నటి సప్తమి గౌడ.. నితిన్‌తో కలిసి ‘తమ్ముడు’ మూవీతో రాబోతుంది. ఈ సందర్భంగా ఆమె ఓ ఇంటర్వ్యూలో ఆసక్తికర విషయాలు పంచుకుంది. ‘‘‘తమ్ముడు’ సినిమా నటిగా నాకు మంచి పేరు తెస్తుందని ఆశిస్తున్నా. నాకు కమర్షియల్ మూవీస్ చేయడం ఇష్టం. ‘‘తమ్ముడు’’ ఆ తరహా సినిమానే. ‘కాంతార’ తర్వాత నాకు అదేతరహా పాత్రలు వచ్చాయి. డిఫరెంట్ రోల్స్ వస్తే తప్పకుండా చేస్తాను’’ అని తెలిపింది.
హీరోయిన్ కీర్తిసురేశ్‌ తాజాగా ఓ ఇంటర్వ్యూలో పాల్గొని పారితోషికంపై మాట్లాడారు. ‘‘నా విషయంలో పారితోషికానికి చివరి ప్రాధాన్యత. మొదట కథే, వైవిధ్యమైన పాత్రలే ముఖ్యం. హీరోహీరోయిన్లకు సమాన రెమ్యూనరేషన్‌పై చర్చలు జరుగుతున్నాయి. ఒక హీరో కోసం ప్రేక్షకులు ఎలా థియేటర్‌కు వస్తున్నారో.. అదే స్థాయిలో ఓ హీరోయిన్ సినిమాకు ప్రేక్షకులు వస్తుంటే కచ్చితంగా ఆ నాయికకు హీరోతో సమానంగా రెమ్యూనరేషన్‌ ఇవ్వొచ్చు’’అని తెలిపారు.
రాజ్‌కుమార్‌ రావ్‌ హీరోగా రూపొందుతున్న మూవీ ‘మాలిక్‌’. పుల్కిత్‌ దర్శకుడు. మానుషి చిల్లర్‌ హీరోయిన్. ఇప్పటికే చిత్రీకరణ పూర్తి చేసుకున్న ఈ మూవీ జులై 11న ప్రేక్షకుల ముందుకు రానుంది. ఈ సందర్భంగా చిత్రబృందం ట్రైలర్‌ను విడుదల చేసింది. ఆద్యంతం ఆసక్తికర యాక్షన్‌ డ్రామాతో మూవీని తీర్చిదిద్దినట్లు ట్రైలర్‌ చూస్తే అర్థమవుతోంది. బాలీవుడ్ నటి హ్యుమా ఖురేషీ ఇందులో ఓ ప్రత్యేక గీతంలో ఆడిపాడింది.
ప్రముఖ నిర్మాణ సంస్థ హోంబలే ఫిల్మ్స్‌ ప్రతిష్ఠాత్మకంగా నిర్మిస్తున్న చిత్రం ‘మహావతార్‌: నరసింహ’. జులై 25న ప్రేక్షకుల ముందుకు రానుంది. తాజాగా ఇందులో రాక్షస రాజు హిరణ్యకశిపుడి పాత్రను పరిచయం చేస్తూ ఓ వీడియోను పంచుకుంది. అశ్విన్‌ కుమార్‌ దర్శకత్వంలో తెరకెక్కుతున్న ఈ సినిమా కన్నడ, తెలుగు, తమిళ, మలయాళ, హిందీ భాషల్లో త్రీడీలో విడుదల కానుంది.
ఓటీటీ ప్రేక్షకులు ఎంతగానో ఎదురు చూస్తున్న వెబ్‌సిరీసుల్లో ‘ది ఫ్యామిలీ మ్యాన్‌3’ ఒకటి. రాజ్‌ అండ్‌ డీకే దర్శకత్వంలో రూపొందిన ఈ సిరీస్‌ త్వరలోనే ప్రేక్షకుల ముందుకు రానుంది. జైదీప్‌ ‘ది ఫ్యామిలీమ్యాన్‌3’లో ప్రతినాయకుడిగా నటిస్తున్నారు. జైదీప్‌ అహ్‌లావత్‌ , నిమ్రత్‌ కౌర్‌ కూడా ఈ సిరీస్‌లో కనిపించున్నారు. కాగా, ‘ది ఫ్యామిలీ మ్యాన్‌3’ పూర్తిగా చైనా సరిహద్దుల్లో పొంచి ఉన్న శత్రుమూకలతో జరిగే పోరాటాన్ని చూపించనున్నారు.
ప్రభాస్ హీరోగా మారుతి దర్శకత్వంలో రూపొందుతున్న హర్రర్ కామెడీ సినిమా ‘రాజాసాబ్’. ప్రస్తుతం ఇది షూటింగ్ దశలో ఉంది. అయితే, ఈ మూవీలోని స్పెషల్ సాంగ్‌లో కరీనా కపూర్ ఆడిపాడితే బాగుంటుందని దర్శకుడు మారుతి భావిస్తున్నారట. అయితే ఆమె ఈ ఆఫర్ అంగీకరిస్తుందో లేదో చూడాల్సి ఉంది. ఒకవేళ ఒప్పుకుంటే మాత్రం కరీనకు తెలుగులోనూ క్రేజ్ ఏర్పడుతుంది.
నటనకు విరామం తీసుకోవడం గురించి సినీ నటి మధుబాల తాజాగా ఓ ఇంటర్వ్యూలో మాట్లాడారు. ‘‘నాకు వివాహం నిశ్చయమైన సమయంలోనే అమితాబ్‌ సినిమాలో అవకాశం వచ్చింది. దీంతో ఆ సినిమాను తిరస్కరించాను. అప్పుడు ఆ అవకాశం సౌందర్యను వరించింది’’అని చెప్పారు. కాగా, ఇటీవల వచ్చిన ‘కన్నప్ప’ సినిమాలో మధుబాల అతిథి పాత్రలో కనిపించిన విషయం తెలిసిందే.
మంచు విష్ణు న్యూ మూవీ ‘కన్నప్ప’ వసూళ్లు రోజురోజుకూ తగ్గిపోతున్నాయి. ఈ సినిమా ఇప్పటివరకు రూ. 50 కోట్లు వసూలు చేసినట్లు తెలుస్తోంది. .అయితే, రూ.200 కోట్ల భారీ బడ్జెట్ తో తెరకెక్కిన ఈ సినిమా బ్రేక్ ఈవెన్‌కు చాలా దూరంలోనే ఉంది. లాభాల్లోకి రావాలంటే ప్రపంచవ్యాప్త గ్రాస్ కనీసం రూ.180 కోట్లు ఉండాలని లెక్కగట్టారు. ఇప్పుడు పరిస్థితి చూస్తుంటే అది సాధ్యమయ్యేలా కనిపించడం లేదు.
నితిన్‌ హీరోగా దర్శకుడు శ్రీరామ్‌ వేణు రూపొందించిన సినిమా ‘తమ్ముడు’. లయ, సప్తమీ గౌడ, వర్ష బొల్లమ్మ కీలక పాత్రలు పోషించారు. ఈ సినిమా జులై 4న ప్రేక్షకుల ముందుకు రానుంది. ఈ సందర్భంగా రిలీజ్‌ ట్రైలర్‌ను చిత్ర బృందం విడుదల చేసింది. అక్కతో ‘తమ్ముడు’ అని పిలిపించుకోవడం కోసం ఎంత సాహసమైన చేసే పాత్రలో నితిన్‌ కనిపించి ఆకట్టుుకున్నారు.
పవన్‌ కల్యాణ్‌ హీరోగా తెరకెక్కుతోన్న చిత్రం ‘ఉస్తాద్‌ భగత్సింగ్’. తాజాగా ఈ సినిమా షూటింగ్ సెట్స్‌కు మెగాస్టార్ చిరంజీవి వెళ్లారు. దీనికి సంబంధించిన ఫోటో నెట్టింట వైరల్‌గా మారింది.
