TG: హైదరాబాద్‌లోని బసవతారకం క్యాన్సర్‌ ఆసుపత్రిలో సిల్వర్‌ జూబ్లీ వేడుకలు నిర్వహించారు. ఈ సందర్భంగా ఆసుపత్రి ఛైర్మన్ బాలకృష్ణ పైలాన్‌ను ఆవిష్కరించారు. తన తల్లి బసవతారకం కోరిక మేరకు ఈ క్యాన్సర్‌ ఆసుపత్రి నిర్మాణం జరిగిందని ఆయన తెలిపారు. క్యాన్సర్‌ పేషెంట్స్‌కు అండగా ఉండడం కోసం ఎంతో మంది దాతలు ఆసుపత్రికి సహాయ సహకారాలు అందించారని పేర్కొన్నారు.
దేశంలో బంగారం ధరలు తగ్గాయి. శనివారం 10 గ్రాముల బంగారం ధర రూ.1,02,980 ఉండగా.. ఆదివారం నాటికి రూ.882 తగ్గి రూ.1,02,098కు చేరుకుంది. హైదరాబాద్లో 10 గ్రాముల బంగారం ధర రూ.1,02,098గా ఉంది. విజయవాడలో 10 గ్రాముల పసిడి ధర రూ.1,02,098గా ఉంది. కిలో వెండి ధర రూ.1,09,815గా ఉంది. ఇక శనివారం కిలో వెండి ధర రూ.1,09,815 ఉండగా, ఆదివారం కూడా రూ.1,09,815గానే ఉంది.
HYD: తెలుగు రాష్ట్రాల్లో ఇవాళ చికెన్ ధరలు గత వారంతో పోలిస్తే స్వల్పంగా తగ్గాయి. కిలోపై రూ.20-30 వరకు తగ్గినట్లు తెలుస్తోంది. ఇవాళ హైదరాబాద్‌లోని పలు ప్రాంతాల్లో కేజీ చికెన్ రూ.210 వరకు విక్రయిస్తున్నారు. విజయవాడలో రూ.200, రాజమండ్రిలో రూ.220 ధరకు అమ్ముతున్నారు. డిమాండ్‌ను బట్టి పలు ప్రాంతాల్లో రూ.260 వరకూ విక్రయిస్తున్నారు.
HYD: శంషాబాద్ ఎయిర్‌పోర్టులో బ్రిటిష్ ఎయిర్ సర్వీస్ విమానం రెండు గంటలుగా నిలిచిపోయింది. ఆ విమానం హైదరాబాద్ నుంచి మిడిల్ ఈస్ట్ గగనతలం మీదుగా లండన్ వెళ్లాల్సి ఉంది. అయితే ఇరాన్‌పై అమెరికా దాడులు చేసిన నేపథ్యంలో అధికారులు ఆ విమానానికి ఇంకా అనుమతి ఇవ్వలేదు. ప్రయాణికులు మాత్రం విమానంలో కూర్చుని ఉన్నారు.
TG: హైదరాబాద్‌లోని రద్దీగా ఉండే మోజమ్ జాహీ మార్కెట్‌లో అగ్ని ప్రమాదం జరిగింది. ఒక షెడ్డులో ఒక్కసారిగా మంటలు చెలరేగడంతో స్థానికులు భయాందోళనకు గురయ్యారు. సమాచారం అందుకున్న అగ్నిమాపక సిబ్బంది వెంటనే సంఘటనా స్థలానికి చేరుకుని మంటలను అదుపు చేసేందుకు ప్రయత్నిస్తోంది. ప్రమాదానికి గల కారణాలు ఇంకా తెలియాల్సి ఉంది.
మేడ్చల్: ఇస్కాన్ ఆధ్వర్యంలో ఈనెల 27న కుత్బుల్లాపూర్‌లో జగన్నాధ రథయాత్ర నిర్వహిస్తున్నట్లు ఆలయ కమిటీ సభ్యులు తెలిపారు. ఈ రథయాత్రలో జగన్నాథుడు, బలభద్రుడు, సుభద్రల విగ్రహాలను రథాలపై ఊరేగిస్తారు. ఈ రథయాత్రకు భక్తులు పెద్ద సంఖ్యలో పాల్గొన్నాలని కమిటీ సభ్యులు తెలిపారు.
TG: హైదరాబాద్లో నిన్న రాత్రి కొంతమంది యువకులు వీరంగం సృష్టించారు. హైటెక్ సిటీలో కొందరు లగ్జరీ కార్లతో హల్‌చల్ చేశారు. అతివేగంతో డ్రైవింగ్ చేస్తూ, ప్రమాదకర విన్యాసాలు చేశారు. ఈ క్రమంలో ఒక కారు అదుపుతప్పి రెండు పార్కింగ్ కార్లను ఢీకొట్టింది. సమాచారం తెలుసుకున్న పోలీసులు.. ఘటనాస్థలికి చేరుకున్నారు. ఆపై కేసు నమోదు చేసుకొని దర్యాప్తు చేస్తున్నారు.