మేడ్చల్: కూకట్‌పల్లిలోని చిత్తారమ్మ దేవాలయం సుందరీకరణ పనులను కూకట్పల్లి ఎమ్మెల్యే మాధవరం కృష్ణారావు పరిశీలించారు. ఈ సందర్భంగా ఆయన మాట్లాడుతూ.. కూకట్‌పల్లిలోని పురాతన ఆలయాలను పునర్నిర్మించి అన్ని మౌలిక సదుపాయాలకు ఇబ్బంది లేకుండా చేస్తున్నామని తెలిపారు. దేవాలయాలు బాగుంటేనే ఊరు బాగుంటుందని, దైవభక్తి మనుషుల్లో మానవత్వాన్ని పెంచుతుందన్నారు.
HYD: లింగంపల్లి, కాకినాడ స్పెషల్ రైలులోని ప్రయాణికురాలి బ్యాగ్‌ను చోరీ చేసిన నిందితుడిని లింగంపల్లి రైల్వే స్టేషన్‌లో సాధారణ తనిఖీల్లో పట్టుకున్నారు. నిందితుడి నుంచి రూ.20లక్షల విలువైన 20తులాల బంగారం స్వాధీనం చేసుకున్నారు. నిందితుడు నల్గొండ జిల్లాకు చెందిన బల్ల సాగర్ అనిల్ కుమార్‌గా పోలీసులు గుర్తించారు.
మేడ్చల్: కూకట్పల్లి ఎమ్మెల్యే మాధవరం కృష్ణారావు ఫిరోజ్ గూడా ప్రభుత్వ పాఠశాలలో విద్యార్థులకు పాఠ్యపుస్తకాలు పంపిణీ చేశారు. ఈ సందర్భంగా ఆయన మాట్లాడుతూ.. విద్యార్థులు కష్టపడి చదివి ఉన్నత శిఖరాలు అధిరోహించాలని, తల్లిదండ్రులు వారి ఇష్టానుసారం చదివించి బంగారు భవిష్యత్తు తీర్చిదిద్దాలని సూచించారు. కార్యక్రమంలో నాయకుడు ప్రభాకర్, ఉపాధ్యాయులు, తదితరులు పాల్గొన్నారు.
HYD: పని చేస్తున్న సంస్థకే కన్నం వేయాలని చూసిన ఇద్దరు కేటుగాళ్లను దోమలగూడ పోలీసులు అరెస్ట్ చేశారు. నిన్న అర్ధరాత్రి మలక్‌పేట్‌కు చెందిన చిట్ ఫండ్ వ్యాపారి గోపాల్ తపరియా వారి సంస్థకు చెందిన డబ్బు దొంగతనానికి గురైందని పోలీసులకు ఫిర్యాదు చేయగా.. కలెక్షన్ ఏజెంట్ జితిన్ రాజ్ యాదవ్ కావాలనే బైక్ స్కిడ్ చేసుకొని, దొంగతం జరిగినట్లు నమ్మించే ప్రయత్నం చేసినట్లు తేలింది.
HYD: కోఠిలోని రాష్ట్ర వైద్య ఆరోగ్య శాఖ కార్యాలయం ముందు ఔట్‌సోర్సింగ్ నర్సులకు న్యాయమైన అవకాశాలు తొలగించిన నర్సులను తిరిగి విధుల్లోకి తీసుకోవాలని ఆమ్ ఆద్మీ పార్టీ ఆందోళన చేపట్టింది. కార్యాలయంలోకి ప్రవేశించేందుకు యత్నించిన పార్టీ నాయకులను పోలీసులు అడ్డుకోవడంతో తోపులాట, వాగ్వాదంతో ఉద్రిక్తత నెలకొంది. కరోనా సమయంలో ప్రాణాలకు తెగించి సేవలందించిన నర్సులను తొలగించడం దారుణమని కన్వీనర్ దిడ్డిసుధాకర్ డిమాండ్ చేశారు.
HYD: ఉప్పల్, తిరుమలగిరి ఆర్టీఏ ఆఫీసుల్లో ఏసీబీ అధికారులు సోదాలు చేస్తున్నారు. ఆర్టీఏ కార్యాలయాల్లో బ్రోకర్లు పెరిగిపోయారని ఆరోపణలు వచ్చాయి. ఈ క్రమంలోనే అధికారులు కార్యాలయాల్లో తనిఖీలు చేపట్టారు. దీనిపై మరిన్ని వివరాలు తెలియాల్సి ఉంది.
మేడ్చల్: జీడిమెట్ల గ్రామానికి చెందిన ఎర్రోళ్ల క్రాంతి కిరణ్ చిన్నతనం నుంచి విద్యాబుద్ధులు నేర్పిస్తే భవిష్యత్తులో ప్రయోజకులవుతారని అన్నారు. గురువారం కుత్బుల్లాపూర్ మండలం జీడిమెట్లలోని ప్రాథమిక జిల్లా పరిషత్ ఉన్నత పాఠశాలలు, అంగన్వాడి కేంద్రాల్లో 900 మంది విద్యార్థులకు భోజన ప్లేట్లు, అల్పాహారం పంపిణీ చేశారు. కార్యక్రమంలో ప్రధానోపాధ్యాయురాలు యూ.కళ్యాణి, బీఆర్ఎస్ నాయకుడు సిద్ధిరాములు, బీజేపీ నాయకుడు బర్మానరేష్, గ్రామయువకులు పాల్గొన్నారు.
