Category: ఎంటర్‌టైన్‌మెంట్

సందీప్ రాజ్ దర్శకత్వంలో రోషన్ కనకాల హీరోగా నటిస్తున్న మూవీ ‘మోగ్లీ’. ఈ సినిమా కోసం రోషన్ ఎంతో కష్టపడుతున్నాడు. ఇందులో భాగంగా గుర్రపు స్వారీ కూడా నేర్చుకుంటున్నాడు. దీనికి సంబంధించిన ఓ పోస్టర్‌ను తాజాగా రిలీజ్ చేశారు. ఈ పోస్టర్‌లో గుర్రంపై ఉన్న రోషన్ లుక్‌కు ఫిదా అవుతున్నారు నెటిజన్లు. దీంతో ఈసారి హిట్ పక్కా అంటూ కామెంట్స్ చేస్తున్నారు.

బాలీవుడ్ నటుడు ముజమ్మిల్‌ ఇబ్రహీం తాజాగా ఓ ఇంటర్వ్యూలో దీపికా పదుకొణెతో రిలేషన్‌ గురించి మాట్లాడాడు. ‘‘ముంబైకి వచ్చిన కొత్తలో దీపిక మోడల్‌గా పని చేసింది. అప్పుడు మా పరిచయం ప్రేమగా మారింది. రెండేళ్లపాటు ప్రేమించుకున్నాం. మా దగ్గర డబ్బు లేక రిక్షాలోనే తిరిగేవాళ్లం. తర్వాత కొన్ని కారణాలతో బ్రేకప్‌ చెప్పుకున్నాం. అప్పుడప్పుడు మాట్లాడుకునేవాళ్లం. ఆమెకు పెళ్లయ్యాక మాట్లాడుకోవడమే మానేశాం’’ అని తెలిపాడు.

హీరోయిన్ శృతిహాసన్‌.. తన తండ్రి కమల్‌హాసన్ నటించిన ‘థగ్‌లైఫ్‌’ చిత్రంలో పాడిన ‘విన్వేలి నాయగా..’ అనే సాంగ్ బాగా పాపులర్‌ అయింది. దీనిపై ఆమె తాజాగా ఓ ఇంటర్వ్యూలో మాట్లాడుతూ.. ‘‘నాన్న నటించిన ‘థగ్‌లైఫ్‌’లో పాట పాడటం ఓ జీవితకాల అనుభవం. పాటను అద్భుతంగా ఆలపించానని రోజూ వందలకొద్ది మెసేజ్‌లు వస్తున్నాయి. నా కెరీర్‌లో మెమొరబుల్‌ సాంగ్‌ ఇది’’ అని శృతిహాసన్‌ చెప్పుకొచ్చింది.

ఎన్టీఆర్-ప్రశాంత్ నీల్ కాంబోలో ఓ (#NTRNeel) చిత్రం రాబోతున్న విష‌యం తెలిసిందే. తాజాగా ఈ మూవీ షూటింగ్‌కు సంబంధించిన కీల‌క అప్‌డేట్ ఒక‌టి బ‌య‌టకు వ‌చ్చింది. ఈ సినిమా షూటింగ్ ప్ర‌స్తుతం రామోజీ ఫిల్మ్‌సిటీలో జ‌రుపుకుంటుండ‌గా.. స్మశానంలో 2000 మంది జూనియ‌ర్ ఆర్టిస్ట్‌ల‌తో ఒక భారీ యాక్షన్ సీన్ చిత్రీకరిస్తున్నట్లు తెలుస్తోంది. తార‌క్ కెరీర్‌లో మునుపెన్నడూ చూడని విధంగా ఈ ఎపిసోడ్ ఉండ‌బోతుంద‌ని స‌మాచారం.

హీరోయిన్ త్రిషకు దేశవ్యాప్తంగా అభిమానులు ఉన్నారు. అయితే ఈ బ్యూటీ పేరుతో ఒక ఊరే ఉండడం విశేషం. అది ఎక్కడో తెలుసా లడక్‌లో.. ఆ ఊరు పేరుతో ఉన్న బోర్డును ఒక అభిమాని ఫొటో తీసి SMలో పోస్ట్‌ చేశాడు. ‘‘త్రిష.. మీ పేరుతో లడక్‌లో ఒక ఊరు ఉంది. మీకు తెలిస్తే వెంటనే ఆ ఊరుకు వస్తారు’’ అని అతను వెల్లడించాడు.

కమల్‌హాసన్-మణిరత్నం కాంబోలో వచ్చిన చిత్రం ‘థగ్ లైఫ్’. నేడు విడుదలైన ఈమూవీ యావరేజ్ టాక్ తెచ్చుకుంది. కాగా ఈ సినిమా నాన్ థియేట్రికల్ రైట్స్‌కు సంబంధించిన డీటెయిల్స్ తెలుస్తున్నాయి. పాన్‌ఇండియా ఓటీటీ డీల్‌ను నెట్ ఫ్లిక్స్ సొంతం చేసుకున్న సంగతి తెలిసిందే. ఇక శాటిలైట్ హక్కులను స్టార్ మా సంస్థ దక్కించుకుంది. ‘థగ్ లైఫ్’ థియేట్రికల్ రన్ తర్వాత వీటిలో సందడి చేయనుంది.