రాఘవ లారెన్స్‌, నివిన్‌ పౌలి ప్రధాన పాత్రల్లో రూపొందుతున్న సినిమా ‘బెంజ్‌’. తాజాగా ఈ చిత్రంలో నివిన్‌ పౌలి క్యారెక్టర్‌ సినిమాలో ఎలా ఉంటుందో తెలియజేసే వీడియోను మూవీ టీమ్‌ రిలీజ్ చేసింది. కాగా ఈ మూవీ విడుదల తేదీని త్వరలో ప్రకటిస్తామని చిత్ర బృందం తెలిపింది.
కమల్హాసన్-మణిరత్నం కాంబినేషన్‌లో తెరకెక్కిన లేటెస్ట్‌ మూవీ ‘థగ్ లైఫ్’. శింబు, త్రిష కీలక పాత్రలు పోషించారు. ఈ గ్యాంగ్‌స్టర్‌ యాక్షన్‌ డ్రామా సినిమా గురువారం విడుదల కానుంది. ఈ సందర్భంగా మేకింగ్‌ వీడియోను చిత్ర బృందం తాజాగా రిలీజ్ చేసింది. మరి ఈ మూవీ షూటింగ్ ఎలా జరిగిందో మీరూ చూసేయండి.
ముంబయి ఎయిర్‌పోర్ట్‌లో కొంతమంది ఫొటోగ్రాఫర్లు అత్యుత్సాహం ప్రదర్శించడంపై నటుడు రానా ఆగ్రహం వ్యక్తం చేశాడు. ఆయన్ని ఫొటోలు తీసేందుకు ఫొటోగ్రాఫర్లు ప్రయత్నించగా.. తనకు ఆసక్తి లేదని సున్నితంగా చెప్పాడు. అయినా వారు వెంటబడ్డారు.. కారు ఎక్కే క్రమంలో ఎదురుగా వస్తోన్న మహిళ ఢీకొనడంతో రానా ఫోన్ కిందపడింది. దీంతో ఆగ్రహానికి గురైయ్యాడు. ప్రస్తుతం ఈ వీడియో నెట్టింట వైరల్‌గా మారింది.
అనురాగ్ బసు దర్శకత్వంలో ఆదిత్య రాయ్ కపూర్ నటిస్తున్న బాలీవుడ్ చిత్రం ‘మెట్రో ఇన్ డినో’. ఇందులో సారా అలీఖాన్ హీరోయిన్‌గా నటిస్తోంది. ఈమూవీ జులై 4న థియేటర్లలో విడుదల కానుంది. తాజాగా ఈ సినిమా ట్రైలర్‌ను మేకర్స్ రిలీజ్ చేశారు.
పవర్ స్టార్ పవన్ కల్యాణ్ నటిస్తున్న ‘OG’ మూవీ షూటింగ్‌కు సంబంధించిన న్యూస్ నెట్టింట వైరల్ అవుతుంది. సుజిత్ దర్శకత్వంలో రాబోతున్న ఈ సినిమాకు సంబంధించి లేటెస్ట్‌గా షూటింగ్ అప్‌డేట్ వచ్చింది. రేపటి నుంచి ‘OG’ కొత్త షెడ్యూల్ స్టార్ట్ కాబోతుందని తెలుస్తోంది. తాడేపల్లిలో 10 రోజుల పాటు జరగనున్న ఈ షూటింగ్ సెట్‌లో పవన్ అడుగు పెట్టనున్నట్లు టాక్ వినిపిస్తోంది.
ఒపెన్ఏఐ సీఈవో సామ్ ఆల్టమన్‌ బయోగ్రఫీకి సంబంధించి కొన్ని అంశాలపై ‘ఆర్టిఫిషియల్‌’ పేరిట సినిమా రూపొందనుంది. ఫిల్మ్ మేకర్ లూకా గ్వాడాగ్నినో ఈ మేరకు సన్నహాలు చేస్తున్నారు. ఈ చిత్రాన్ని హేడే ఫిల్మ్స్ పతాకంపై డేవిడ్ హేమన్, జెఫ్రీ క్లిఫోర్డ్ నిర్మించాలని చూస్తున్నారు. శాన్‌ఫ్రాన్సిస్కో, ఇటలీని కీలక షూటింగ్ ప్రాంతాలుగా గుర్తించారు. ఆల్టమన్‌ పాత్రను ఆండ్రూ గార్ఫీల్డ్ పోషించే అవకాశం ఉన్నట్లు సమాచారం.
సన్నీదేవోల్‌ హీరోగా దర్శకుడు గోపీచంద్‌ మలినేని దర్శకత్వంలో రూపొందిన యాక్షన్‌ థ్రిల్లర్‌ ‘జాట్‌’. వేసవి కానుకగా ప్రేక్షకుల ముందుకు వచ్చిన ఈ సినిమా యాక్షన్‌ ప్రియులను మెప్పించింది. ఇప్పుడీ చిత్రం ఓటీటీలోకి వచ్చేందుకు సిద్ధమైంది. జూన్‌ 5 నుంచి నెట్ఫ్లిక్స్ వేదికగా స్ట్రీమింగ్‌ కానుంది. హిందీ, తెలుగు భాషల్లోనూ ఈ మూవీని స్ట్రీమింగ్‌కు తీసుకురావడం గమనార్హం. ఈ విషయాన్ని నెట్ఫ్లిక్స్ అధికారికంగా ప్రకటించింది.
అల్లు అర్జున్‌, మంచు మనోజ్‌, అనుష్క కీలకపాత్రల్లో క్రిష్‌ దర్శకత్వంలో వచ్చిన బ్లాక్‌బస్టర్‌ చిత్రం ‘వేదం’. 2010 జూన్‌ 4న విడుదలైన ఈమూవీ బాక్సాఫీస్‌ వద్ద ఘనవిజయాన్ని అందుకుని.. నేటితో 15ఏళ్లు పూర్తి చేసుకుంది. కేబుల్‌ రాజుగా అల్లు అర్జున్‌, రాక్‌స్టార్‌ వివేక్‌ చక్రవర్తిగా మంచు మనోజ్‌, సరోజ పాత్రలో అనుష్క తమ నటనతో మెప్పించారు. ఇక కీరవాణి సంగీతం సినిమాను మరోస్థాయిలో నిలబెట్టింది.
కన్నడ భాషపై కమల్హాసన్ చేసిన వ్యాఖ్యలు సంచలనంగా మారాయి. ‘థగ్ లైఫ్’ రిలీజ్ సందర్భంగా ఏర్పాటు చేసిన ప్రెస్‌మీట్‌లో ఆయన మాట్లాడారు. ఇలాంటి క్లిష్టసమయంలో తనకు సపోర్ట్‌గా నిలిచిన తమిళనాడు ప్రజలకు ధన్యవాదాలు చెప్పారు. ‘‘‘నా ప్రాణం, నా కుటుంబం, తమిళమే’ అన్న వ్యాఖ్యలను నేను పూర్తిగా అర్థం చేసుకున్నా. ఆ వ్యాఖ్యలకు కట్టుబడే ఉంటా’’ అని కమల్ అన్నారు.
నటుడు, మక్కల్‌ నీది మయ్యం పార్టీ అధినేత కమల్హాసన్ కన్నడ భాషపై చేసిన వ్యాఖ్యలు తీవ్రదుమారం రేపాయి. ఈ ఎఫెక్ట్ ఆయన రాజ్యసభ సీటు నామినేషన్‌పై పడింది. ఈక్రమంలో ఆయన రాజ్యసభ స్థానానికి నామినేషన్ దాఖలు చేయడాన్ని వాయిదా వేసుకున్నట్లు సమాచారం. త్వరలో కమల్ ‘థగ్ లైఫ్’ సినిమా రిలీజ్‌కానుంది. ఆ రిలీజ్ వ్యవహారం పూర్తయిన తర్వాతే నామినేషన్ వేయాలని భావిస్తున్నట్లు సంబంధితవర్గాలు పేర్కొన్నాయి.
