TG: బీజేపీ రాష్ట్ర నూతన అధ్యక్షుడిగా ఎన్నికైన ఎన్. రామచందర్‌రావు శనివారం (జులై 5) బాధ్యతలు స్వీకరించనున్నారు. ఉదయం 9 గంటలకు గన్‌పార్క్‌లోని అమరవీరుల స్తూపం వద్ద నివాళులర్పించిన అనంతరం, రాష్ట్ర కార్యాలయంలో బాధ్యతలు చేపట్టనున్నారని పార్టీ రాష్ట్ర ప్రధాన కార్యదర్శి గుజ్జుల ప్రేమేందర్ రెడ్డి గురువారం ఓ ప్రకటనలో తెలిపారు.
TG: దివంగత మాజీ ముఖ్యమంత్రి కొణిజేటి రోశయ్య విగ్రహ ఏర్పాటు పనులు లక్డీకపూల్‌లో పూర్తయ్యాయి. శుక్రవారం ఆయన జయంతి సందర్భంగా విగ్రహాన్ని ఆవిష్కరించాలని ప్రభుత్వం నిర్ణయించింది. దాదాపు రూ.50 లక్షల వ్యయంతో తొమ్మిది అడుగుల కాంస్య విగ్రహాన్ని సిద్ధం చేశారు. ముఖ్యమంత్రి రేవంత్ రెడ్డి ఆవిష్కరించనున్నారు.
TG: పవన్ కళ్యాణ్ నటించిన మూవీ ‘హరిహర వీరమల్లు’కు పెద్ద షాక్ తగిలింది. ఈ సినిమాలో పవన్ పాత్ర తెలంగాణ పోరాటయోధుడు పండుగ సాయన్న జీవిత చరిత్రని.. కల్పిత కథగా మార్చేసి ఇష్టం వచ్చినట్లు తీశారని బీసీ సంఘాలు ఆరోపిస్తున్నాయి. సినిమా విడుదలను కచ్చితంగా అడ్డుకుంటామని ఓ ప్రకటన కూడా విడుదల చేశాయి. తాజాగా ఈ సినిమా నుంచి ట్రైలర్ విడుదల అయ్యింది.
HYD: హైదరాబాద్‌లోని ఎల్బీ స్టేడియంలో ఏఐసీసీ అధ్యక్షుడు మల్లికార్జున ఖర్గే అధ్యక్షతన జరిగే కాంగ్రెస్ అధ్యక్షుల సమ్మేళనం, బహిరంగ సభ ఏర్పాట్లను మంత్రులు సీతక్క, పొన్నం ప్రభాకర్ పరిశీలించారు.
TG: రక్షణమంత్రి రాజ్‌నాథ్ సింగ్ శుక్రవారం హైదరాబాద్‌కు రానున్నారు. మధ్యాహ్నం ఆయన బేగంపేట ఎయిర్‌పోర్టుకు చేరుకుంటారు. అనంతరం అల్లూరి సీతారామరాజు జయంతి ఉత్సవాల్లో పాల్గొంటారు.
TG: AICC అధ్యక్షుడు మల్లికార్జున ఖర్గేను కాంగ్రెస్ నేతలు కలిశారు. ఈ సందర్భంగా ప్రతి ఉమ్మడి జిల్లాకు ఒక మంత్రి పదవి ఇవ్వాలని ఇబ్రహింపట్నం MLA మల్‌రెడ్డి రంగారెడ్డి కోరారు. రాష్ట్ర జనాభాలో సగం జనాభా ఉన్న హైదరాబాద్, రంగారెడ్డి జిల్లాలకు మంత్రి ఇవ్వాలన్నారు. మరోవైపు ప్రభుత్వ చీఫ్ విప్ పదవిని మంచిర్యాల MLA ప్రేమ్ సాగర్ రావు తిరస్కరించినట్లు సమాచారం.
HYD: ఉజ్జయిని మహంకాళి బోనాల ఉత్సవాల నేపథ్యంలో అన్ని శాఖల అధికారులతో గురువారం డీసీపీ కార్యాలయంలో డీసీపీ రష్మీ పెరుమాళ్ సమీక్ష సమావేశం నిర్వహించారు. వివిధ శాఖల అధికారులతో సమన్వయం చేసుకొని ముందుకు వెళ్లనున్నట్లు తెలిపారు. ఈ ఏడాది కూడా డీజేలకు అనుమతి లేదని, ఫలహరం బండ్లు ఊరేగించేవారు తమను సంప్రదిస్తే వారికి బందోబస్తు ఏర్పాటు చేస్తామని తెలిపారు.
HYD: మతిస్థిమితం లేని ఓ యువకుడు జీవితంపై విరక్తి చెంది రైలు కింద పడి ఆత్మహత్య చేసుకున్న ఘటన సికింద్రాబాద్‌ రైల్వే పీఎస్ పరిధిలో చోటుచేసుకుంది. మహబూబ్‌నగర్‌ జిల్లాకు చెందిన చీర సాయి ప్రకాశ్‌ (22) బిటెక్‌ చదువుతున్నాడు. గత కొంత కాలంగా అతడు మానసికంగా బాధపడుతున్నా డు. జీవితంపై విరక్తి చెంది, చార్మినార్‌ ఎక్స్‌ప్రెస్‌ రైలు కిందపడి ఆత్మహత్య చేసుకున్నాడు.
