HYD: షార్ట్ సర్క్యూట్ కారణంగా ఓ ఇంట్లో మంటలు చెలరేగిన ఘటన బహదూర్ పురా పొలీసు స్టేషన్ పరిధిలోని కిషన్ బాగ్‌ కొండారెడ్డి గూడలో చోటుచేసుకుంది. ఘటన స్థాలానికి చేరుకున్న అగ్నిమాపక సిబ్బంది మంటలను అదుపులోకి తీసుకొచ్చారు. ఘటనకు సంబంధించి పూర్తి సమాచారం తెలియాల్సి ఉంది.
మేడ్చల్: బోనాలు, మొహర్రం పండుగలను ప్రశాంతంగా జరుపుకోవాలని ఏసీపీ శంకర్ రెడ్డి ప్రజలకు సూచించారు. పండుగలను సామరస్యపూర్వక వాతావరణంలో జరుపుకొని, సమాజంలో శాంతి భద్రతల పరిరక్షణలో తోడ్పాటున అందించాలని కోరారు. ఎవరైనా చెడగొట్టేలా వ్యవహరిస్తే కఠిన చర్యలు తప్పవని హే చ్చరించారు. హిందూ, ముస్లిం పండుగలను దృష్టిలో పెట్టుకొని, ప్రత్యేక భద్రత ఏర్పాట్లు చేస్తున్నామని తెలిపారు.
మేడ్చల్: పీర్జాదిగూడ మున్సిపల్ కార్పొరేషన్ పరిధిలో 1 వ వార్డులో రూ.80 లక్షలతో చేపట్టిన నాలా పనులకు మేడ్చల్ నియోజకవర్గ కాంగ్రెస్ ఇంఛార్జ్ తోటకూర వజ్రేష్ యాదవ్ శంకుస్థాపన చేశారు. ఆయన మాట్లాడుతూ.. కాంగ్రెస్ ప్రభుత్వంలోనే అభివృద్ధి జరుగుతుందని చెప్పారు. ఈ కార్యక్రమంలో పీర్జాదిగూడ కార్పొరేషన్ మాజీ మేయర్ అమర్ సింగ్, మాజీ డిప్యూటీ మేయర్ శివ గౌడ్, పాల్గొన్నారు.
మేడ్చల్: తెలంగాణ సంస్కృతి సాంప్రదాయాల్లో భాగమైన బోనాల పండుగ ఆదివారం మేడ్చల్ పట్టణంలో ఘనంగా ప్రారంభమైంది. ఆషాడ మాసంలో తెలంగాణలో బోనాల ఉత్సవం జరగడం ఆనవాయితీగా వస్తోంది. అందులో భాగంగా విష్ణుశౌర్య ఆధ్వర్యంలో బోనాల ఉత్సవాన్ని నిర్వహించారు. పట్టణంలోని సూర్యనగర్ నుంచి డప్పు చప్పుళ్ళు, నృత్యాలతో ఊరేగింపుగా బోనాలను తీసుకెళ్లి, ఏడుగుళ్ల వద్ద అమ్మవారికి సమర్పించారు. బోనాలతో పాటు ఒడి బియ్యాన్ని సమర్పించారు.
