HYD: ప్రభుత్వ విద్యను విధ్వంసం చేసే విధానాలను ప్రతిఘటించాలని తెలంగాణ విద్యా పరిరక్షణ కమిటీ ప్రధాన కార్యదర్శి ప్రొ.జి.హరగోపాల్‌ పిలుపునిచ్చారు. తెలంగాణ విద్యా పరిరక్షణ కమిటీ ఆధ్వర్యంలో ఇందిరాపార్కు వద్ద ధర్నా నిర్వహించారు. ఈ సందర్భంగా ఆయన మాట్లాడారు. ‘బడ్జెట్‌లో కేంద్ర ప్రభుత్వం 10 శాతం, రాష్ట్ర సర్కారు 20 శాతం నిధులను విద్యకు కేటాయించాలి. విదేశీ విశ్వవిద్యాలయాలను అనుమతించొద్దు అన్నారు.
TG: తెలంగాణ రవాణాశాఖకు ఫ్యాన్సీ నంబర్ల ద్వారా భారీ ఆదాయం లభించింది. ఒక్క రోజే ఖైరతాబాద్‌ రవాణాశాఖకు రూ.42,10,844 ఆదాయం సమకూరింది. అత్యధికంగా TG09F 9999 నంబర్‌ను రూ.12,00,0000కి కీ స్టోన్ ఇన్ఫ్రా ప్రైవేట్ లిమిటెడ్ దక్కించుకుంది. TG09G 0001 నంబర్‌ను రూ.5,66,111కి ఎన్.స్పిరా మేనేజ్‌మెంట్ సర్వీసెస్, TG09G 0009 నంబర్‌ను రూ.5,25,000లకు శ్రీనివాస కన్‌స్ట్రక్షన్స్, TG09G 0006 నంబర్‌ను రూ.3,92,000లకు సాయి సిల్క్స్ కళామందిర్ లిమిటెడ్ కైవసం చేసుకుంది.
TG: హైదరాబాద్లోని సికింద్రాబాద్ ఎలివేటర్ కారిడార్కు గ్రీన్ సిగ్నల్ వచ్చింది. ఇందులో భాగంగా ఇవాళ డిఫెన్స్, రాష్ట్ర ప్రభుత్వం మధ్య ఒప్పందం జరగనుంది. ఒప్పందం ప్రకారం సికింద్రాబాద్ ప్యాట్నీ సెంటర్ నుంచి బోయిన్‌పల్లి వరకు కారిడార్ నిర్మాణం జరగనుంది. సికింద్రాబాద్ ఎలివేటర్ కారిడార్ కోసం డిఫెన్స్ ల్యాండ్స్‌ను అధికారులు కేటాయించారు.
HYD: ఔటర్ రింగ్ రోడ్డు నుంచి కొండాపూర్ వరకు నిర్మించిన PJR ఫ్లైఓవర్ను నేడు సీఎం రేవంత్‌రెడ్డి ప్రారంభించనున్నారు. ఈ ఫ్లైఓవర్ అందుబాటులోకి వస్తే గచ్చిబౌలి జంక్షన్ వద్ద ట్రాఫిక్ సమస్య నుంచి వాహనదారులకు ఊరట లభించనుంది. ORR నుంచి కొండాపూర్ వరకు 1.2 కి.మీ పొడవున్న ఈ అత్యాధునిక మల్టీ-లెవల్ ఫ్లైఓవర్ను రూ.182.72కోట్ల వ్యయంతో నిర్మించారు. ఇది 24 మీటర్ల వెడల్పుతో ఆరులేన్లతో ఉంటుంది.
