హీరో నితిన్‌ ‘తమ్ముడు’గా థియేటర్లలో సందడి చేయనున్నారు. ఆయన నటించిన ఈ చిత్రాన్ని శ్రీరామ్‌ వేణు తెరకెక్కించారు. దిల్‌రాజు, శిరీష్‌ సంయుక్తంగా నిర్మించారు. లయ కీలక పాత్ర పోషించింది. ఈ సినిమా జులై 4న విడుదల కానుంది. మూవీ ప్రమోషన్స్‌లో భాగంగా నిర్వహించిన ఇంటర్వ్యూలో చిత్రబృందం పలు ఆసక్తికర విషయాలను పంచుకుంది.
తన 20 ఏళ్ల సినీ జీవితంలో విజిట్‌ కార్డు ఉంటే, అది ‘కన్నప్ప’ మూవీనేనని హీరో మంచు విష్ణు అన్నారు. ఆయన నటించిన ఈ చిత్రం విడుదలై మంచి టాక్‌ను సొంతం చేసుకుంది. ఈ సందర్భంగా హైదరాబాద్‌లో నిర్వహించిన థ్యాంక్స్‌ మీట్‌లో చిత్ర బృందం పాల్గొంది. సినిమా విజయానికి కారణమైన ప్రతి ఒక్కరికీ విష్ణు కృతజ్ఞతలు తెలిపారు.
హీరోయిన్ మీనాక్షి చౌదరి తన లేటెస్ట్ పిక్ ఇన్‌స్టాలో పంచుకుంది. ఈ బ్యూటీ ఎల్లో కలర్ చీరలో నవ్వుతూ పోజులిచ్చింది. ఈ ఫొటో నెట్టింట వైరలవుతోంది.
బాలీవుడ్ నటి షఫాలీ జరివాలా మృతికి యాంటీ ఏజింగ్‌(యవ్వనంగా కనిపించేలా) చికిత్స కారణం కావొచ్చనే అనుమానాలు వ్యక్తమవుతున్నాయి. ఆమె ఆరేళ్లుగా ఈ చికిత్స తీసుకుంటున్నారని… దాని సైడ్‌ ఎఫ్సక్ట్స్‌ కూడా మృతికి కారణం అయ్యే అవకాశం ఉందని వార్తలు వినిపిస్తున్నాయి. అయితే ఆ ట్రీట్మెంట్‌ నేరుగా గుండె ఆరోగ్యాన్ని ప్రభావితం చేయదని వైద్యులు చెబుతున్నారు.
జోసెఫ్‌ క్లింటన్‌ దర్శకత్వంలో రూపొందిన యూత్‌ ఫుల్‌ వెబ్‌సిరీస్‌ ‘AIR: ఆల్‌ ఇండియా ర్యాంకర్స్‌’. హర్ష రోషన్‌, భాను ప్రకాశ్‌, జయతీర్థ తదితరులు కీలక పాత్రలు పోషించారు. జులై 3వ తేదీ నుంచి తెలుగు ఓటీటీ ‘ఈటీవీ విన్‌’లో ఇది స్ట్రీమింగ్‌ కానుంది. ఈ సందర్భంగా శనివారం ఈ సిరీస్‌ ట్రైలర్ విడుదలైంది. ఈ ట్రైలర్ చక్కటి వినోదాన్ని పంచింది.
‘AIR:ఆల్‌ ఇండియా ర్యాంకర్స్‌’ అని అనుకున్నప్పుడే ఇది ‘#90s’దాటి మంచి విజయాన్ని సాధిస్తుందన్న నమ్మకం కలిగిందని నటుడు శివాజీ అన్నారు. జోసెఫ్‌ క్లింటన్‌ దర్శకత్వంలో రూపొందిన యూత్‌‌ఫుల్‌ సిరీస్‌ ఇది. హర్ష రోషన్‌, భాను ప్రకాశ్‌, జయతీర్థ కీలక పాత్రలు పోషించారు. జులై 3 నుంచి ‘ఈటీవీ విన్‌’లో ఇది స్ట్రీమింగ్‌ కానుంది. ఈ సందర్భంగా జరిగిన ట్రైలర్ విడుదల కార్యక్రమంలో శివాజీ మాట్లాడారు.
నటి సమంత చిక్కిపోయారని ఇటీవల కామెంట్స్‌ చేస్తున్నారు. దీనిపై ఆమె తాజాగా స్పందిస్తూ.. నెటిజన్లకు ఓ సవాలు విసిరారు. ఇన్‌స్టాలో పుల్‌ అప్స్‌ చేస్తూ వీడియో షేర్ చేశారు. ‘‘డీల్‌ కుదుర్చుకుందాం.. ఇందులో చూపించిన విధంగా మీరు కనీసం మూడు పుల్అప్స్ చేసేవరకూ ఏ చెత్త కామెంట్స్‌ నాపై చేయొద్దు. పుల్అప్స్ మీరు చేయలేకపోతే ఇకపై ఆ విధంగా మాట్లాడకండి’’ అని రాసుకొచ్చారు.
నాని హీరోగా శ్రీకాంత్ ఓదెల తెరకెక్కిస్తున్న మూవీ ‘ది ప్యారడైజ్’. ప్రస్తుతం షూటింగ్ జరుగుతున్న ఈ సినిమాపై మేకర్స్ తాజాగా అప్‌డేట్ ఇచ్చారు. ‘ది ప్యారడైజ్’ షూటింగ్ సెట్స్‌లోకి నాని అడుగుపెట్టినట్లు పోస్టర్ రిలీజ్ చేశారు. ‘ధగడ్ ‘ది ప్యారడైజ్’ షూటింగ్‌లో చేరారు’ అని తెలుపుతూ షేర్ చేసిన పోస్టర్ ప్రస్తుతం సోషల్‌మీడియాలో పోస్ట్ వైరల్ అవుతోంది.
బాలీవుడ్ బ్యూటీ అలియా భట్ తాజాగా సోషల్‌మీడియాలో షేర్ చేసిన పిక్ వైరలవుతోంది. ఇందులో ఆమె పింక్ డ్రెస్‌లో ఆకట్టుకునేలా కనిపిస్తోంది.
శుక్రవారం విడుదలైన మంచు విష్ణు ‘కన్నప్ప’ మూవీ పైరసీ బారిన పడింది. తొలుత లీక్‌ల బెడదతో ఇబ్బందిపడగా, తాజాగా ఈ మూవీ HD ప్రింట్‌ ఆన్‌లైన్‌లో లీకైంది. రిలీజైన ఒక్కరోజులోనే ఆన్‌లైన్‌లో సినిమా ప్రత్యక్షమవడంతో నిర్మాతలు షాకయ్యారు. దీంతో లీక్‌ చేసిన వారిపై చిత్రయూనిట్‌ పోలీసులకు ఫిర్యాదు చేసే అవకాశం ఉంది. అటు పైరసీపై కఠిన చర్యలు తీసుకోవాలని సినీ అభిమానులు కోరుతున్నారు.
