TG: హైదరాబాద్‌లో బోనాల సందడి మొదలైంది. ఆషాఢంలో తొలి ఆదివారం కావడంతో మహిళలు బోనాలతో వచ్చి.. మొక్కులు చెల్లించుకోగా శివసత్తుల పూనకాలు, డప్పు చప్పుళ్లు, పోతురాజుల విన్యాసాలతో ఆ ప్రాంతమంతా మార్మోగింది. అమ్మవారిని దర్శించుకునేందుకు భక్తులు అధిక సంఖ్యలో తరలివస్తున్నారు.
HYD: తన తల్లి సూసైడ్‌కు కారణమైన పూర్ణచందర్‌ను చంపేయాలని యాంకర్ స్వేచ్ఛ కూతురు అన్నారు. చంపేముందు తన చెప్పుతో, తన తల్లి చెప్పుతో పూర్ణచందర్‌ను కొట్టాలని ఉందని తెలిపారు. తనతో చాలా అసభ్యంగా ప్రవర్తించేవాడని ఆవేదన వ్యక్తం చేశారు. తనకు, తన తల్లికి మధ్య మాటలు లేకుండా చేయడానికి ప్రయత్నం చేశాడని ఆరోపించారు. తాను ఎంతో మానసిక వేధన అనుభవించానని పేర్కొన్నారు.
HYD: డీఎస్సీ-2024 పరీక్షల్లో ఉత్తీర్ణులై 1:3 నిష్పత్తిలో తుది జాబితాలో ఉన్న అభ్యర్థులు ప్రథమ స్థానంలో తప్పుడు ధ్రువపత్రాలు సమర్పించినవారికి బదులు తమకు ఉపాధ్యాయ పోస్టులు కల్పించాలని విద్యాశాఖను కోరారు.హైదరాబాద్ జిల్లాలో ఎస్‌జీటీ పోస్టులకు ఎంపికైన 34 మంది అనర్హులని గుర్తించిన అధికారులు వారికి నియామక పత్రాలు ఇవ్వలేదు.కలెక్టర్ హరిచందనను ప్రజావాణిలో కలిసిన అభ్యర్థులు పోలీస్ విచారణ నివేదిక ఆధారంగా త్వరలో నిర్ణయం తీసుకుంటామని హామీఇచ్చారు.
HYD: తెలుగు యాంకర్ స్వేచ్ఛ సూసైడ్ కేసులో నిందితుడైన పూర్ణచందర్‌పై చిక్కడపల్లి పోలీసులు పోక్సో కేసు నమోదు చేశారు. గతంలో తమ ఇంటికి వచ్చినప్పుడు పూర్ణచందర్ తనతో అసభ్యంగా ప్రవర్తించాడంటూ స్వేచ్ఛ కూతురు ఇచ్చిన స్టేట్‌మెంట్ ఆధారంగా ఈమేరకు కేసు ఫైల్ చేశారు. అలాగే నమ్మించి మోసం చేయడం, ఆత్మహత్యకు ప్రేరేపించిన అంశాలపై 69 BNS, 108 BNS సెక్షన్ల కింద కేసు బుక్ చేశారు.
ఆషాడ మాసం తొలి ఆదివారం కావడంతో బల్కంపేట ఎల్లమ్మ, పోచమ్మలను పూలతో అలంకరించి అర్చకులు ప్రత్యేక పూజలు చేశారు. అమ్మవారి దర్శనానికి భక్తులు క్యూలైన్‌లో వేచి ఉన్నారు. ఉచిత దర్శనానికి 2గంటల సమయం పడుతున్నట్లు భక్తులు తెలిపారు. మరో 2 రోజులో ఎల్లమ్మ కళ్యాణం జరగనుంది.
