HYD: జూబ్లీహిల్స్ పెద్దమ్మతల్లి ఆలయంలో ఈనెల 2వ తేదీ బుధవారం నుంచి 4వ తేదీ శుక్రవారం వరకు శాకంబరీ ఉత్సవాలు వైభవంగా జరుగనున్నాయి. ఉత్సవాలకు అధికారులు ఏర్పాట్లు చేస్తున్నారు. ఆలయాన్ని పండ్లు, కూరగాయలతో సుందరంగా తీర్చిదిద్దుతున్నారు. ఈ కార్యక్రమంలో భక్తులు పెద్ద సంఖ్యలో పాల్గొననున్నారు.
HYD: జలమండలి ప్రజావాణికి ఆరు ఫిర్యాదులు వచ్చాయి. హఫీజ్‌పేట్‌లోని జల మండలి కార్యాలయంలో 15, 17 డివిజన్లకి చెందిన జీఎంలు రమావత్ కృష్ణ, శ్రీని వాసరెడ్డి ప్రజల నుంచి వినతిపత్రాలు స్వీకరించారు. పాపి రెడ్డికాలనీలో డ్రైనేజీ సమస్య పరిష్కరించాలని కార్పొరేటర్ నాగేందర్యాదవ్ అధికారుల దృష్టికి తెచ్చారు. మణికొండ, హల్ కాలనీల్లో తాగునీటి సమస్య, నల్లగండ్ల, మయూరినగర్లో డ్రైనేజీ, మక్తాలో కలుషిత నీటి ఇబ్బందులపై వినతిపత్రాలు అందాయి.
మేడ్చల్: నాగోల్ డివిజన్ పరిధిలోని అయ్యప్ప కాలనీలో వాటర్‌వర్క్స్, ఇరిగేషన్, ఇంజనీరింగ్ అధికారులచే కలిసి ఎల్బీ నగర్ ఎమ్మెల్యే దేవిరెడ్డి సుధీర్ రెడ్డి పర్యటించారు. ఈ సందర్భంగా కాలనీవాసులు డ్రైనేజీ, రోడ్ల సమస్యల గురించి ఎమ్మెల్యేకి వివరించారు. ఇండ్లలోకి డ్రైన్స్ నీరు రావడం జరుగుతున్న నేపథ్యంలో నూతన డ్రైన్స్ నిర్మాణ పనుల్లో సరైన ఎత్తుపల్లాలు చూసుకొని నూతన డ్రైన్స్ నిర్మాణం చేపట్టలని ఆదేశించారు.
HYD: బంజారాహిల్స్ రోడ్ నంబర్-12లోని లోటస్‌పాండ్ వద్ద తెల్లవారుజామున ఇసుక లోడుతో ఉన్న లారీ బ్రేకులు ఫెయిల్ కావడంతో కరెంటు స్తంభాన్ని ఢీకొని పల్టీ కొట్టింది. ఈ ఘటనతో స్థానికంగా రాకపోకలు నిలిచిపోయాయి. ఫిలింనగర్ పోలీసులు ఘటనా స్థలానికి చేరుకుని లారీని పక్కకు తప్పించారు. ప్రమాదంలో డ్రైవర్ ప్రాణాలతో సురక్షితంగా బయటపడ్డాడు.
మేడ్చల్: మీర్‌పేట్ హెచ్‌బీ కాలనీ డివిజన్‌లోని ఇంద్రనగర్, మంగాపురం, తిరుమలనగర్, వెంకటేశ్వర నగర్ కాలనీలలో సీసీ రోడ్డు నిర్మాణ పనులను ఎమ్మెల్యే బండారి లక్ష్మారెడ్డి ప్రారంభించారు. అంతరం ఎమ్మెల్యే మట్లాడుతూ..అభివృద్ధి విషయంలో అవసరమైన సహకారం అందిస్తూ,నిత్యం మీకు అందుబాటులో ఉంటానని, ఉప్పల్ నియోజకవర్గం అభివృద్ధికి పూర్తి స్థాయిలో కృషి చేస్తానని తెలిపారు. ఈ కార్యక్రమంలో కార్పొరేటర్ జెరిపోతుల ప్రభుదాస్,మాజీ కార్పొరేటర్, తదితరులు పాల్గొన్నారు.
