సినీ నటుడు ఫిష్ వెంకట్ అనారోగ్యంతో హైదరాబాద్‌లోని ఓ ఆస్పత్రిలో చికిత్స పొందుతున్నారు. ప్రస్తుతం వెంకట్ ప‌రిస్థితి విష‌మంగా ఉన్న‌ట్లు స‌మాచారం. గతంలోనే కిడ్నీలు ఫెయిల్ కావడంతో ఆస్పత్రిలో చికిత్స తీసుకున్నారు. అయినా కూడా ఆయన పరిస్థితిలో ఎలాంటి మార్పు రాలేదు. ఎవరినీ గుర్తు పట్టేలేనంతగా ఫిష్ వెంకట్ తీవ్ర అనారోగ్యంతో బాధపడుతున్నట్లు కుటుంబ స‌భ్యులు తెలిపారు.
ప్రభాస్ హీరోగా నటించిన ‘సలార్ పార్ట్-1’ జియో హాట్‌స్టార్‌లో రిలీజై దాదాపు 500 రోజులు పూర్తయింది. అయితే ఈ సినిమా విడుదలై 500 రోజులు అయినప్పటికీ ట్రెండింగ్‌లోనే దూసుకుపోతోంది.
హీరోయిన్ శ్రీలీల ‘జూనియర్’ చిత్రంతో ప్రేక్షకుల ముందుకు రాబోతోంది. ఇందులో కీరిటి రెడ్డి హీరోగా నటిస్తున్నాడు. రాధాకృష్ణ దర్శకుడు. ఈ సినిమా జూలై 18న విడుదలకానుంది. ఈమూవీ నుంచి సెకండ్ సింగిల్ రాబోతున్నట్లు టీమ్ ప్రకటించింది. ఈక్రమంలో శ్రీలీల, మ్యూజిక్ డైరెక్టర్ దేవిశ్రీ ప్రసాద్‌కు సంబంధించిన ఓ వీడియోను షేర్ చేశారు. ఈ క్యూట్ వీడియో నెట్టింట వైరల్ అవుతోంది.
చైతన్య జోన్నలగడ్డతో విడాకుల తరువాత కెరీర్‌పై పూర్తిగా దృష్టిపెట్టింది మెగా డాటర్ నిహారిక. ఇక త్వరలో ఆమె మరో పెళ్లికి రెడీ అవుతున్నట్లు తెలుస్తోంది. ప్రస్తుతం నిహారిక ఓ యంగ్ హీరోను ప్రేమిస్తున్నారని, అతడినే త్వరలో వివాహం చేసుకోనుందని వార్తలు వెలువడుతున్నాయి. ఈ వార్తలపై క్లారిటీ లేకపోయినప్పటికీ నెట్టింట ఈ న్యూస్ తెగ వైరల్ అవుతోంది.
అడివి శేష్-మృణాల్‌ఠాకూర్ జంటగా నటిస్తున్న సినిమా ‘డెకాయిట్’. అయితే ఇందులో ముందుగా శృతిహాసన్‌ను హీరోయిన్‌గా తీసుకున్నారు. అడివిశేష్‌తో వివాదం వల్ల ఆమెను తొలగించినట్లు అప్పట్లో వార్తలు వచ్చాయి. తాజాగా అడివి శేష్ దీనిపై క్లారిటీ ఇచ్చారు. ‘‘మా మధ్య ఎలాంటి వివాదంలేదు. శృతిహాసన్ ‘కూలీ’ సినిమాతో బిజీగా ఉంది. ‘డెకాయిట్’ షూటింగ్ పూర్తి చేయడానికి చాలా సమయం పడుతోంది. అందుకే తొలగించారు’’ అని స్పష్టంచేశాడు.
‘గేమ్‌ ఛేంజర్‌’పై నిర్మాత శిరీష్‌ చేసిన వ్యాఖ్యలు టాలీవుడ్‌లో సంచలనంగా మారాయి. దీనిపై తాజాగా ప్రొడ్యూసర్ దిల్‌రాజు వివరణ ఇచ్చారు. ‘‘శిరీష్‌ కాస్త ఎమోషనల్‌ అయ్యారు. ‘సంక్రాంతికి వస్తున్నాం’ మూవీ లేకుంటే చాలా నష్టం వచ్చేదన్న అభిప్రాయంతో మాట్లాడారు. డిస్ట్రిబ్యూటర్‌ పాయింట్‌ ఆఫ్‌లో మాట్లాడారంతే.. శిరీష్‌ వ్యాఖ్యల వెనుక వేరే ఏ ఉద్దేశమూ లేదు’’ నిర్మాత దిల్‌రాజు స్పష్టం చేశారు.
గాలి జనార్దనరెడ్డి తనయుడు కిరీటి హీరోగా నటిస్తున్న సినిమా ‘జూనియర్’. శ్రీలీల హీరోయిన్. ఈ మూవీలోని ‘వైరల్ వయ్యారి’ అనే సాంగ్ ఈనెల 4న రిలీజ్‌కానుంది.
సూపర్ స్టార్ రజనీకాంత్‌ హీరోగా లోకేశ్‌ కనగరాజ్‌ తెరకెక్కిస్తున్న చిత్రం ‘కూలీ’. శ్రుతి హాసన్, నాగార్జున, ఉపేంద్ర, ఆమిర్‌ ఖాన్‌ తదితరులు కీలక పాత్రలు పోషించారు. ఈ మూవీ ఆగస్టు 14న విడుదలకానుంది. ఇటీవల ఈ సినిమాలోని ‘చికిటు..’ అనే ఫస్ట్ సాంగ్‌ను రిలీజ్ చేశారు. తాజాగా ఈ పాట మేకింగ్ వీడియోను మేకర్స్ విడుదల చేశారు.
సిద్ధార్థ్‌ హీరోగా శ్రీగణేశ్‌ దర్శకత్వంలో తెరకెక్కుతున్న చిత్రం ‘3 BHK’. శరత్‌కుమార్, దేవయాని, మీఠా రఘునాథ్, చైత్ర కీలక పాత్రలు పోషిస్తున్నారు. తెలుగు, తమిళ భాషల్లో రూపొందుతున్న ఈ సినిమాను జులై 4న ప్రేక్షకుల ముందుకు తీసుకొస్తున్నారు. ఈనేపథ్యంలో మూవీ టీమ్ స్పెషల్ ఇంటర్వ్యూలో పాల్గొని సినిమా గురించి ఆసక్తికర విషయాలు పంచుకున్నారు.
‘పంచాయత్‌ సీజన్‌-4’ ఇటీవల ప్రేక్షకుల ముందుకువచ్చి నవ్వులు పంచుతోంది. ఇందులో నటి శాన్విక.. రింకి పాత్రలో కనిపించి ఆకట్టుకుంది. తాజాగా ఓ ఇంటర్వ్యూలో పాల్గొన్న ఆమె ఈ సిరీస్‌కు సంబంధించిన ఆసక్తికర విషయాన్ని పంచుకున్నారు. తాను ముద్దు సన్నివేశానికి నో చెప్పడంతో ఆ నిర్ణయాన్ని గౌరవించిన డైరెక్టర్ స్క్రిప్ట్‌లో మార్పులు చేశారని వెల్లడించారు. గొప్ప టీమ్‌తో వర్క్‌ చేసినందుకు ఆనందంగా ఉందని ఆమె చెప్పారు.
