బాలీవుడ్‌ నటుడు రోనిత్‌ రాయ్‌ 2 నెలల్లో 8 కేజీలు తగ్గారు. ‘చక్రవర్తి సామ్రాట్‌ పృథ్వీరాజ్‌ చౌహాన్‌’ సీరియల్‌లో ఆయన సోమేశ్వర్‌ మహారాజ్‌ పాత్ర పోషిస్తున్నారు. దీంతో “కింగ్‌’లా కనిపించేందుకు చాలా కష్టపడ్డట్లు ఆయన చెప్పారు. కఠిన వ్యాయామాలు, ఉదయం, సాయంత్రం కార్డియో వర్కౌట్స్‌ చేసినట్లు నటుడు తెలిపారు. అంతేకాక 2 నెలల్లో 8 కేజీలు తగ్గినట్లు చెప్పారు. మార్షల్‌ ఆర్ట్స్‌, కర్రసాము సైతం నేర్చుకున్నట్లు వెల్లడించారు.
హీరోయిన్ రీతూ వర్మ తన లేటెస్ట్ పిక్స్ నెట్టింట షేర్ చేసింది. ఇందులో ఆమె చిరునవ్వులు చిందిస్తూ.. చీరలో సాంప్రదాయంగా కనిపించింది. ఈ ఫొటోలు ప్రస్తుతం నెటిజన్లను ఆకట్టుకుంటున్నాయి.
ప్రముఖ సంగీత దర్శకుడు ఇళయరాజా పుట్టినరోజు వేడుకను ‘షష్టిపూర్తి’ చిత్రబృందం నిర్వహించింది. సినిమాలో కీలక పాత్ర పోషించిన నటుడు రాజేంద్రప్రసాద్‌ సహా యూనిట్‌ సభ్యులు ఈ సందర్భంగా ఇళయరాజాను కలిసి శుభాకాంక్షలు తెలిపారు. ఆయనకు పలువురు పాదాభివందనం చేసి ఆశీర్వాదాలు తీసుకున్నారు. దీనికి సంబంధించిన వీడియో సోషల్‌మీడియాలో పోస్ట్ చేశారు.
ఎన్టీఆర్-ప్రశాంత్ నీల్ కాంబినేషన్‌లో రాబోతున్న చిత్రం ‘డ్రాగన్’. ఈ మూవీలో రష్మిక స్పెషల్ సాంగ్‌ చేయనుందనే ప్రచారం జరుగుతోంది. ఇప్పటికే ఆమెను డైరెక్టర్ సంప్రదించగా.. దాదాపు గ్రీన్ సిగ్నల్ ఇచ్చేసినట్లు ఇండస్ట్రీ టాక్. మాసివ్ ఫ్యాన్ బేస్ కలిగిన రష్మిక ఈ సాంగ్‌తో ఫ్రెష్ ఫీల్ తీసుకొస్తుందనే ఉద్దేశంతో మేకర్స్ ఈ నిర్ణయం తీసుకున్నారని తెలుస్తోంది. అయితే దీనిపై అధికారిక ప్రకటన రావాల్సివుంది.
కమల్హాసన్ ‘థగ్‌లైఫ్‌’ రిలీజ్ విషయంలో కర్ణాటక ఫిల్మ్‌ ఛాంబర్‌ ఆఫ్‌ కామర్స్‌కు తమిళ్‌‌ఫిల్మ్‌ యాక్టివ్‌ ప్రొడ్యూసర్స్‌ అసోసియేషన్‌ విజ్ఞప్తి చేస్తూ ఓ లేఖ రాసింది. ఈమేరకు ఎక్స్ వేదికగా పోస్ట్ చేసింది. ‘థగ్‌లైఫ్‌’ మూవీ బ్యాన్‌ నిర్ణయాన్ని వెనక్కి తీసుకోవాలని కోరింది. కన్నడ భాషపై కమల్‌ వ్యాఖ్యలు చేయడంతో.. ‘థగ్‌లైఫ్‌’ను కర్ణాటకలో నిషేధించాలంటూ ఆ రాష్ట్ర హైకోర్టును కేఎఫ్‌సీసీ ఆశ్రయించిన సంగతి తెలిసిందే.
కన్నడ భాషపై కమల్హాసన్ చేసిన వ్యాఖ్యలతో వివాదం నెలకొన్న సంగతి తెలిసిందే. అయితే నేడు మాజీ ముఖ్యమంత్రి, దివంగత ఎం.కరుణానిధి జయంతి సందర్భంగా కమల్‌ తాజాగా ఆసక్తికర పోస్టు పెట్టారు. ‘‘తమిళ భాష, తమిళనాడు అభివృద్ధి కోసం జీవితాన్ని అంకితం చేసిన వ్యక్తి కరుణానిధి’’ అంటూ తమిళ్‌ లాంగ్వేజ్‌ను హైలైట్‌ చేస్తూ పోస్టు పెట్టడం చర్చనీయాంశమైంది. ఈ పోస్ట్ నెట్టింట వైరల్ అవుతోంది.
మంచు విష్ణు నటిస్తున్న ‘కన్నప్ప’ జూన్ 27న విడుదలకానుంది. ఈక్రమంలో విష్ణు, మోహన్ బాబు.. మూవీపై హైప్ పెంచే ప్రయత్నం చేస్తున్నారు. ఇందులో భాగంగా ప్రీ-రిలీజ్ ఈవెంట్‌ను భారీగా ప్లాన్ చేస్తున్నారని టాక్. ఈనెల 22న ఏపీలోని భీమవరంలో ఈ వేడుక నిర్వహించనున్నారని సమాచారం. దీనికి ప్రభాస్ చీఫ్‌ గెస్ట్‌గా రాబోతున్నట్లు తెలుస్తోంది. మరికొద్ది రోజుల్లోనే అఫీషియల్ అనౌన్స్ మెంట్ రాబోతోంది.
నయనతార-చిరంజీవి జంటగా అనిల్ రావిపూడి ఓ సినిమా తెరకెక్కిస్తున్నాడు. ఈచిత్రం ప్రారంభానికి ముందే నయన్ ప్రమోషన్స్‌లో పాల్గొనడంతో కొందరు తమిళ నెటిజన్లు ట్రోల్స్ చేస్తున్నారు. ‘‘తెలుగు సినిమాలపై అంత ఇష్టమా? అయితే టాలీవుడ్‌కే వెళ్లోచ్చు కదా?’’ అని విమర్శిస్తున్నారు. దీనిపై నయనతార ఘటుగా స్పందించారు. ‘‘ప్రమోషన్లకు వెళ్లాలా.. వద్దా అన్నది నా ఇష్టం. ఎవరికీ సమాధానం చెప్పాల్సిన అవసరం లేదు’’ అని బదులిచ్చింది.
టాలీవుడ్ హీరోయిన్ సమంత తాజాగా తన లేటెస్ట్ ఫొటోలు ఇన్‌స్టాలో షేర్ చేసింది. ఇందులో సామ్ గొదుమ కలర్ చీర ధరించిన ఎంతో అందంగా కనిపిస్తోంది.
రాజ్‌కుమార్‌ కుటుంబంతో ఉన్న అనుబంధం గురించి మాట్లాడుతూ కన్నడ భాషపై తాను చేసిన వ్యాఖ్యలను అక్కడి వారు అపార్థం చేసుకోవడం బాధగా ఉందని కమల్‌ హాసన్‌ అన్నారు. తమది (తమిళ్‌, కన్నడ ప్రజలు) ఒకే ఫ్యామిలీ అని చెప్పడమే తన ఉద్దేశమని, ఆ భాషను తక్కువ చేయడం కాదని పేర్కొన్నారు.ఈ మేరకు కర్ణాటక ఫిల్మ్‌ ఛాంబర్‌ ఆఫ్‌ కామర్స్‌ (కేఎఫ్‌సీసీ)కి లేఖ రాశారు.
