HYD: రామకృష్ణాపురం డివిజన్‌లో ఇస్కాన్ ఆధ్వర్యంలో శ్రీనివాస్ ప్రభు, నర్సింగరావు ప్రభు నేతృత్వంలో జగన్నాథ రథయాత్రను శ్రీ దత్తేశ్వరా నంద భారతీ స్వామి ప్రారంభించారు. గత నాలుగేళ్లుగా వేలాది భక్తులతో కాలనీల్లో సాంస్కృతిక కార్యక్రమాలు, భజనలతో ఆధ్యాత్మిక శోభతో యాత్ర జరుగుతోంది. యువజన కాంగ్రెస్ నాయకుడు చిలక ఉపేందర్ రెడ్డి మాట్లాడుతూ.. దైవభక్తి మానసిక ప్రశాంతతకు కీలకమని, ఇష్టదైవాలను పూజించాలని పేర్కొన్నారు.
HYD: నగరంలోని శ్రీకృష్ణ నగర్‌లో ఘోర ప్రమాదం చోటు చేసుకుంది. బైక్‌పై వెళ్తున్న యువకుడుని వేగంగా వచ్చిన ఆర్టీసీ బస్సు ఢీకొట్టింది. ఈ ప్రమాదంలో ఆ యువకుడు అక్కడికక్కడే మృతి చెందాడు. స్థానికులు పోలీసులకు సమాచారం అందించగా.. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టారు. ఈ ఘటనపై పూర్తి వివరాలు తెలియాల్సి ఉంది.
TG: హైదరాబాద్‌లోని మహా న్యూస్ ఛానల్ కార్యాలయంపై దాడి కేసులో BRSV అధ్యక్షుడు గెల్లు శ్రీనివాస్ యాదవ్‌తో సహా అందరికీ నాంపల్లి కోర్టు బెయిల్ మంజూరు చేసింది. జూన్ 28, 2025న జరిగిన ఈ దాడిలో శ్రీనివాస్‌తో పాటు 12 మందిపై భారతీయ న్యాయ సంహిత (BNS) కింద కేసులు నమోదయ్యాయి. రిమాండ్‌ను కోర్టు తిరస్కరించింది.
మేడ్చల్: ఆషాఢమాస బోనాల పండుగ సందర్భంగా బల్కంపేట ఎల్లమ్మకు మేడ్చల్ మున్సిపల్ మాజీ కో ఆప్షన్ సభ్యులు అకిటి నవీన్ రెడ్డి బోనం సమర్పించారు. ఆదివారం ఆయన కుటుంబ సభ్యులతో కలిసి బల్కంపేట ఎల్లమ్మ ఆలయంలో అమ్మవారికి ప్రత్యేక పూజలు చేశారు. అమ్మవారికి మొక్కను చెల్లించుకున్నారు. మొక్కు చెల్లించుకోవడం చాలా సంతోషంగా ఉందన్నారు.
HYD: సికింద్రాబాద్ ఉజ్జయిని మహాకాళి అమ్మవారి ఆలయంలో ఘటోత్సవాలు ఎదుర్కోలు కార్యక్రమంలో మంత్రి పొన్నం ప్రభాకర్ పాల్గొని అమ్మవారికి ప్రత్యేక పూజలు చేశారు. ఘటం ఎదుర్కోలు కోసం ఆభరణాలకు పూజలు చేసి నిర్వాహకులకు అందించారు. మంత్రి మాట్లాడుతూ.. ఈనెల 26 న గోల్కొండ బోనాలతో ఆషాఢ మాస బోనాలు ప్రారంభమయ్యాయన్నారు. జులై 1 న బల్కంపేట ఎల్లమ్మ కల్యాణం జరుగుతుందన్నారు.
