Category: ఎంటర్‌టైన్‌మెంట్

సన్నీదేవోల్‌ హీరోగా గోపీచంద్‌ మలినేని దర్శకత్వంలో రూపొందిన యాక్షన్‌ థ్రిల్లర్‌ ‘జాట్‌’. ఈ సినిమా థియేటర్లలో రూ.100 కోట్లకుపైగా రాబట్టింది. ఇప్పుడీ చిత్రం నెట్‌ఫ్లిక్స్‌ ఓటీటీలో హిందీ, తెలుగు భాషల్లో స్ట్రీమింగ్‌ అవుతోంది. ప్రస్తుతం ఇండియా వైడ్‌గా నెంబర్ 1 స్థానంలో ట్రెండ్ అవుతోంది. ఈవిషయాన్ని తెలుపుతూ మేకర్స్ తాజాగా సరికొత్త పోస్టర్ పంచుకున్నారు. దీనికి పార్ట్-2 కూడా అనౌన్స్ చేసిన సంగతి తెలిసిందే.

నటుడు రానా దగ్గుబాటి తాజాగా ఓ ఇంటర్వ్యూలో మూవీ ఇండస్ట్రీలో 8 గంటలు పనిపై స్పందించాడు. ప్రాజెక్ట్‌ బట్టి ఆ సమయాల్లో మార్పు ఉంటుందని ఆయన అభిప్రాయం వ్యక్తం చేశాడు. పని గంటలపై ఎవరూ ఎవరినీ ఒత్తిడి చేయలేరు. కేవలం నాలుగు గంటలు మాత్రమే పనిచేసే నటులు కూడా ఇండస్ట్రీలో ఉన్నారని రానా వెల్లడించాడు.

మహారాష్ట్ర నవ్‌నిర్మాణ్‌ సేన అధినేత రాజ్‌‌ఠాక్రేతో తనకు అనుబంధం ఉందంటూ జరిగిన ప్రచారంపై నటి సోనాలి బింద్రే స్పందించారు. ‘‘ఇలాంటి ప్రచారం జరిగినట్లు నా దృష్టికి రాలేదు. నిజంగా ఇది బాధాకరం. రాజ్‌ సతీమణి, ఆమె తల్లికి మా పిన్ని మంచి స్నేహితురాలు. ఆ విధంగా ఇరుకుటుంబాల మధ్య మా చిన్నతనం నుంచే మంచి స్నేహం ఏర్పడింది’’ అని సోనాలి బింద్రే చెప్పారు.