నటి కల్పికపై కేసు నమోదైంది. ఇటీవల పిజ్రం పబ్బుకు వెళ్లిన ఆమె.. అక్కడ హల్‌చల్ చేశారు. పబ్బులోని ప్లేట్లను విసిరివేయడం, సిబ్బందిని బాడీ షేమింగ్ చేయడం వంటివి చేశారు. దీంతో పబ్బు యాజమాన్యం ఆమెపై గచ్చిబౌలి పోలీస్ స్టేషన్‌లో ఫిర్యాదు చేశారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.
TG: హైదరాబాద్‌లో నిన్న రాత్రి కురిసిన భారీ వర్షానికి రోడ్లు జలమయం అయ్యాయి. శేరిలింగంపల్లి, మియాపూర్‌, చందానగర్, కూకట్‌పల్లి తదితర ప్రాంతాల్లో రహదారులు
నదులను తలపించాయి. భారీగా వరద నీరు చేరడంతో ఉదయాన్నే వాహనాదారులు ప్రయాణానికి ఇబ్బందులు పడ్డారు. పలుచోట్ల భారీగా ట్రాఫిక్‌ స్తంభించింది.
మేడ్చల్: భూ సమస్యలు ఉన్న ప్రతి ఒక్కరూ భూ భారతి చట్టం అవగాహన సదస్సులో పాల్గొని వెంటనే పరిష్కరించుకోవాలని ఘట్కేసర్ తహసీల్దార్ డీఎస్ రజినీ తెలిపారు. ఘట్కేసర్ మండల పరిధి మర్రిపల్లిగూడలో జరిగిన భూభారతి చట్టంపై అవగాహన సదస్సులో ఆమె పాల్గొని దరఖాస్తులు స్వీకరించారు. కార్యక్రమంలో మున్సిపల్ మాజీ ఛైర్‌పర్సన్ పావని జంగయ్య యాదవ్, మాజీ కౌన్సిలర్ కడపొల్ల మల్లేష్, తదితరులు పాల్గొన్నారు.
ప్రపంచ జూనియర్‌ స్నూకర్‌ ఛాంపియన్‌షిప్‌లో తెలంగాణ కుర్రాడు శ్రీకాంత్‌ బరిలో దిగనున్నాడు. ఈనెల 19 నుంచి 24 వరకు బహ్రెయిన్‌లో ఈ టోర్నీ జరగనుంది. ఇటీవల బెంగళూరులో జరిగిన జాతీయ స్నూకర్‌ టోర్నీలో సత్తాచాటిన 18 ఏళ్ల శ్రీకాంత్‌కు భారత జట్టులో చోటు లభించింది. హైదరాబాద్ ఖాజాగూడలోని తెలంగాణ క్యూ స్పోర్ట్స్‌ సంఘం వాచ్‌మన్‌ మురళి, కార్యాలయంలో శుభ్రత పనులు చేసే ఎల్లమ్మ దంపతుల కుమారుడే శ్రీకాంత్‌.
HYD: చందానగర్ సెక్షన్ పరిధిలో మరమ్మతుల కారణంగా గురువారం ఉదయం 8 గంటల నుంచి మధ్యాహ్నం 12 వరకు ఏపీ ఎన్జీవో కాలనీ, వైశాలినగర్, శారదానగర్ కాలనీల్లో విద్యుత్ సరఫరా ఉండదని అధికారులు తెలిపారు. మధ్యాహ్నం 2 నుంచి సాయంత్రం 5 గంటల వరకు మదీనాగూడ మెయిన్ రోడ్డు, ప్రణం హాస్పిటల్ ఏరియా, కృష్ణ కాలనీ, మదీ నాగూడ విలేజ్ సరఫరా నిలిపేస్తారు.
