Category: ఎంటర్‌టైన్‌మెంట్

అసోసియేషన్‌ ఆఫ్‌ మలయాళం మూవీ ఆర్టిస్ట్స్‌ (అమ్మ) అధ్యక్షురాలిగా నటి శ్వేతా మేనన్‌ ఎన్నిక కావడంపై హీరో మోహన్‌లాల్‌ హర్షం వ్యక్తం చేశారు. ‘అమ్మ’కు ఎప్పుడూ తాను సహాయసహకారాలు అందిస్తానని చెప్పారు. ఈ అసోసియేషన్‌లో 560 మంది సభ్యులు ఉన్నారని కొత్తవాళ్లు రావాలని ఆయన పేర్కొన్నారు. దీనికి ఎవరు అధ్యక్షులుగా ఉన్నా వాళ్లకు తాను ఎప్పుడూ అందుబాటులో ఉంటానని తెలిపారు.

బాలీవుడ్ స్టార్ ఆమిర్‌ఖాన్ ‘కూలీ’లో గెస్ట్ రోల్‌లో నటించారు. అయితే ఆయన ఇందులో రజనీకాంత్‌కు బీడీ వెలికించడంపై పలు విమర్శలు వచ్చాయి. దీనిపై తాజాగా ఓ ఇంటర్వ్యూలో ఆమిర్ స్పందించారు. ‘‘‘అలా చేయడంలో నాకు ఎటువంటి ఇబ్బందిలేదు. నేను రజనీకాంత్ అభిమానిని కాబట్టి ఆయనతో స్క్రిన్ షేర్ చేసుకోవడం చాలా గౌరవంగా ఫీల్ అవుతున్నాను. నా జీవితానికి అదొక మెమరీ అవుతుంది’’ అని చెప్పుకొచ్చాడు.

యంగ్‌టైగర్ ఎన్టీఆర్, కొరటాల శివ కాంబినేషన్‌లో తెరకెక్కనున్న చిత్రం ‘దేవర-2’. ఈ సినిమా ఆగిపోయిందని వస్తున్న ప్రచారంలో నిజం లేదని సినీవర్గాలు స్పష్టం చేశాయి. ప్రస్తుతం దర్శకుడు కొరటాల శివ ఈ స్క్రిప్ట్, ప్రీ-ప్రొడక్షన్ పనుల్లో నిమగ్నమయ్యారని.. 2027 సంక్రాంతికి మూవీ విడుదలయ్యే అవకాశం ఉందని పేర్కొన్నాయి. జనవరి నుంచి ఈ సినిమా షూటింగ్ ప్రారంభం కానుందని సమాచారం.

బాలీవుడ్ నటి కంగనా రనౌత్.. తన పెళ్లి వార్తలపై తాజాగా స్పందించారు. నా పెళ్లి గురించి వస్తున్న వార్తల్లో ఎలాంటి నిజం లేదని స్పష్టం చేశారు. తనకు పెళ్లి, కుటుంబం, పిల్లల పట్ల నమ్మకం లేదని తెలిపారు. ప్రస్తుతం తన దృష్టి మొత్తం సినిమాలు, రాజకీయాలపై ఉందని.. అందుకే ఇప్పట్లో పెళ్లి చేసుకోనని కంగనా క్లారిటీ ఇచ్చారు.

మలయాళ స్టార్ మోహన్‌లాల్‌ కుమార్తె విస్మయ ‘తుడక్కమ్‌’ చిత్రంతో వెండితెరకు పరిచయం కాబోతోంది. ఆమె అరంగేట్రం గురించి మోహన్‌లాల్‌ ఓ ఇంటర్వ్యూలో మాట్లాడారు. ‘‘విస్మయకు నటనపై ఆసక్తి ఉందని ఎప్పుడో చెప్పింది. కానీ, నా పిల్లలు కాబట్టి గొప్పవారు కావాలని నేనెప్పుడూ అనుకోలేదు. వారి ప్రతిభతో గుర్తింపు తెచ్చుకుంటే అది వారి భవిష్యత్తుకే మంచిది. వాళ్లు ఇండస్ట్రీకి వస్తామన్నప్పుడు కూడా ఇదే మాట చెప్పాను’’ అని తెలిపారు.