Locations: Hyderabad

నిజాం పాలనలో యెమెన్, ఆఫ్ఘనిస్తాన్ దేశాల నుండి వచ్చిన అరబ్బులు, పఠాన్లు నిజాం సైన్యంలో పనిచేసేవారు. వారు కింగ్‌కోఠి నుంచి పాతబస్తీలోని తమ బసకు ఆయుధాలతో వెళ్లేందుకు ఇబ్బందులు పడ్డారు. దీనితో నిజాం రాజువారి కోసం చాంద్రాయణగుట్ట దగ్గర ఆయుధాలు భద్రపరిచేందుకు ఒక గోదాం(బ్యారెక్స్) ఏర్పాటుచేశారు. ఆ ప్రాంతంలోనే నివాసాలు ఏర్పాటు చేసుకునేందుకు అనుమతించారు. కాలక్రమేణా ‘బ్యారెక్స్’ అనే పేరు ‘బార్కస్’గా మారింది.

HYD: బడంగ్‌పేటలోని దావూద్‌ఖాన్‌గూడలో ఉన్న జిల్లాకేంద్ర గ్రంథాలయం నిరుద్యోగుల కోసం ప్రత్యేక ఏర్పాట్లుచేసింది. ఇక్కడ ఉద్యోగాల కోసం సిద్ధమయ్యే వారికి ఉచిత వైఫై, ప్రత్యేకగదులు, కంప్యూటర్లు అందుబాటులో ఉన్నాయి. మహిళల కోసం ప్రత్యేకంగా రెండంతస్తుల్లో ఏర్పాట్లు చేయడం విశేషం. ఇక్కడ గ్రూప్స్, ఆర్‌ఆర్‌బీ, ఎస్సై, కానిస్టేబుల్ వంటి అనేక పరీక్షలకు సంబంధించిన 8,240 పుస్తకాలు ఉన్నాయి. ఇప్పటివరకు 50 మంది ఇక్కడ చదివి ఉద్యోగాలు సాధించారు.

HYD: పిల్లలతో రోజంతా గడపలేకపోయినా, రోజులో మూడుసార్లు 7 నిమిషాలు వారికి కేటాయిస్తే మానసిక, శారీరక ఎదుగుదలకు తోడ్పడుతుంది. ఉదయం వారితో కొంత సమయం గడిపితే రోజంతా సానుకూలంగా ఉంటారు. సాయంత్రం వారి అనుభవాలు తెలుసుకోవడం, రాత్రి నిద్రకు ఉపక్రమించే ముందు కథలు చెప్పడం వంటివి చేయాలి. ఇలాచేయడం వల్ల వారిలో భద్రత భావం పెరుగుతుంది. ఇది పిల్లలు, తల్లిదండ్రుల మధ్య బంధాన్ని బలపరుస్తుంది.