మేడ్చల్: గుండ్ల పోచంపల్లి మున్సిపల్ పరిధిలో అక్రమ నిర్మాణం చేపడుతున్నారని బీజేపీ నాయకుడు కృష్ణ గౌడ్ గురువారం మున్సిపల్ కమిషనర్ స్వామికి ఫిర్యాదు చేశారు. మున్సిపల్ పరిధిలోని శుభం హోటల్‌పై అక్రమంగా షెడ్ నిర్మిస్తున్నారని ఫిర్యాదులో పేర్కొన్నారు. షెడ్డు నిర్మాణం వల్ల వర్ష కాలంలో సామాన్య ప్రజలపై పడే అవకాశం ఉందని, వెంటనే షెడ్డు నిర్మాణాన్ని తొలగించాలని కోరారు.
TG: హైదరాబాద్‌లో వర్షం మొదలైంది. మాదాపూర్, పంజాగుట్ట, లక్డీకపూల్, మలక్‌పేట, యూసుఫ్‌గూడ, జూబ్లీహిల్స్, గచ్చిబౌలి, ఖాజాగూడ, మణికొండ, హిమాయత్‌నగర్, నారాయణగూడ, తదితర ప్రాంతాల్లో వర్షం కురుస్తోంది. వర్షం ఉద్ధృతంగా కురిసే అవకాశం ఉందని ప్రజలు సురక్షిత ప్రాంతాల్లో ఉండాలని వాతావరణ శాఖ హెచ్చరించింది. అవసరమైతే తప్ప బయటికి రావొద్దని సూచించింది. అలాగే తెలుగు రాష్ట్రాల్లోని పలు జిల్లాల్లో వర్షం కురుస్తోంది.
TG: హైదరాబాద్ చేరుకున్న ఏఐసీసీ అధ్యక్షులు మల్లికార్జున ఖర్గేకి శంషాబాద్ విమానాశ్రయంలో సీఎం రేవంత్ రెడ్డి ఘన స్వాగతం పలికారు.
మేడ్చల్: బీఎల్‌వోలు శిక్షణ తరగతులను సద్వినియోగం చేసుకోవాలని కీసర ఆర్‌డీవో వెంకట ఉపేందర్‌రెడ్డి అన్నారు. తూంకుంట మున్సిపల్ పరిధిలో బీఎల్‌వోలకు వారం రోజుల నేషనల్‌ ట్రైనింగ్‌ ప్రోగ్రామ్‌ను ప్రారంభించారు. అనంతరం ఆర్‌డీవో మాట్లాడుతూ.. ఓటరు జాబితా, ఓటు నమోదు వంటి అంశాలను సలహాలు, సూచనలతో పాటు శిక్షణ ఇస్తారన్నారు.
HYD: అత్తాపూర్‌ డివిజన్ హైదర్‌గూడ శ్రీ నల్లపోచమ్మ దేవాలయం మండల పూజ మహోత్సవాలు గురువారం ఘనంగా జరిగాయి. బాబు జగ్జీవన్‌రామ్‌ యూత్‌ అసోసియేషన్, ప్రణవ భక్త సమాజం ఆధ్వర్యంలో దేవాలయ విగ్రహ ప్రతిష్టాపన యంత్ర ప్రతిష్టాపన, శిఖర ప్రతిష్టాపన చేసుకోని 41 రోజులు పూర్తయిన సందర్భంగా అమ్మవారి శిఖరానికి కుంబాభిషేకం, హోమం తదితర పూజా కార్యక్రమాలను నిర్వహించారు.
HYD: అభివృద్ధి పనులు వేగవంతంగా పూర్తి చేసి నిర్ణీత కాలంలో ప్రజలకు అందుబాటులో తీసుకురావాలని ఎమ్మెల్యే ముఠాగోపాల్ అన్నారు. ముషీరాబాద్ నియోజకవర్గంలోని గాంధీనగర్ డివిజన్ అరుంధతి నగర్ బస్తీలో కొనసాగుతున్న కచ్చామోరీ (స్ట్రాం ) వాటర్ పనులను గురువారం ఎమ్మెల్యే ముఠా గోపాల్, బీఆర్ఎస్ యువ నాయకుడు ముఠా జయసింహ, అధికారులతో కలిసి పరిశీలించారు.
