రంగారెడ్డి: తెలంగాణ ఉద్యమంలో కళాకారులు ముందుండి పోరాటం చేశారని, వారికి తగిన గుర్తింపు ఇచ్చి ఆదుకోవాలని ప్రజానాట్యమండలి రాష్ట్ర ప్రధాన కార్యదర్శి పల్లె నర్సింహ, జిల్లా ఇన్‌చార్జి ముత్యాల యాదిరెడ్డి అన్నారు. కుంట్లూరు రావినారాయణరెడ్డి కాలనీలోని పార్టీకార్యాలయంలో జరిగిన ప్రజానాట్యమండలి జిల్లా సమావేశంలో వారు మాట్లాడారు. ప్రభుత్వం సమగ్ర సాంస్కృతిక విధానాన్ని ప్రకటించాలని, తదితర ప్రభుత్వ సంక్షేమ పథకాల్లో ప్రాధాన్యత ఇవ్వాలని కోరారు.
HYD: గతవారం రోజులుగా బంగారం ధరలు తగ్గుతూ వస్తున్నాయి. హైదరాబాద్‌లో ఇవాళ 24 క్యారెట్ల 10 గ్రాముల పసిడిపై రూ.600 తగ్గి రూ.97,420కు చేరింది. ఇక 22 క్యారెట్ల గోల్డ్ 10 గ్రాముల ధర రూ.550 తగ్గి రూ.89,300 పలుకుతోంది. అటు కేజీ వెండిపై రూ.100 తగ్గి రూ.1,17,800గా ఉంది. తెలుగు రాష్ట్రాల్లో దాదాపు ఇవే ధరలున్నాయి. వారం రోజుల్లో 24 క్యారెట్లు 10 గ్రాముల గోల్డ్‌పై రూ.3,330 తగ్గడం విశేషం.
నారాయణగూడ పోలీస్ స్టేషన్ పరిధిలో ఓ ముస్లిం వ్యక్తి హిందూ దేవతలను రాతి దేవుళ్లని అభివర్ణించారు. దీంతో సదరు వ్యక్తిని పోలీసులు అరెస్ట్ చేశారు. దీనిపై పోలీసులకు బీజేపీ ఎమ్మెల్యే రాజాసింగ్ ధన్యవాదాలు తెలిపారు. ఇలా ఎవరైనా హిందూ దేవుళ్లపై కామెంట్స్ చేస్తే.. వారిని అరెస్ట్ చేయాలని పోలీసులకు సూచించారు. అలాంటి వారికి స్పాట్ బెయిల్ రాకుండా శిక్షపడేలా చూడాలని కోరారు.
HYD: లష్కర్ బోనాలు అనగానే గుర్తొచ్చేది సికింద్రాబాద్‌ ఉజ్జయిని మహంకాళి దేవాలయం. ఈ ఆలయం లోపల ఆవహించిన వేపచెట్టు అమ్మవారితో పాటుగా పూజలు అందుకుంటోంది. మహావృక్షంగా ఎదిగే క్రమంలో గర్భగుడి మీదుగా పైఅంతస్తులోకి వెళ్లిన చెట్టు ఏకంగా గుడి మొత్తానికి నీడనిస్తోంది. ప్రకృతి నడుమ అమ్మవారు కొలువుదీరడం విశేషం.
HYD: అన్నపూర్ణ క్యాంటిన్ బదులు ఇందిరా క్యాంటిన్‌లుగా పేరు మార్చడాన్ని నిరసిస్తూ లిబర్టీలోని జీహెచ్ఎంసీ ప్రధాన కార్యాలయం ముందు భారసా కార్పొరేటర్ల ఆందోళన చేపట్టారు. భారీగా మోహరించిన పోలీసులు బీఆర్‌ఎస్ నాయకులు, కార్యకర్తలను కార్యాలయంలోకి అనుమతించకపోవడంతో గేటు వద్ద ఆందోళన నిర్వహించారు.
HYD: నగరంలో సామాన్యులు కరెంట్‌ బిల్లు కట్టడం ఒక్క రోజు ఆలస్యమైనా కనెక్షన్‌ కట్‌ చేసే విద్యుత్ అధికారులు రూ.కోట్లలో బకాయి పడ్డా వారి జోలికి వెళ్ల డం లేదు. ఏళ్ల తరబడి బిల్లులు చెల్లించని సంస్థలు అధికారులను ‘కడతాం’ అంటూ తిప్పి పంపుతున్నాయి. ఫలితంగా బకాయిలు రూ.529.22 కోట్లకు చేరాయి. ఈ నిర్లక్ష్యంపై స్థానికులు ఆగ్రహం వ్యక్తం చేస్తున్నారు.
HYD: ఉదయం 10.30 నుంచి మధ్యాహ్నం 1.30 గంటల వరకు ఖైతలాపూర్ నుంచి బ్యాంకు కాలనీకి వచ్చే పైవంతెన సమీప ఇన్విరాన్ ఇన్‌క్లివ్, ఎస్‌బీఐ కాలనీ, ఆర్ఆర్ఆర్ బార్ అండ్ రెస్టారెంట్, చందానాయక్ తాండాలోని కొంత భాగం వరకు విద్యుత్తు సరఫరాలో అంతరాయం ఉంటుందని అల్లాపూర్ సెక్షన్ ఏఈ ఓ ప్రకటనలో తెలిపారు.
