HYD: గోల్కొండ శ్రీజగదాంబిక అమ్మవారి బోనాలు వైభవంగా నిర్వహించేందుకు ప్రభుత్వం పెద్ద ఎత్తున ఏర్పాట్లు చేసింది. అమ్మవారికి బోనాల సమర్పణతో వేడుకలు ప్రారంభం కావడం ఆనవాయితీగా వస్తోంది. గురువారం మధ్యాహ్నం లంగర్‌హౌస్‌ చౌరస్తాలో ఫలహారం బండి, తొట్టెలకు స్పీకర్‌ గడ్డం ప్రసాద్, మంత్రులు, ఎమ్మెల్యేలు, డీజీపీ, దేవాదాయశాఖ అధికారులు ప్రత్యేక పూజలు చేస్తారు. ప్రభుత్వం తరఫున మంత్రులు అమ్మవారికి పట్టువస్త్రాలు సమర్పించి, కల్లుసాక పెడతారు.
HYD: రాపిడో యాప్ ఓపెన్ చేశాక మెట్రో టికెట్ ఆప్షన్‌పై క్లిక్ చేసి.. ఫ్రమ్, టు స్టేషన్స్‌ను ఎంటర్ చేయాలి. దాని కింద కూపన్ కోడ్ METROఅని క్యాపిటల్ లెటర్స్‌లో టైప్ చేసి అప్లై చేయాలి. వెంటనే మీ టికెట్ ధర జీరో అవుతుంది. మీ టికెట్ ధర రూ.35కంటే ఎక్కువ ఉన్నా అందులో నుంచి రూ.35మైనస్ అవుతుంది. మిగతా టికెట్ కాస్ట్ చెల్లించాల్సి ఉంటుంది.
HYD: మహారాష్ట్రలోని పుణెలో మెట్రోరైలు విస్తరణ ప్రాజెక్టుకు ఆమోదం తెలిపిన కేంద్ర మంత్రివర్గం… హైదరాబాద్‌ మెట్రోరైలు రెండోదశ విస్తరణ ప్రతిపాదనలను విస్మరించింది. హైదరాబాద్‌ మెట్రో రెండోదశ ‘A’ భాగానికి సంబంధించిన సమగ్ర ప్రాజెక్టు నివేదిక(DPR)ను కేంద్రానికి సమర్పించి 8నెలలు కావొస్తున్నా స్పందన కరవైంది. కేంద్ర మంత్రివర్గ సమావేశంలో హైదరాబాద్‌ మెట్రో రైలు అంశమే చర్చకు రాకపోవడంపై రాష్ట్ర ప్రభుత్వం అసంతృప్తి వ్యక్తం చేసింది.
HYD: రోడ్డు భద్రతపై బేగంపేట్ మహిళా కళాశాల, ఐక్యూఏసీ ఆంగ్ల శాఖలు అవగాహణ కార్యక్రమం నిర్వహించారు. ప్రిన్సిపాల్ ఆచార్య కే.పద్మావతి అధ్యక్షతన జరిగిన కార్యక్రమంలో విశ్రాంత ఐఏఎస్ అధికారి బీ.జనార్దన్‌రెడ్డి పాల్గొని మాట్లాడుతూ.. డా.గురువారెడ్డి సర్వేజన సంస్థతో కలసి చేస్తున్న పనులను అభినందించారు. ట్రాఫిక్ నిబంధనలు మన భద్రత కోసమేనని వాటిని కచ్చితంగా పాటించడం ద్వారా సుఖ జీవనం గడుపుతామని విద్యార్థులకు సూచించారు.
TG: బోనాల ఉత్సవాలు ప్రారంభం సందర్బంగా సీఎం రేవంత్ రెడ్డి రాష్ట్ర ప్రజలకు శుభాకాంక్షలు తెలిపారు. చారిత్రాత్మక గోల్కొండలో వెలసిన జగదాంబిక ఎల్లమ్మ తల్లికి ఆషాడ మాసం తొలి బోనం సమర్పించడంతో జంటనగరాల్లో బోనాల సందడి నెలకొంటుందన్నారు. అమ్మవారి ఆశీస్సులతో ప్రజలందరు సుఖశాంతులతో, ఆయురోగ్యాలతో జీవించాలని రాష్ట్రంలో వర్షాలు సమృద్ధిగా కురిసి పంటలు బాగా పండేలా తల్లి దీవెనలు ఉండాలని సీఎం ఆకాంక్షించారు.
