Locations: Hyderabad

మేడ్చల్: కూకట్‌పల్లి నియోజకవర్గంలోని కేపీహెచ్‌బీ డివిజన్ సీనియర్ నాయకులు సాయిబాబా చౌదరి జన్మదిన వేడుకలు ఘనంగా నిర్వహించారు. ఈ నేపథ్యంలో కూకట్‌పల్లి ఎమ్మెల్యే మాధవరం కృష్ణారావు ఆయనకు శాలువాతో సన్మానించి, కేక్ కట్ తినిపించి శుభాకాంక్షలు తెలిపారు.

మేడ్చల్: ఘట్కేసర్ మున్సిపాలిటీ పరిధిలోని అవుషాపూర్‌కు చెందిన శ్రీనుకు మంజూరైన సీఎం రిలీఫ్ ఫండ్ చెక్కును తెలంగాణ రాష్ట కాంగ్రెస్ పార్టీ ఉపాధ్యాక్షులు, మేడ్చల్ నియోజకవర్గం ఇంఛార్జ్ తోటకూర వజ్రేష్ యాదవ్ అందజేశారు. ఈ కార్యక్రమంలో అవుషాపూర్ కాంగ్రెస్ అధ్యక్షుడు షేక్ సల్మాన్ ఖాన్, ఘట్‌కేసర్ మండల్ ఉపాధ్యాక్షులు వెంకట్ రెడ్డి,  బిట్టా భాస్కర్ పాల్గొన్నారు.

మేడ్చల్: ఎల్లంపేట్ మున్సిపాలిటీ రావల్ కోల్ గ్రామంలో ప్రధాని నరేంద్ర మోడీ కేంద్రంలో 11 సంవత్సరాలు పూర్తి చేసుకున్న సందర్భంగా సుపరిపాలన వారోత్సవంలో భాగంగా ఎల్లంపేట్ మున్సిపాలిటీ బీజేపీ అధ్యక్షులు ఎక్కల్ దేవి శ్రీశైలం యాదవ్ ఆధ్వర్యంలో మండల సంకల్ప సభ కార్యక్రమం ఏర్పాటు చేశారు. కార్యక్రమంలో జిల్లా ఉపాధ్యక్షులు జగన్ గౌడ్, మహిళా మోర్చా అధ్యక్షురాలు పుష్ప మల్లారెడ్డి, సత్యనారాయణ, రవీందర్, పాల్గొన్నారు.

మేడ్చల్: ఘట్కేసర్ మున్సిపాలిటీ పరిధిలోని కొండాపూర్ రైల్వే వంతెన నిర్మాణానికి రూ.1.70కోట్లు నిధులను సీఎం రేవంత్ రెడ్డి విడుదల చేశారు. ఈ సందర్భంగా సీఎంకు, మంత్రి శ్రీధర్ బాబు, మేడ్చల్ ఇంఛార్జ్ వజ్రేష్ యాదవ్, మాజీ ఎమ్మెల్యే సుధీర్ రెడ్డికి, మాజీ ఛైర్‌పర్సన్ ముల్లిపావని ధన్యవాదాలు తెలిపారు. పార్టీలకతీతంగా సహకరిస్తే వంతెన నిర్మాణం త్వరగా పూర్తవుతుందని, ప్రజల సమస్యలను కలిసి పరిష్కరించాలని పిలుపునిచ్చారు.

మేడ్చల్: పీర్జాదిగూడ మున్సిపల్ కార్పొరేషన్ 19వ డివిజన్‌లో డ్రైనేజీ పనుల ప్రారంభించిన మున్సిపల్ అధికారులకు కాంగ్రెస్ పార్టీ మున్సిపల్ అధ్యక్షులు నాయకులు తుంగతుర్తి రవి కృతజ్ఞతలు తెలిపారు. డివిజన్ నంబర్ 19లో ప్రారంభమైన డ్రైనేజీ పనులను పర్యవేక్షించారు. అనంతరం పనులను మొదలు పెట్టిన మున్సిపల్ కమిషనర్ త్రిలేశ్వర్‌, సంబంధిత అధికారులు, మున్సిపల్ సిబ్బందికి కృతజ్ఞతలు తెలియజేశారు.

మేడ్చల్: శామీర్‌పేట్ మండల కేంద్రంలోని హజరత్ సయ్యద్ జలాల్ ఉద్దీన్ ముల్తాని రెహ దర్గా ఉర్సు ఉత్సవ కార్యక్రమంలో మాజీ మంత్రి, మేడ్చల్ ఎమ్మెల్యే మల్లారెడ్డి పాల్గొని ప్రత్యేక ప్రార్థనలు చేశారు. మల్లారెడ్డికి ముస్లిం మత పెద్దలు, బీఆర్ఎస్ పార్టీ నాయకులు స్వాగతం పలికారు. ఈ కార్యక్రమంలో మండల పార్టీ అధ్యక్షులు మోహన్‌రెడ్డి, శామీర్‌పేట్ సొసైటీ వైస్ ఛైర్మన్ ఐలయ్య యాదవ్ పాల్గొన్నారు.