HYD: సికింద్రాబాద్ మహంకాళి జాతరకు అన్ని ఏర్పాట్లు చేయాలని మాజీ మంత్రి తలసాని శ్రీనివాస్ యాదవ్ సూచించారు. ఉజ్జయినీ మహంకాళి ఆలయంలో మగ్గంపై చీరల తయారీని ప్రారంభించారు. జులై 13న జాతరలో అమ్మవారికి పోచంపల్లి పట్టు వస్త్రాలు సమర్పించనున్నట్లు తెలిపారు. అన్ని శాఖల సమన్వయంతో భక్తులకు ఎలాంటి ఇబ్బంది కలగకుండా చర్యలు తీసుకోవాలని సూచించారు.
HYD: పాశమైలారం సిగాచి పరిశ్రమలో జరిగిన పేలుడు ఘటనలో తీవ్రంగా గాయపడి మదీనాగూడలోని ప్రణమ్ ఆస్పత్రిలో చికిత్స పొందుతున్న క్షతగాత్రులను ఎమ్మెల్యే ఆరెకపూడి గాంధీతో పాటుగా పలువురు కాంగ్రెస్ నేతలు పరామర్శించారు. ఆయన మాట్లాడుతూ.. ప్రభుత్వం బాధితులకు పూర్తి సహాయ సహకారాలు అందిస్తుందని, ఈ ఘటనపై సమగ్ర విచారణ జరుగుతుందని స్పష్టం చేశారు.
మేడ్చల్: ఉప్పల్ నియోజకవర్గం ఏఎస్ రావు నగర్ డివిజన్‌లోని భవానినగర్ కమాన్ వద్ద డ్రైనేజీ అభివృద్ధి పనులకు బుధవారం ఎమ్మెల్యే బండారి లక్ష్మారెడ్డి, కార్పొరేటర్ శిరీష సోమ శేఖర్ రెడ్డి శంకుస్థాపన చేశారు. రూ.90 లక్షల నిధులతో ఈ పనులు జరుగుతాయని అధికారులు తెలిపారు. ప్రజల సమస్యల పరిష్కారమే లక్ష్యమని లక్ష్మారెడ్డి, నీటి నిల్వ సమస్య తీరుతుందని శిరీష తెలిపారు.
HYD: కేంద్ర ప్రభుత్వం కీలక నిర్ణయం తీసుకున్నట్లు తెలుస్తోంది. త్వరలోనే 12% GST శ్లాబ్ ఎత్తివేసే అవకాశముంది. చాలా వస్తువులను 5శాతం శ్లాబ్‌లోకి తీసుకొస్తారని సమాచారం. టూత్ పేస్ట్, గొడుగులు, కిచెన్ సామగ్రి, కుట్టు మెషిన్లు,సైకిళ్లు, రూ.వెయ్యిపైన ఉండే రెడీమేడ్ దుస్తులు, రూ.500-రూ. వెయ్యి మధ్య ఉండే చెప్పులు, స్టేషనరీ, అగ్రికల్చర్ టూల్స్, వ్యాకిన్స్‌పై ధరలు తగ్గొచ్చని ఆర్థిక నిపుణులు అంచనా వేస్తున్నారు.
TG: బంజారాహిల్స్‌లో ఏర్పాటు చేసిన ఏఐజీ ఆసుపత్రిని సీఎం రేవంత్‌రెడ్డి ప్రారంభించారు. అనంతరం ఆయన మాట్లాడుతూ.. ‘‘తెలంగాణ రాష్ట్రం హెల్త్‌ టూరిజం హబ్‌గా మారింది. దేశంలో తయారయ్యే బల్క్‌డ్రగ్‌లో 35శాతం హైదరాబాద్‌లోనే ఉత్పత్తి అవుతోంది. జినోమ్‌ వ్యాలీ హైదరాబాద్‌కు చాలా కీలకం. సామాజిక బాధ్యతగా.. ఏడాదిలో ఒక్క నెల రోజులు ప్రభుత్వ ఆసుపత్రులలో పనిచేయాలని ఈ రాష్ట్రంలో ఉన్న డాక్టర్లందరికీ విజ్ఞప్తి చేస్తున్నా’’అని సీఎం రేవంత్‌రెడ్డి అన్నారు.
మేడ్చల్: పోచారం మున్సిపాలిటీ కోర్రేముల ఏకశిల నగర్‌లో విగ్నేశ్వర రియల్ ఎస్టేట్ యజమాని నీలి శ్రీనివాస్ రెడ్డి, హన్మకొండకు చెందిన కడియం వినోద్ కుమార్‌ను మోసం చేశాడని ఆరోపణ. వివాదాస్పద సర్వే నెం.744లోని ప్లాట్ నెం.1358ను రూ.30.5 లక్షలకు అమ్మేందుకు రూ.7.62లక్షల అడ్వాన్స్ తీసుకున్నాడు. కాంపౌండ్ కూల్చివేతపై అడిగినప్పుడు కులంపేరిట దూషించి, వినోద్ భార్యతో అసభ్యంగా ప్రవర్తించాడు.పోలీసులు కేసు నమోదుచేసి దర్యాప్తు చేపట్టారు.
