దర్శకుడు వెంకీ అట్లూరి-హీరో సూర్య కాంబోలో ఓ చిత్రం తెరకెక్కుతోంది. ప్రస్తుతం శరవేగంగా షూటింగ్ జరుపుకుంటోంది. తాజాగా ఈ మూవీకి సంబంధించి ఓ ఇంట్రెస్టింగ్ వార్త వినిపిస్తోంది. ఈ సినిమాకు ‘విశ్వనాథన్ అండ్ సన్స్’ అనే ఆసక్తికర టైటిల్‌ను ఫిక్స్ చేయాలని మేకర్స్ ప్లాన్ చేస్తున్నారట. కథకు అనుగుణంగా ఉండే ఈ టైటిల్ ప్రేక్షకులతో పాటు సినీవర్గాలను కూడా ఆకర్షిస్తోంది.
టొవినో థామస్‌ హీరోగా నటించిన యాక్షన్‌ డ్రామా ‘నరివెట్ట’. కేరళ బాక్సాఫీసు వద్ద పాజిటివ్‌ టాక్‌ సొంతం చేసుకున్న ఈ సినిమా ఓటీటీ విడుదల తేదీ తాజాగా ఖరారైంది. ‘సోనీలివ్‌’లో ఈనెల 11 నుంచి స్ట్రీమింగ్ కానుంది. మలయాళం, తెలుగు, తమిళ్‌, కన్నడ, హిందీ ఆడియోతో ఈ చిత్రం అందుబాటులో ఉండనుంది. ఈ వివరాలు వెల్లడిస్తూ సదరు ఓటీటీ సంస్థ ట్రైలర్‌ను విడుదల చేసింది.
సుజిత్ డైరెక్షన్‌లో పవర్‌‌స్టార్‌ పవన్ కళ్యాణ్‌ నటిస్తున్న చిత్రం ‘OG’. డీవీవీ ఎంటర్టైన్మెంట్ సంస్థ నిర్మిస్తున్న ఈ సినిమా సెప్టెంబర్‌ 25న రిలీజ్‌ కానుంది. అయితే మూవీ రిలీజ్‌ వాయిదా పడుతున్నట్లు నెట్టింట ప్రచారం జరుగుతోంది. ఈ క్రమంలో మేకర్స్ స్పందిస్తూ.. ‘రూమర్స్‌ నమ్మకండి’ అంటూ ఎక్స్ వేదికగా క్లారిటీ ఇచ్చారు. వీడియో కోసం ClickHere.
బాలీవుడ్ నటుడు విక్రాంత్ మాస్సే తన పీఆర్ (పబ్లిక్ రిలేషన్స్) టాక్టిక్స్ గురించి ఆసక్తికర వ్యాఖ్య‌లు చేశాడు. ఇటీవల ఓ ఇంటర్వ్యూలో ఆయన మాట్లాడుతూ.. ‘‘నేను ట్రెండింగ్‌లో ఉండాల‌ని అనుకున్నాను. బాలీవుడ్ ప్ర‌ముఖుల వ‌లే పీఆర్ కోసం పార్టీలకు వెళ్ళడం, డిజైనర్ దుస్తులు ధరించడం వంటివి చేశాను. కానీ అందులో నేను ఫెయిల్ అయ్యాను’’ అని చెప్పుకొచ్చాడు.
హీరోయిన్ అను ఇమ్మాన్యుయేల్ ఎర్ర చీరలో కనిపించి కుర్రకారును ఆకట్టుకుంది. తాజాగా ఈ ముద్దుగుమ్మ SMలో షేర్ చేసిన ఈ ఫోటోలో వయ్యారంగా ఫోజులు ఇచ్చింది.
మలయాళ మెగాస్టార్ మమ్ముట్టి ఇటీవల మమ్ముట్టి ‘బజూక’ సినిమాతో ప్రేక్షకుల ముందుకు వచ్చారు. దీనికి దీనో డెన్నిస్ దర్శకత్వం వహించారు. ఈ మూవీ ఏప్రిల్ 10న విడుదలై ప్రేక్షకులను అలరించింది. ఇప్పుడు ఓటీటీకి వచ్చేందు సిద్ధమైంది. ఈ మూవీ హక్కులను ప్రముఖ సంస్థ జీ5 సొంతం చేసుకోగా.. జూలై 10నుంచి స్ట్రీమింగ్ అందుబాటులోకి రానున్నట్లు సమాచారం. అయితే దీనిపై అధికారిక ప్రకటన రావాల్సివుంది.
విజయ్ ఆంటోని హీరోగా నటించిన చిత్రం ‘మార్గన్’. లియో జాన్ పాల్ దర్శకుడు. ఈ సినిమా జూన్ 27న తెలుగులో రిలీజై మంచి రెస్పాన్స్ అందుకుంది. ఈ క్రమంలో తాజాగా చిత్రయూనిట్ థాంక్యూ మీట్ నిర్వహించింది. ఇందులో విజయ్ మాట్లాడుతూ.. ‘‘‘మార్గన్’ను ఇంత పెద్ద సక్సెస్ చేసిన తెలుగు ఆడియెన్స్‌కు థాంక్స్. మంచి మూవీని ఇచ్చిన లియో జాన్‌పాల్‌కు ధన్యవాదాలు’’అని విజయ్ అన్నారు.
హీరో రామ్‌ చరణ్‌, ఆయన అభిమానులకు నిర్మాత శిరీష్‌ క్షమాపణలు చెప్పారు. చరణ్‌తో తనకు మంచి అనుబంధం ఉందని, ఆయన్ను ఎప్పుడూ కించపరిచే ఉద్దేశం లేదన్నారు. ఈ మేరకు ఇప్పటికే ఓ లేఖ విడుదల చేసిన శిరీష్‌ తాజాగా వీడియో ద్వారా వివరణ ఇచ్చారు.
ఇటీవల కాలంలో రోబోలు అన్ని రంగాల్లో రాణిస్తున్నాయి. కొన్ని అంశాలు మినహాయిస్తే అవి చేయలేని పని అంటూ లేదు. తాజాగా చైనా రాజధాని బీజింగ్‌లో రోబోలు రెండు జట్లుగా విడిపోయి ఫుట్‌బాల్ ఆడాయి. ఓ రోబో గోల్ కొట్టిన ఆనందంలో సంతోషంతో ఊగిపోయింది. మరో రోబో కింద పడ్డా స్వయం లేచి నిలబడింది. ఈ వీడియో చూసిన నెటిజన్లు క్రీడాకారులకు చెక్ పడ్డట్లేనని కామెంట్స్ చేస్తున్నారు.
హీరోయిన్ అనుపమ పరమేశ్వరన్ ట్రెడిషనల్ లుక్‍లో మెరిసింది. తాజాగా ఆమె తన ఫొటోను నెట్టింట పంచుకుంది. ఇందులో పింక్ కలర్ చీరకట్టులో అందంగా కనిపిస్తోంది.
