కమల్హాసన్ ‘థగ్‌లైఫ్‌’ రిలీజ్ విషయంలో కర్ణాటక ఫిల్మ్‌ ఛాంబర్‌ ఆఫ్‌ కామర్స్‌కు తమిళ్‌‌ఫిల్మ్‌ యాక్టివ్‌ ప్రొడ్యూసర్స్‌ అసోసియేషన్‌ విజ్ఞప్తి చేస్తూ ఓ లేఖ రాసింది. ఈమేరకు ఎక్స్ వేదికగా పోస్ట్ చేసింది. ‘థగ్‌లైఫ్‌’ మూవీ బ్యాన్‌ నిర్ణయాన్ని వెనక్కి తీసుకోవాలని కోరింది. కన్నడ భాషపై కమల్ వ్యాఖ్యలు చేయడంతో.. ‘థగ్‌లైఫ్‌’ను కర్ణాటకలో నిషేధించాలంటూ ఆ రాష్ట్ర హైకోర్టును కేఎఫ్‌సీసీ ఆశ్రయించిన సంగతి తెలిసిందే.
కన్నడ భాషపై కమల్హాసన్ చేసిన వ్యాఖ్యలతో వివాదం నెలకొన్న సంగతి తెలిసిందే. అయితే నేడు మాజీ ముఖ్యమంత్రి, దివంగత ఎం.కరుణానిధి జయంతి సందర్భంగా కమల్ తాజాగా ఆసక్తికర పోస్టు పెట్టారు. ‘‘తమిళ భాష, తమిళనాడు అభివృద్ధి కోసం జీవితాన్ని అంకితం చేసిన వ్యక్తి కరుణానిధి’’ అంటూ తమిళ్‌ లాంగ్వేజ్‌ను హైలైట్‌ చేస్తూ పోస్టు పెట్టడం చర్చనీయాంశమైంది. ఈ పోస్ట్ నెట్టింట వైరల్‌ అవుతోంది.
మంచు విష్ణు నటిస్తున్న ‘కన్నప్ప’ జూన్ 27న విడుదలకానుంది. ఈక్రమంలో విష్ణు, మోహన్ బాబు.. మూవీపై హైప్ పెంచే ప్రయత్నం చేస్తున్నారు. ఇందులో భాగంగా ప్రీ-రిలీజ్ ఈవెంట్‌ను భారీగా ప్లాన్ చేస్తున్నారని టాక్. ఈనెల 22న ఏపీలోని భీమవరంలో ఈ వేడుక నిర్వహించనున్నారని సమాచారం. దీనికి ప్రభాస్ చీఫ్‌ గెస్ట్‌గా రాబోతున్నట్లు తెలుస్తోంది. మరికొద్ది రోజుల్లోనే అఫీషియల్ అనౌన్స్ మెంట్ రాబోతోంది.
నయనతార-చిరంజీవి జంటగా అనిల్ రావిపూడి ఓ సినిమా తెరకెక్కిస్తున్నాడు. ఈచిత్రం ప్రారంభానికి ముందే నయన్ ప్రమోషన్స్‌లో పాల్గొనడంతో కొందరు తమిళ నెటిజన్లు ట్రోల్స్ చేస్తున్నారు. ‘‘తెలుగు సినిమాలపై అంత ఇష్టమా? అయితే టాలీవుడ్‌కే వెళ్లోచ్చు కదా?’’ అని విమర్శిస్తున్నారు. దీనిపై నయనతార ఘటుగా స్పందించారు. ‘‘ప్రమోషన్లకు వెళ్లాలా.. వద్దా అన్నది నా ఇష్టం. ఎవరికీ సమాధానం చెప్పాల్సిన అవసరం లేదు’’ అని బదులిచ్చింది.
టాలీవుడ్ హీరోయిన్ సమంత తాజాగా తన లేటెస్ట్ ఫొటోలు ఇన్‌స్టాలో షేర్ చేసింది. ఇందులో సామ్ గొదుమ కలర్ చీర ధరించిన ఎంతో అందంగా కనిపిస్తోంది.
రాజ్‌కుమార్‌ కుటుంబంతో ఉన్న అనుబంధం గురించి మాట్లాడుతూ కన్నడ భాషపై తాను చేసిన వ్యాఖ్యలను అక్కడి వారు అపార్థం చేసుకోవడం బాధగా ఉందని కమల్ హాసన్ అన్నారు. తమది (తమిళ్‌, కన్నడ ప్రజలు) ఒకే ఫ్యామిలీ అని చెప్పడమే తన ఉద్దేశమని, ఆ భాషను తక్కువ చేయడం కాదని పేర్కొన్నారు.ఈ మేరకు కర్ణాటక ఫిల్మ్‌ ఛాంబర్‌ ఆఫ్‌ కామర్స్‌ (కేఎఫ్‌సీసీ)కి లేఖ రాశారు.
ప్రముఖ దర్శకుడు శేఖర్ కమ్ములపై మెగాస్టార్ చిరంజీవి ఆసక్తికర ట్వీట్ చేశారు. ‘‘మై డియర్ శేఖర్, మీలాంటి ఒక అభిమాని ఉండటం నాకూ అంతే ఆనందకరం. మీ ప్రస్థానానికి స్ఫూర్తినిచ్చానని తెలిసి మరింత సంతోషించాను. మీ 25ఏళ్ల జర్నీలో నేనూ భాగమైనందుకు గర్వంగా ఉంది. సున్నితమైన వినోదంతోపాటు, ఒక సోషల్‌కామెంట్‌ని జతచేసి ఆలోచనాత్మకంగా తీసే మీ సినిమాలంటే నాకు ఎంతోఇష్టం’’ అని పేర్కొన్నారు.
తమిళం నుంచే కన్నడ భాష పుట్టిందంటూ ఇటీవల వ్యాఖ్యానించి వివాదాల్లో చిక్కుకున్నారు సినీనటుడు కమల్ హాసన్. అయితే, ఆయన వ్యాఖ్యలపై పలువురు కర్ణాటక హైకోర్టును ఆశ్రయించారు. దీనిపై విచారణ చేపట్టిన కోర్టు.. మీరేమైనా చరిత్రకారుడా?.. ఏ ఆధారాలతో ఆ వ్యాఖ్యలు చేశారని కమల్ హాసన్‌ను ప్రశ్నించింది. ఈ వ్యవహారంలో ఒక్క క్షమాపణ చెబితే సమస్య మొత్తం పరిష్కారం అవుతుందని కోర్టు వ్యాఖ్యానించింది.
ఏపీ సీఎం చంద్రబాబును హీరో నాగార్జున కలిశారు. తన కొడుకు అఖిల్‌ వివాహానికి చంద్రబాబును నాగార్జున ఆహ్వానించారు.
