Category: ఎంటర్‌టైన్‌మెంట్

ప్రముఖ హిందీ టీవీ నటి హీనా ఖాన్ పెళ్లిపీటలు ఎక్కారు. చిరకాల ప్రియుడు రాకీ జైస్వాల్‌ను వివాహం చేసుకున్నారు. బుధవారం సాయంత్రం జరిగిన తన వివాహ వేడుక అనేక ఫోటోలను సోషల్‌మీడియాలో పంచుకున్నారు. ‘‘రెండు వేర్వేరు ప్రపంచాల నుంచి ప్రేమను నిర్మించాం. తేడాలు పోయాయి. హృదయాలు కలిశాయి. జీవితాంతం బంధాన్ని పెనవేశాయి. అన్ని అడ్డంకులను అధిగమించి ముందుకు సాగుతాం’’ అని సంతోషం వ్యక్తం చేశారు.

సంక్రాంతి పండుగకు ఇప్పటినుంచే స్టార్‌, యువ హీరోలు సన్నద్ధమవుతున్నారు. సినిమా చిత్రీకరణ దశలో ఉండగానే రిలీజ్‌ సమయాన్ని ప్రకటించేసి పండక్కి పోటీ పెంచేశారు. నవీన్‌ పొలిశెట్టి ‘అనగనగా ఒక రాజు’ మూవీ జనవరి 14న విడుదల కానుంది. అలాగే, చిరంజీవి హీరోగా దర్శకుడు అనిల్ రావిపూడి తెరకెక్కనున్న మూవీ, రవితేజ 76వ సినిమా కూడా సంక్రాంతికి విడుదల కానున్నాయి.

సినీ నటి ప్రీతి జింటా గురించి ఓ ఇంట్రెస్టింగ్‌ విషయం సోషల్‌మీడియాలో చక్కర్లు కొడుతోంది. ఆమె 34 మంది అమ్మాయిలను దత్తత తీసుకునివారి బాగోగులు చూసుకుంటుంది. తనకు కవలలు జన్మించకముందే 3 4మందికి తల్లిగా మారినట్లు ఆమె ఓ ఇంటర్వ్యూలో వెల్లడించారు. వారి చదువు, ఆహారం, బట్టలు తదితర విషయాలన్నీ తానే చూసుకుంటానని తెలిపారు. కాగా, IPLలో పంజాబ్ జట్టుకు ప్రీతి జింటా ఓనర్.

కమల్‌హాసన్ హీరోగా మణిరత్నం దర్శకత్వం వహించిన సినిమా ‘థగ్ లైఫ్’ ఇవాళ థియేటర్లలోకి వచ్చింది. మూవీ చూసినోళ్లు చాలా బావుందని కామెంట్స్ చేస్తున్నారు. ఓవర్సీస్ నుంచి డివైడ్ టాక్ వచ్చింది. మణిరత్నం రొటీన్ రివెంజ్ డ్రామా తీశారని పేర్కొంటున్నారు. ఇంటర్వెల్ ఫైట్ బావున్నా… సెకండాఫ్ ఫ్లాట్‌గా ఉందని చెబుతున్నారు. అమెరికా, యూకే నుంచి మిక్స్డ్ టాక్ లభించింది.

‘వేదం’  మూవీ 15 ఏళ్లు పూర్తి చేసుకున్న నేపథ్యంలో దర్శకుడు క్రిష్‌ ఆసక్తికర విషయాలు చెప్పారు. ‘‘మూవీ ప్రమోషన్స్‌లో భాగంగా అనుష్క వెనక్కి తిరిగి కొంటెగా చూస్తున్న పోస్టర్‌ను పెద్ద హోర్డింగ్‌గా చేసి పంజాగుట్ట సర్కిల్‌లో పెట్టాం. ఆ సమయంలో 40కి పైగా ప్రమాదాలు జరిగాయి. పోలీసులకు ఫిర్యాదు అందడంతో ఆ తర్వాత పోస్టర్‌ను తొలగించాం’’ అని అన్నారు.