాన్‌ ముఖర్జీ దర్శకత్వం వహిస్తున్న ఈ సినిమాలో కియారా అడ్వాణీ హరోయిన్‌. ఆగస్టు 14న థియేటర్లలోకి రానుండగా.. తాజాగా మూవీపై హీరో ఎన్టీఆర్‌ క్రేజీ అప్డేట్ ఇచ్చాడు. ఈ సినిమా షూటింగ్ పూర్తైనట్లు వెల్లడించాడు. ఈమేరకు ఎక్స్ వేదికగా పోస్ట్ చేశాడు. హృతిక్‌ రోషన్‌తో కలిసి నటించడంపై ఆనందం వ్యక్తం చేశాడు.
విజయ్‌ దేవరకొండ హీరోగా గౌతమ్‌ తిన్ననూరి తెరకెక్కిస్తున్న చిత్రం ‘కింగ్డమ్’. తాజాగా మూవీ న్యూ రిలీజ్ డేట్ ప్రోమోను మేకర్స్ విడుదల చేశారు. జులై 31న ఈ సినిమాను పాన్ ఇండియా భాషల్లో విడుదల చేయనున్నట్లు ప్రకటించారు. ఈమూవీలో భాగ్యశ్రీ బోర్సే హీరోయిన్‌గా నటిస్తుండగా.. సత్యదేవ్‌ కీలక పాత్ర పోషిస్తున్నాడు. ఇక ‘‘కింగ్డమ్’ రెండు భాగాలుగా రానుందని నిర్మాత నాగవంశీ స్వయంగా ప్రకటించారు.
తమిళ దర్శకనటుడు ఎస్.జె.సూర్య చాలాకాలం తర్వాత డైరెక్ట్ చేస్తున్న చిత్రం ‘కిల్లర్’. ఆయనే హీరోగా నటిస్తున్న ఈ సినిమా నుంచి తాజాగా ఆసక్తికర అప్డేట్ వచ్చింది. ఈ మూవీకి మ్యూజిక్ లెజెండ్ ఏఆర్ రెహమాన్ సంగీతం అందించేందుకు రెడీ అయ్యారు. ‘కిల్లర్’ ట్యూన్స్‌తో ఈ చిత్రాన్ని నెక్స్ట్ లెవెల్‌కు తీసుకెళ్లేందుకు రెహమాన్ సిద్ధమవుతున్నారని చిత్రయూనిట్ తాజాగా ప్రకటించింది.
