మేడ్చల్: కీసర మండల పరిధిలోని కీసర ప్రభుత్వ హాస్పిటల్‌లో ఉంటున్న 108 వాహనాన్ని జిల్లా నూతన ప్రొగ్రాం మానేజర్ భూమా నాగేందర్ ఆకస్మిక తనిఖీ చేశారు. హాస్పిటల్ ఆవరణలో ఉన్న 108 వాహన సిబ్బంది పనితీరును పరిశీలించారు. అత్యవసర సమయంలో రోగులకు వైద్య పరీక్షలు నిర్వహించే పరికరాలు, వాటి పనితీరును 108 సిబ్బందిని అడిగి తెలుసుకున్నారు. అత్యవసర మందుల స్టాక్ రికార్డును పరిశీలించారు.
HYD: ఎమర్జెన్సీలో ఇందిరా గాంధీ ప్రభుత్వ నియంతృత్వ పోకడలను, రాక్షస పాలనను ఆర్‌ఎస్‌ఎస్ అనుబంధ సంస్థలు సమర్థవంతంగా ఎదుర్కొన్నాయని సికింద్రాబాద్ మహంకాళి జిల్లా బీజేపీ అధ్యక్షుడు భరత్ కుమార్ గౌడ్ తెలిపారు. ఎమర్జెన్సీకి అర్థశాస్త్రం సందర్భంగా నాడు జైలుశిక్షను అనుభవించిన బీజేపీ మాజీ నగర అధ్యక్షుడు వెంకటరమణిని ఆయన ఆధ్వర్యంలో బీజేపీ నేతలు బౌద్దనగర్‌లోని నివాసంలో మర్యాద పూర్వకంగా కలసి సన్మానం చేశారు.
రంగారెడ్డి : కూలీ పనులకు వెళ్తున్న మహిళపై మద్యం మత్తులో నలుగురు వ్యక్తులు అత్యాచారం చేసి, మెడలోని రెండు తులాల బంగారాన్ని చోరీ చేసిన ఘటన మీర్‌పేట్ పీఎస్ పరిధిలో చోటుచేసుకుంది. లెనిన్ నగర్ ప్రభుత్వ పాఠశాల వద్ద అర్ధరాత్రి 4 గంటల సమయంలో ఈ ఘటన జరిగిన్నట్టు బాధిత మహిళా తెలిపారు. దీంతో పీఎస్‌లో ఫిర్యాదు చేయగా పోలీసులు కేసునమోదు చేసి దర్యాప్తు చేపట్టారు.
HYD: వాసవి సేవా సమితి తృతీయ వార్షికోత్సవం సందర్భంగా 5వ వార్డు, వాసవీ కాలనీలో ఏర్పాటు చేసిన కార్యక్రమంలో ఎమ్మెల్యే శ్రీగణేష్, రాష్ట్ర ఆర్యవైశ్య కార్పోరేషన్ ఛైర్‌పర్సన్ కల్వసుజాత అన్నదాన కార్యక్రమాన్ని ప్రారంభించారు. వాసవి సేవా సమితి చేస్తున్న సేవా కార్యక్రమాలను ఎమ్మెల్యే అభినందించారు. వైశ్యులంటే కేవలం వ్యాపారాలలోనే కాదు సేవా కార్యక్రమాలలో కూడా ముందు ఉంటారని ప్రశంసించారు.
HYD: పాతబస్తీ రమ్నస్త్ పురాలోని జుగ్నూ ఫంక్షన్ హాల్ ఎదురుగా ఉన్న ఓల్ద్ మోటర్ పార్ట్స్, సైడ్ లైట్, బంపర్స్ గొడౌన్‌లో అగ్నిప్రమాదం సంభవించింది. సకాలంలో అగ్నిమాపక సిబ్బంది స్పందించడతో ప్రాణ నష్టం జరగలేదు. నివాస స్థలాల్లో ఇక్కడ ఇలాంటి గొడౌన్‌లు ఉన్నాయని, వాటిపై చర్యలు తీసుకోవాలని స్థానికులు కోరుతున్నారు. బస్తీల్లో ఇలాంటి గొడౌన్లను తొలగించాలని స్థానికులు కోరారు.
