తెలుగు యాంకర్ స్వేచ్ఛ సూసైడ్ కేసులో ఆరోపణలు ఎదుర్కొంటున్న పూర్ణచందర్‌పై స్వేచ్ఛ తండ్రి సంచలన వ్యాఖ్యలు చేశారు. ‘‘పూర్ణచందర్ చాలా దుర్మార్గుడు, అమ్మాయిల పిచ్చోడు. ఎంతో మంది అమ్మాయిల జీవితాలతో ఆడుకున్నాడు. నా మనవరాలిని సైతం వేధించాడు. ఈ విషయాన్ని తన తల్లి స్వేచ్ఛతో కూడా నా మవవరాలు చెప్పుకోలేకపోయింది’’ అంటూ భావోద్వేగానికి లోనయ్యారు.
రంగారెడ్డి: షెడ్యూల్‌ కులాల, గిరిజన సంక్షేమ శా ఖ ఆధ్వర్యంలో బెస్ట్‌ అవైలబుల్‌ స్కూల్‌కు డ్రా పద్ధ తిన విద్యార్థులను ఎంపిక చేసినట్లు అదనపు కలెక్టర్‌ ఎం.సుధీర్‌ తెలిపారు. కలెక్టరేట్‌లోని సమావేశ మందిరంలో ఒకటి నుంచి ఐదో తరగతి విద్యార్థుల ఎంపిక కోసం డ్రా తీశారు. గిరిజన సంక్షేమ శాఖలో 3, 5, 8వ తరగతులకు 22 మందిని తల్లిదండ్రుల సమక్షంలో ఎంపిక చేయడం జరిగిందని తెలిపారు.
HYD: సికింద్రాబాద్‌ ఉజ్జయినీ మహంకాళి అమ్మవారి బోనాలు ప్రారంభం కానున్నాయి. అమ్మవారి బోనాల జాతరకు 15 రోజుల ముందు (ఘటోత్సవం) ఘటాల ఎదుర్కోలు నిర్వహించడం ఆనవాయితీ. ఘటాల ఎదుర్కోలుతోనే బోనాల ఉత్సవాలు ప్రారంభమైనట్లుగా భావిస్తారు. ఘటాలకు సంబంధించిన సామగ్రిని కర్బలా మైదానం ప్రాంతంలోని అమ్మవారి దేవాలయానికి తీసుకువెళ్లి ఘటాన్ని ముస్తాబు చేస్తారు. ఆదివారం సాయంత్రం 7 గంటలకు ముస్తాబైన ఘటాన్ని డప్పుల దరువులతో దేవాలయానికి తీసుకువస్తారు.
HYD: తెలంగాణ పాలిటెక్నిక్ ఫేజ్-1 కౌన్సెలింగ్ నేటితో ముగియనుంది. రామంతాపూర్‌లో జూన్ 24 నుంచి కౌన్సెలింగ్ బుకింగ్ ఉండి హాజరుకాలేని విద్యార్థులు ఈరోజు హాజరు కావచ్చని Sr. లెక్చరర్ అజయ్ తెలిపారు. ఏదైనా డాక్యుమెంట్ కోసం ఆగిపోయిన వారు ఒకసారి రామంతాపూర్ జవహర్లాల్ నెహ్రూ గవర్నమెంట్ పాలిటెక్నిక్ కాలేజీలో సంప్రదించాలని సూచించారు. పాలిటెక్నిక్ చేయాలనుకున్న విద్యార్థులు ఈ అవకాశాన్ని వినియోగించుకోవాలని కోరారు.
పశ్చిమ దిశనుంచి వీస్తున్న గాలుల ప్రభావంతో గ్రేటర్‌ హైదరాబాద్లో ఉష్ణోగ్రతలు అధికంగా నమోదవుతున్నాయి. ఈక్రమంలో శనివారం ఉదయం నుంచి రాత్రివరకు నగరంలో గరిష్ఠ ఉష్ణోగ్రతలు 34.6 డిగ్రీలు, కనిష్ఠ ఉష్ణోగ్రతలు 23.9 డిగ్రీలు, గాలిలో తేమ 44 శాతంగా నమోదైనట్లు హైదరాబాద్ వాతావరణ కేంద్రం అధికారులు తెలిపారు. రాగల 24గంటల్లో గ్రేటర్‌లోని పలుచోట్ల ఈదురు గాలులతో కూడిన తేలికపాటి నుంచి మోస్తరు వర్షాలు కురిసే అవకాశాలున్నట్లు వెల్లడించారు.
TG: హైదరాబాద్లో కూరగాయల ధరలు ఆకాశాన్ని తాకుతున్నాయి. రైతు బజార్లలోనూ వాటి నాణ్యతను బట్టి కిలో రూ.30 నుంచి రూ.50 వరకు విక్రయిస్తున్నారు. వర్షాభావ పరిస్థితులతో కూరగాయల లభ్యత తక్కువగా ఉందని, ఈ కారణంతోనే ధరలు పెరిగినట్లు వ్యవసాయ, మార్కెటింగ్‌ శాఖల అధికారులు విశ్లేషిస్తున్నారు. ఇదే పరిస్థితి మరి కొంతకాలం కొనసాగుతుందని అభిప్రాయపడ్డారు.
