HYD: గొప్పదేశ భక్తుడు శ్యామ ప్రసాద్ ముఖర్జీ ఆశయాల సాధన కోసం కలసి కట్టుగా పని చేద్దామని బీజేపీ శ్రేణులకు బీజేపీ రాష్ట్ర కార్యవర్గ సభ్యుడు రవి ప్రసాద్ గౌడ్ పిలుపునిచ్చారు. భారతీయ జనసంఘ్ వ్యవస్థాపకులు శ్యామ ప్రసాద్ ముఖర్జీ వర్ధంతి(బలిదాన్ దివస్) సందర్భంగా బౌద్ధనగర్ డివిజన్‌లో ఆయన చిత్రపటానికి బీజేపీ నాయకులు నివాళి అర్పించారు. ఈ కార్యక్రమంలో బీజేపీ నాయకులు పాల్గొన్నారు.
మేడ్చల్: కూకట్‌పల్లిలో కారు బీభత్సం సృష్టించింది. ఈ ఘటనలో ఓ మహిళ మృతి చెందింది. కుటుంబ సభ్యులతో నిల్చున్న కృతికపైకి కారు దూసుకు రాగా తీవ్ర గాయలయ్యాయి. దీంతో ఆస్పత్రికి తరలించగా అప్పటికే మృతి చెందినట్లు వైద్యులు తెలిపారు. ఘటనలో కృతిక కుమారుడు, భర్తకు గాయాలయ్యాయి. ఘటనకు సంబంధించి పూర్తి వివరాలు తెలియాల్సి ఉంది.
ఫోన్ ట్యాపింగ్‌పై CBI విచారణ
HYD: స్టేట్ బ్యాంక్‌ ఆఫ్ ఇండియా (ఎస్‌బీఐ) ఆవిర్భవించి 70 వసంతాలు పూర్తి చేసుకున్న సందర్భంగా సికింద్రాబాద్ జోనల్ అడ్మినిస్ట్రేటివ్ కార్యాలయంలో సోమవారం ఎస్‌బీఐ ఆధ్వర్యంలో రక్తదాన శిబిరాన్ని ఏర్పాటు చేశారు. ఈ కార్యక్రమాన్ని డీజీఎం భువనేశ్వరి ముఖ్యఅతిథిగా హాజరై ప్రారంభించారు. ఆమె మాట్లాడుతూ.. ప్రతి ఒక్కరూ ముందుకు వచ్చి రక్తదానం చేయడం వల్ల అత్యవసర సమయంలో వారి ప్రాణాలు కాపాడగలిగిన వారమవుతామని చెప్పారు.
HYD: తక్కువ ధరకు బంగారం పేరుతో మోసగిస్తున్న నిందితుడిని అఫ్జల్‌గంజ్‌ పోలీసులు అరెస్టు చేశారు. అంతర్రాష్ట్ర ముఠాకు చెందిన వ్యక్తిగా గుర్తించారు. తక్కువధరకు బంగారం విక్రయిస్తామంటూ ముగ్గురు ముఠాసభ్యులు అమాయకులకు టోకరా వేశారు. బాధితుల వద్ద రూ.40లక్షలు తీసుకొని పరారయ్యారు. నిందితుడు జయకుమార్‌ను అరెస్టు చేసి.. అతడి వద్ద నుంచి రూ.40లక్షలు స్వాధీనం చేసుకున్నారు. మిగతా నిందితులు ఉదయ్‌, సందీప్‌ కోసం గాలిస్తున్నారు.
మేడ్చల్: బోడుప్పల్ మున్సిపల్ కార్పొరేషన్ పరిధిలోని చెంగిచర్ల గాంధీ నగర్‌లో నీటి సరఫరా లేక కాలనీవాసులు ఆందోళన వ్యక్తం చేశారు. గత సంవత్సరం నుంచి ఐదు రోజులకు ఒకసారి కేవలం ఒక డ్రమ్ము నీరు వస్తోందని మహిళలు ఆవేదన వ్యక్తం చేశారు. నీటి సమస్య పరిష్కరించాలని డిమాండ్ చేస్తూ.. HMWS వాటర్ బోర్డు కార్యాలయంలో బైఠాయించి నిరసన తెలిపారు.
