బాలీవుడ్ నటి సోనాలి బింద్రే తాజాగా ఓ ఇంటర్వ్యూలో రాజకీయాలోకి రావడంపై తన అభిప్రాయాన్ని బయటపెట్టారు. ‘‘పాలిటిక్స్‌లోకి అడుగుపెట్టాలని ఏమాత్రం అనుకోవడం లేదు. ఎందుకంటే, ఆ రంగంలో రాణించాలంటే ప్రశంసలు, విమర్శలు ఏది ఎదురైనా తీసుకోవడానికి మనం సిద్ధంగా ఉండాలి. అంత ధైర్యం నాకు లేదు. రాజకీయాలపై నాకు పెద్ద అవగాహన లేదు’’ అని ఆమె వెల్లడించారు.
ప్రముఖ దర్శకుడు సందీప్ రెడ్డి వంగా ‘స్పిరిట్’ సినిమా నుంచి బాలీవుడ్ నటి దీపికా పదుకొనే తప్పుకున్న సంగతి తెలిసిందే. తాజాగా మరో విషయం బయటకు వచ్చింది. ఆమె దాదాపు 35 రోజుల షూటింగ్ కోసం 25 కోట్లు డిమాండ్ చేసిందని, దానితో పాటు 10% లాభాల వాటాను కూడా డిమాండ్ చేసిందని ఒక నివేదిక తెలిపింది. తెలుగులో డైలాగులు చెప్పడానికి ఇష్టపడలేదని సమాచారం.
బాలీవుడ్ నటుడు అనుపమ్ ఖేర్‌కు ‘ఫౌజీ’ షూటింగ్ సమయంలో వింత అనుభవం ఎదురైంది. హైదరాబాద్‌లో ప్రభాస్ చిత్ర షూట్‌కు వెళ్లేప్పుడు డ్రైవర్ దారి తప్పి కారు రివర్స్ కాకపోవడంతో, గోడ దూకి యూనిట్ సహాయంతో లోపలికి చేరుకున్నారు. ఈ ఆసక్తికర వీడియోను ఆయన Xలో పంచుకున్నారు.
పవన్ కల్యాణ్-కీర్తి రెడ్డి జంటగా నటించిన సూపర్ హిట్ మూవీ ‘తొలిప్రేమ’ మరోసారి విడుదలకు సిద్ధమైంది. జూన్ 14న ఈచిత్రాన్ని 4Kవర్షన్‌లో రీ-రిలీజ్ చేస్తున్నట్లు మేకర్స్ ప్రకటించారు.
ముంబయిలోని మిథి నది కుంభకోణంలో బాలీవుడ్ నటుడు డినో మోరియాకు ఈడీ సమన్లు జారీ చేసింది. అలాగే నటుడి సోదరుడితో పాటు ఎనిమిది మందిని వచ్చేవారం విచారణకు హాజరుకావాలని ఆదేశించింది. ఇటీవల నటుడికి చెందిన కార్యాలయాలు, నివాసంపై ఈడీ దాడి చేసిన విషయం తెలిసిందే. మిథి నది పూడికతీత కుంభకోణానికి సంబంధించి మనీలాండరింగ్‌ కింద కేసు నమోదు చేసి ఈడీ దర్యాప్తు చేస్తున్నది.
సన్నీదేవోల్‌ హీరోగా గోపీచంద్‌ మలినేని దర్శకత్వంలో రూపొందిన యాక్షన్‌ థ్రిల్లర్‌ ‘జాట్’. ఈ సినిమా థియేటర్లలో రూ.100 కోట్లకుపైగా రాబట్టింది. ఇప్పుడీ చిత్రం నెట్‌ఫ్లిక్స్‌ ఓటీటీలో హిందీ, తెలుగు భాషల్లో స్ట్రీమింగ్‌ అవుతోంది. ప్రస్తుతం ఇండియా వైడ్‌గా నెంబర్ 1 స్థానంలో ట్రెండ్ అవుతోంది. ఈవిషయాన్ని తెలుపుతూ మేకర్స్ తాజాగా సరికొత్త పోస్టర్ పంచుకున్నారు. దీనికి పార్ట్-2 కూడా అనౌన్స్ చేసిన సంగతి తెలిసిందే.
టాలీవుడ్ స్టార్ హీరోయిన్ సమంత ఇటీవల దుబాయ్‌ టూర్‌కు వెళ్లింది. ఈ సందర్భంగా అక్కడి అందాలను ఆస్వాదిస్తూ SMలో ఫోటోలను పంచుకుంది. తాజాగా సామ్ స్విమ్మింగ్ పూల్‌లో స్విమ్ చేస్తూ ఓ బోల్డ్ ఫోటోను షేర్ చేసింది. అందులో బ్లాక్ డ్రెస్‌లో కనిపించింది. ఈ ఫోటోను స్వయంగా సమంత పంచుకోవడంతో వైరల్‌గా మారింది. ఈ పిక్స్ చూసిన ఆమె ఫ్యాన్స్ ఫిదా అవుతున్నారు.
నటుడు రానా దగ్గుబాటి తాజాగా ఓ ఇంటర్వ్యూలో మూవీ ఇండస్ట్రీలో 8 గంటలు పనిపై స్పందించాడు. ప్రాజెక్ట్‌ బట్టి ఆ సమయాల్లో మార్పు ఉంటుందని ఆయన అభిప్రాయం వ్యక్తం చేశాడు. పని గంటలపై ఎవరూ ఎవరినీ ఒత్తిడి చేయలేరు. కేవలం నాలుగు గంటలు మాత్రమే పనిచేసే నటులు కూడా ఇండస్ట్రీలో ఉన్నారని రానా వెల్లడించాడు.
బాలకృష్ణ-బోయపాటి కాంబోలో తెరకెక్కుతున్న చిత్రం ‘అఖండ-2’. ఈ మూవీ నుంచి రేపు ఉ.10:54గంటలకు మాస్ అప్‌డేట్ రానుందంటూ మేకర్స్ తాజాగా పోస్టర్ ద్వారా ప్రకటించారు.
మహారాష్ట్ర నవ్‌నిర్మాణ్‌ సేన అధినేత రాజ్‌‌ఠాక్రేతో తనకు అనుబంధం ఉందంటూ జరిగిన ప్రచారంపై నటి సోనాలి బింద్రే స్పందించారు. ‘‘ఇలాంటి ప్రచారం జరిగినట్లు నా దృష్టికి రాలేదు. నిజంగా ఇది బాధాకరం. రాజ్‌ సతీమణి, ఆమె తల్లికి మా పిన్ని మంచి స్నేహితురాలు. ఆ విధంగా ఇరుకుటుంబాల మధ్య మా చిన్నతనం నుంచే మంచి స్నేహం ఏర్పడింది’’ అని సోనాలి బింద్రే చెప్పారు.
