తెలంగాణ గద్దర్ ఫిల్మ్ అవార్డులను ప్రకటించిన రాష్ట్ర ప్రభుత్వం.. ఈ నెల 14న హైటెక్స్ వేదికగా అంగరంగ వైభవంగా వేడుకలను నిర్వహించబోతుంది. ఈ సందర్భంగా విజేతలకు ప్రదానం చేసే అవార్డు మెమోంటోను అధికారికంగా విడుదల చేసింది. ఫిల్మ్ రీల్ చేతిని చుట్టుకున్నట్లుగా…. పైకెత్తిన చేతిలో డప్పు నమూనాతో గద్దర్ అవార్డును తీర్చిదిద్దారు. డప్పుపై తెలంగాణ రాష్ట్ర చిహాన్ని ముద్రించి చుట్టూ టీజీఎఫ్ఏ అక్షరాలను పేర్కొన్నారు.
మహేశ్‌బాబు హీరోగా నటించిన ‘అతడు’ మూవీ ఆగస్టు 9న థియేటర్‌లో రీ-రిలీజ్ కాబోతుంది. ఈమేరకు మేకర్స్ తాజాగా కౌంటు డౌన్ పోస్టర్ వదిలారు.
పవన్ కళ్యాణ్ నటిస్తున్న ‘హరిహర వీరమల్లు’ కొత్త రిలీజ్ డేట్‌ను మేకర్స్ ప్రకటించినట్లు, జూన్ 26న ఈ సినిమా థియేటర్లకు రాబోతుందంటూ ఓ పోస్టర్ వైరల్ అవుతోంది. అయితే సోషల్ మీడియాలో ప్రచారంలో ఉన్నవార్త వాస్తవం కాదని వీరమల్లు టీం స్పష్టం చేసింది. అధికారికంగా తామే సినిమా విడుదల తేదీలను ప్రకటిస్తామని పేర్కొంది. ఈ మేరకు ఎక్స్ వేదికగా ప్రకటన చేసింది.
నందమూరి బాలకృష్ణ అభిమానులు ఆసక్తిగా ఎదురుచూసిన ‘అఖండ 2’ టీజర్‌ వచ్చేసింది. బాలకృష్ణ పుట్టినరోజు (జూన్ 10) సందర్భంగా చిత్ర బృందం ఆ సర్‌ప్రైజ్‌ ఇచ్చింది. బాలయ్య చెప్పిన పవర్‌ఫుల్‌ డైలాగ్స్‌, తమన్‌ అందించిన నేపథ్య సంగీతం అదుర్స్‌ అనిపించేలా ఉన్నాయి. బాలకృష్ణ- దర్శకుడు బోయపాటి శ్రీను కాంబినేషన్‌లో వచ్చిన విజయవంతమైన చిత్రం ‘అఖండ’కు సీక్వెల్‌ ఇది.
మంచు విష్ణు కీలక పాత్రలో నటిస్తున్న చిత్రం ‘కన్నప్ప’. ఈ మూవీలో సప్తగిరి, బ్రహ్మానందం పోషించిన పాత్ర పేర్లపై వివాదం చోటుచేసుకుంది. అందులో వారి పేర్లు పిలక-గిలక.. ఆ పేర్లను తొలగించాలంటూ బ్రాహ్మణ సంఘాల ఆందోళన దిగాయి. దీనిపై మంచు విష్ణు తాజాగా స్పందించాడు. తాము ఏ మత, కులపరమైన మనోభావాలు దెబ్బ తీసేలా మూవీ తీయలేదని ఆయన వెల్లడించాడు.
ఎన్టీఆర్-ప్రశాంత్ నీల్ కాంబోలో ‘డ్రాగన్’ చిత్రం తెరకెక్కుతోంది. ఇందులో రుక్మిణి వసంత్, శ్రద్ధా కపూర్ హీరోయిన్లు. అయితే ఈ సినిమాలో ఓ స్పెషల్ సాంగ్ ఉండనుందని సమాచారం. ఈ స్పెషల్ సాంగ్‌లో క్రేజీ బ్యూటీ కేతిక శర్మ తారక్‌తో కలిసి స్టెప్పులేయనుందని తెలుస్తోంది. మరి ఈ వార్తల్లో నిజమెంత అన్నదాని పై త్వరలోనే క్లారిటీ రానుంది.
ధనుష్, అక్కినేని నాగార్జున, రష్మిక మందన్న ప్రధానపాత్రల్లో తెరకెక్కుతున్న చిత్రం ‘కుబేర’. శేఖర్ కమ్ముల డైరెక్ట్ చేస్తున్న ఈ సినిమా జూన్ 20న ప్రేక్షకుల ముందుకురానుంది. ఈ మూవీలోని మూడో సింగిల్ ‘పిప్పీ పిప్పీ డుమ్ డుమ్ డుమ్’ సాంగ్ రేపు విడుదల అవుతుందని మేకర్స్ తాజాగా ప్రకటించారు. టైం మాత్రం ఇంకా ప్రకటించలేదు. ఈ చిత్రానికి దేవిశ్రీ ప్రసాద్ సంగీతం అందిస్తున్నాడు.
హీరో మంచు మ‌నోజ్ ఇటీవల ఓ ఇంటర్వ్యూలో జూ.ఎన్టీఆర్‌పై ఆస‌క్తిక‌ర కామెంట్స్ చేశారు. ‘‘మేము ఐదో, ఆరో తరగతి చదువుతున్నా టైంలో.. ఓ పెళ్ళికి వెళ్ళాం. అప్పుడు ఒక బెలూన్‌ను తీసుకొచ్చి.. దానికి మంటపెట్టాను.. ఆ మంట కాస్త ఎన్టీఆర్ చేతికి అంటుకుంది. దీంతో ఎన్టీఆర్ బోరున ఏడ్చేశాడు. అప్పుడు మా అమ్మమ్మ వచ్చి నన్ను తరిమి తరిమి కొట్టింది’’ అని మ‌నోజ్ చెప్పుకొచ్చాడు.
రోహిత్ కేపీ దర్శకత్వంలో సాయి ధరమ్ తేజ్ హీరోగా నటిస్తున్న చిత్రం ‘సంబరాల ఏటిగట్టు’. నేడు నటుడు రవి క్రిష్ణ బర్త్‌డే స్పెషల్‌గా ఈ సినిమా నుంచి అతని ఫస్ట్ లుక్ పోస్టర్‌‌ను రిలీజ్ చేస్తూ మేకర్స్ శుభాకాంక్షలు తెలిపారు. కాగా ఈ మూవీలో ఆయన సుబ్బి క్యారెక్టర్‌లో కనిపించనున్నాడు. ఇక పోస్టర్‌లో ఆయన వైల్డ్ లుక్‌లో కనిపిస్తున్నాడు.
ఆమిర్‌‌ఖాన్‌-జెనీలియా జంటగా ‘సితారే జమీన్‌ పర్‌’ చిత్రంతో ప్రేక్షకుల ముందుకు రాబోతున్నారు. ఈక్రమంలో వీరి మధ్య ఏజ్‌గ్యాప్‌‌పై నెట్టింట చర్చించుకుంటున్నారు. తాజాగా దీనిపై ఆమిర్‌ ఓ ఇంటర్వ్యూలో స్పందించారు. ‘‘నేను కూడా ఈ ఏజ్‌గ్యాప్‌ విషయంలో ఆందోళన చెందాను. కానీ ఈ సినిమాలో మేమిద్దరం 40ల వయసు ఉన్న పాత్రను పోషిస్తున్నాం. ఆమె ఇప్పుడు దాదాపు ఆ వయసులోనే ఉంది కదా!’’ అని అన్నారు.
