HYD: మరమ్మతుల కారణంగా గ్రీన్‌ ల్యాండ్స్‌ ADE పరిధిలోని పలుప్రాంతాల్లో శుక్రవారం విద్యుత్‌సరఫరాలో అంతరాయం కలుగుతోందని ఏడీఈ చరణ్‌సింగ్ తెలిపారు. ఉ.9నుంచి మ. 12గంటల వరకు మున్సిపల్‌ పార్క్, హిందూ ఫీడర్ల పరిధిలోని ప్రాంతాల్లో విద్యుత్ సరఫరాకు అంతరాయం ఉంటుందన్నారు. మ. 2నుంచి సా 5గంటల వరకు 11కేవీ జెక్‌ కాలని, గ్రిన్‌ ల్యాండ్స్‌ ప్రాంతాల్లో విద్యుత్ సరఫరా ఉండదని పేర్కొన్నారు.
హైదరాబాద్లో గత రాత్రి భారీ వర్షం కురిసింది. 2 గంటల పాటు కురిసిన భారీ వర్షానికి రోడ్లు అన్ని జలమయం అయ్యాయి. పలుచోట్ల వాహనాలు వరదల్లో చిక్కుకున్నాయి. అత్యధికంగా ముషీరాబాద్‌లో 41.8 మిల్లీ మీటర్ల వర్షపాతం నమోదైంది. హిమాయత్‌నగర్‌లో 36.5, ఓయూలో 33.8, హయత్‌నగర్‌ 32.8, ఉప్పల్ 30.5, సరూర్‌నగర్‌, నాంపల్లి 24.3, ఖైరతాబాద్‌ 23.8, మల్కాజిగిరిలో 21.8 మి.మీట్లర్ల వర్షం కురిసింది. వర్ష సూచనల పట్ల ప్రజలు అప్రమత్తంగా ఉండాలని అధికారులు సూచిస్తున్నారు.
హైదరాబాద్ నగరంలోని వివిధ ప్రాంతాల్లో గురువారం రాత్రి భారీ వర్షం కురిసింది. ఉరుములు, మెరుపులతో కూడిన భారీ వర్షం పడటంతో లోతట్టు ప్రాంతాలు జలమయ్యాయి. హయత్‌నగర్‌, ఉప్పల్, కోఠి, తార్నాక, సికింద్రాబాద్ బంజారాహిల్స్‌, అమీర్‌పేట, సనత్‌ నగర్ తదితర ప్రాంతాల్లో కురిసిన వర్షానికి పలు చోట్ల ట్రాఫిక్‌ జామ్‌ అయింది. రహదారులపై భారీగా వరదనీరు నిలిచిపోవడంతో వాహనదారులు ఇబ్బంది పడ్డారు.
TG: GHMC పరిధిలో రాబోయే రెండు గంటల్లో భారీ వర్షం పడే అవకాశం ఉండడంతో నగరవాసులు అప్రమత్తంగా ఉండాలని మేయర్ గద్వాల విజయలక్ష్మి కోరారు. ఇబ్బందికర పరిస్థితులు వస్తే జీహెచ్ఎంసీ కంట్రోల్ రూమ్ నెంబర్ 040- 21111111కి కాల్ చేయాలని ఆమె సూచించారు. ఇప్పటికే నగరంలోని పలు ప్రాంతాల్లో భారీ వర్షం కురుస్తోంది.
TG: హైదరాబాద్లో భారీ వర్షం కురుస్తోంది. నగరంలోని పలు ప్రాంతాల్లో ఉరుములు మెరుపులతో కూడిన వర్షం పడుతుంది. ఘట్‌కేస‌ర్‌, పోచారం, మేడిపల్లి, ఉప్పల్, బోడుప్పల్, నాచారం, మౌలాలీ, ఎల్బీన‌గ‌ర్‌, దిల్‌సుఖ్ నగర్ ప్రాంతాల్లో భారీ వర్షం కురుస్తోంది. కాసేప‌ట్లో రాష్ట్రంలోని పలు జిల్లాల్లో వర్షం పడే అవకాశం ఉంద‌ని హైదరాబాద్ వాతావ‌ర‌ణ కేంద్రం తెలిపింది.
