HYD: వండుకుని తినగా మిగిలిన ఆహార వ్యర్థాలనే గ్యాస్‌గా మార్చి వంట చేస్తున్నారు. ఆహార వ్యర్థాలతో బయోగ్యాస్‌ ఉత్పత్తి చేసి ఏకంగా 400 మందికి సరిపడా ఆహారాన్ని వండుతున్నారు. ఈ వినూత్న పద్ధతిని ఉస్మానియా యూనివర్సిటీలోని మహిళల హాస్టల్‌లో వినియోగిస్తున్నారు. మహిళల మెస్‌లో వంట చేయడానికి ఆరు నెలలుగా ఆహార వ్యర్థాలతో తయారు చేసిన బయోగ్యాస్‌నే వాడుతున్నారు.
HYD: సోమాజిగూడలో శివశివానీ విద్యాసంస్థలు ఏర్పాటు చేసిన డిగ్రీ కళాశాలను ఏపీ ఎంపీ నిరంజన్ రెడ్డి, మహబూబ్‌నగర్ ఎమ్మెల్యే శ్రీనివాసరెడ్డి ప్రారంభించారు. ఈ కార్యక్రమంలో విద్యాసంస్థల అధ్యక్షురాలు ఆరతి, కళాశాల ప్రిన్సిపల్ సారికారాజ్ పాల్గొన్నారు.
HYD: ప్రేమ పేరుతో జిమ్‌ ట్రైనర్‌ తనను లోబర్చుకుని మోసం చేశాడని ఓ జూనియర్ ఆర్టిస్ట్‌ పోలీసులను ఆశ్రయించింది. ఈఘటన హైదరాబాద్ జూబ్లీహిల్స్‌లో చోటుచేసుకుంది. పోలీసుల వివరాల ప్రకారం జిమ్‌ట్రైనర్‌ మహేష్‌ ఓ జూనియర్ ఆర్టిస్ట్‌ను పెళ్లి చేసుకుంటానని నమ్మించి లోబర్చుకున్నాడు. ఆమెవద్ద నుంచి రూ.15 లక్షలు తీసుకుని మొహం చాటేశాడు. బాధితురాలి ఫిర్యాదుతో కేసునమోదు చేసి నిందితుడు మహేష్‌ను ఆరెస్ట్‌ చేశారు.
HYD: సికింద్రాబాద్‌ బొల్లారం పోలీస్ స్టేషన్ పరిధిలోని రిసాలా బజార్‌లో ఆర్ఎంపీ డాక్టర్ నిర్లక్ష్యంతో యువకుడు విగ్నేష్ (32) మృతి చెందాడు. రాత్రి తిన్న బిర్యాని జీర్ణం కాకపోవడంతో ఆర్ఎంపీ డాక్టర్‌ను ఆశ్రయించిన విగ్నేష్‌కు ఇంజెక్షన్ ఇవ్వగా, అక్కడికక్కడే కుప్పకూలి మరణించాడు. దీంతో ఆగ్రహించిన స్థానికులు ఆర్ఎంపీ క్లినిక్‌పై దాడి చేశారు. పోలీసులు కేసు నమోదు చేసి దర్యాప్తు చేపట్టారు.
HYD: నగరంలో అధునాతన హంగులతో రైల్వేస్టేషన్ల ఆధునికీకరణ జరుగుతున్నా రైల్వే క్రాసింగ్‌ల వద్ద వాహనదారులకు పడిగాపులు తప్పడం లేదు. గేటు పడిందంటే సహనానికి పరీక్షే. ప్రతిపాదనలు సిద్ధం చేసినా నిధుల మంజూరు, భూసేకరణలో స్థానికుల నుంచి వ్యతిరేకత, కోర్టు వివాదాలతో పనులు ముందుకు సాగడం లేదు. సుమారు 18 ప్రాంతాల్లో ఆర్‌యూబీలు, ఆర్‌వోబీలు నిర్మించాలి.
HYD: అంబర్‌పేట ఫ్లై ఓవర్‌ పక్కా ప్రణాళిక లేకుండా ఏర్పాటు చేశారని నగరవాసులు ఆరోపిస్తున్నారు. కనీసం సర్వీసు రోడ్లు వేయకుండానే ప్లై ఓవర్‌ను ప్రాంభించారని వాపోయారు. ట్రాఫిక్‌ తగ్గించే చర్యల్లో భాగంగా ఈ ప్లై ఓవర్‌ను అందుబాటులోకి తీసుకువచ్చారు. ఈ క్రమంలో అంబర్‌పేట చే నంబరు చౌరస్తా నుంచి గోల్నాక వెళ్లే సర్వీసు రోడ్డు అందుబాటులోకి రాకపోవడంతో స్థానికులు తీవ్ర అవస్థలు పడుతున్నామన్నారు.
