చిరంజీవి హీరోగా దర్శకుడు అనిల్ రావిపూడి తెరకెక్కిస్తోన్న చిత్రం ‘మన శంకరవరప్రసాద్‌గారు’. ఈ మూవీ టైటిల్ గ్లింప్స్‌ లాంచ్‌ ఈవెంట్‌లో అనిల్ ఇంట్రెస్టింగ్ కామెంట్స్ చేశారు. కచ్చితంగా ఈ సినిమా మీ అంచనాలను అందుకుంటుంది. ఇందులో ఆయన కనిపించిన లుక్‌ ఒరిజినల్‌. వీఎఫ్ఎక్స్ చాలా తక్కువ వాడాం. 5 శాతం వీఎఫ్ఎక్స్ కూడా లేవు. చిరంజీవి ఈ లుక్‌ కోసం ఎంతో కష్టపడ్డారు ’ అని అనిల్ రావిపూడి తెలిపారు.
నేడు మెగాస్టార్ చిరంజీవి 70వ పుట్టినరోజు సందర్భంగా ఆయన తన కుటుంబంతో కలిసి గోవాలో బ‌ర్త్‌డే సెల‌బ్రేష‌న్స్ చేసుకుంటున్నారు. ఈ సందర్భంగా చిరు త‌న‌యుడు రామ్‌చరణ్ తన తండ్రికి ప్రత్యేకంగా శుభాకాంక్షలు తెలియజేస్తూ ఓ ఎమోషనల్ వీడియోను షేర్ చేశారు. చరణ్ తన తండ్రి చిరంజీవికి కేక్ తినిపిస్తూ, ఆయన పాదాలకు నమస్కరించి ఆశీర్వాదాలు తీసుకున్నారు. ప్రస్తుతం ఈ వీడియో వైరలవుతోంది.
సీఎం, పీఎంకు సంబంధించి కేంద్ర ప్రభుత్వం తీసుకువస్తున్న కొత్త బిల్లును ఉద్దేశించి నటుడు ప్రకాశ్‌రాజ్ ఆసక్తికర ట్వీట్ చేశారు. ‘‘మీరు కొత్తగా ప్రవేశపెడుతున్న బిల్లు వెనుక ఓ కుట్ర దాగి ఉందా? మీ మాట వినని మాజీ లేదా ప్రస్తుత ముఖ్యమంత్రిని అరెస్టు చేసి, మీకు నచ్చిన ఉప ముఖ్యమంత్రిని ఆ కుర్చీలో కూర్చోబెట్టే ప్లాన్ ఏమైనా ఉందా?’’ అని ఆయన ప్రశ్నించారు.
చిరంజీవి హీరోగా దర్శకుడు అనిల్ రావిపూడి తెరకెక్కిస్తోన్న చిత్రం ‘మన శంకరవరప్రసాద్‌గారు’. ఈ మూవీ టైటిల్ గ్లింప్స్‌ లాంచ్‌ ఈవెంట్‌లో అనిల్ ఇంట్రెస్టింగ్ కామెంట్స్ చేశారు. ‘‘ నేను చిన్నప్పటినుంచి చిరంజీవి సినిమాలు చూస్తూ పెరిగాను. మీరందరూ చిరంజీవిని ఎలా చూడాలనుకుంటున్నారో దానికి రెండింతలు ‘మన శంకరవరప్రసాద్‌గారు’లో చూస్తారు’’ అని చెప్పారు.
అనిల్ రావిపూడి – చిరంజీవి కాంబినేషన్‌లో రానున్న ఈ సినిమాకు ‘మన శంకరవరప్రసాద్‌గారు’ అనే టైటిల్‌ను ఖరారు చేశారు. నేడు చిరంజీవి పుట్టినరోజు సందర్భంగా దీని టైటిల్ గ్లింప్స్‌ను విడుదల చేశారు. ఇందులో వెంకటేశ్‌ అతిథి పాత్రలో కనిపించనున్నారు. తాజాగా విడుదలైన వీడియోకు ఆయన వాయిస్‌ ఓవర్‌ ఇవ్వడంతో సినీ ప్రియులు సర్‌ప్రైజ్‌ అవుతున్నారు. ఈ సినిమా వచ్చే ఏడాది సంక్రాంతికి విడుదల కానుంది.
ఫిల్మ్ ఫెడరేషన్‌పై సినీ కార్మికుల సంఘాలు తీవ్ర అసంతృప్తిని వ్యక్తం చేస్తున్నాయి. తమతో చర్చలు జరపకుండా ఫెడరేషన్ ఏకపక్షంగా నిర్ణయాలు తీసుకుందని ఆరోపిస్తున్నాయి. దీనికి నిరసనగా నేడు షూటింగ్‌లకు వెళ్ళడానికి నిరాకరించాయి. ఫెడరేషన్ కమిటీ నుంచి అనిల్, అమ్మి రాజు రాజీనామా చేయాలని సంఘాలు డిమాండ్ చేస్తున్నాయి. ఈ రోజు ఫెడరేషన్ కార్యాలయాన్ని ముట్టడించడానికి కార్మిక సంఘాల నేతలు సిద్ధం అవుతున్నాయి.
AP: ముఖ్యమంత్రి చంద్రబాబు ‘X’ వేదికగా మెగాస్టార్‌కు పుట్టిన రోజు శుభాకాంక్షలు తెలిపారు. ‘చిరంజీవికి 70వ జన్మదిన శుభాకాంక్షలు. సినిమా, ప్రజా జీవనం, సామాజిక సేవలో మీ అద్భుతమైన ప్రయాణం లక్షలాది మందిని స్ఫూర్తిపరిచింది. మీ ఔదార్యం, అంకితభావంతో మరిన్ని జీవితాలను స్పర్శించాలని కోరుకుంటున్నా. మీకు ఆరోగ్యం, ఆనందం మరెన్నో గుర్తుండిపోయే సంవత్సరాలు ఉండాలని ఆశిస్తున్నా’ అంటూ CM చంద్రబాబు ట్వీట్ చేశారు.
మెగాస్టార్ చిరంజీవి పుట్టినరోజు సందర్బంగా నిన్న ఏపీ డిప్యూటీ సీఎం పవన్ కల్యాణ్ శుభాకాంక్షలు తెలిపారు. దీనిపై ట్విట్టర్ వేదికగా చిరంజీవి స్పందించారు. ‘‘జ‌న సైన్యాధ్య‌క్షుడికి విజ‌యోస్తు!. త‌మ్ముడు కల్యాణ్.. నీ ప్రతి మాట నా మనసుకు హత్తుకుంది. అన్న‌య్య‌గా న‌న్ను చూసి నువ్వెంత గ‌ర్విస్తున్నావో.. ఓ త‌మ్ముడిగా నీ విజ‌యాల్ని, నీ పోరాటాన్ని నేను అంత‌గా ఆస్వాదిస్తున్నాను’’ అని పేర్కొన్నారు.
గత వారం గురుగ్రామ్‌లో బిగ్‌బాస్‌ విజేత ఎల్విష్‌ యాదవ్‌ ఇంటిపై కాల్పులు జరిగాయి. దీనికి సంబంధించి ఆరోపణలు ఎదుర్కొంటున్న ఇషాంత్ అలియాస్ ఇషు గాంధీ అనే నిందితుడిని ఫరీదాబాద్ క్రైమ్ బ్రాంచ్ పోలీసులు ఎన్‌కౌంటర్ చేసి అరెస్ట్ చేశారు. పోలీసుల కాల్పుల్లో నిందితుడి కాలుకు బుల్లెట్ గాయం అయ్యింది. దీంతో నిందితుడిని ఆస్పత్రికి తరలించారు. నిందితుడు పోలీసులపై ఆటోమేటిక్ పిస్టల్‌తో అరడజనుకు పైగా బుల్లెట్లు కాల్పాడు.
బాలకృష్ణ హీరోగా డైరెక్టర్ బోయపాటి శ్రీను కాంబినేషన్‌లో రానున్న చిత్రం ‘అఖండ 2. ఈ సినిమాలో విలన్‌గా నటుడు ఆది పినిశెట్టి కనిపంచనున్నారు. ఈ క్రమంలో బాలకృష్ణతో స్క్రీన్‌ పంచుకోవడం గురించి ఆది ఓ ఇంటర్వ్యూలో మాట్లాడారు. బాలకృష్ణ అంటే ఓ శక్తి అని, ఆయనతో కలిసి పని చేయడం చాలా సంతోషంగా ఉందని చెప్పారు.
