ఎన్టీఆర్: కూటమి ప్రభుత్వం అధికారంలోకి వచ్చాక స్వచ్ఛాంధ్ర కార్యక్రమం జోరుగా సాగుతుంది. ప్రతి నెల మూడో శనివారం ప్రజల భాగస్వామ్యంతో రాష్ట్రవ్యాప్తంగా స్వచ్ఛాంధ్ర కార్యక్రమాలు జరుగుతున్నాయి. స్వర్ణాంధ్ర 2047 సంకల్పంలో భాగంగా జగ్గయ్యపేట పురపాలక సంఘం ఆధ్వర్యంలో స్వచ్ఛాంధ్ర ప్రోగ్రాం నిర్వహించారు. ముఖ్యఅతిథిగా ఎమ్మెల్యే శ్రీరాం రాజగోపాల్ తాతయ్య హాజరయ్యారు. పట్టణ ప్రధాన వీధుల్లో ర్యాలీ చేపట్టి ఎన్టీఆర్ సర్కిల్‌లో మానవహారం చేశారు.
కృష్ణా: చల్లపల్లి మండలం యార్లగడ్డలో శనివారం విషాదం చోటుచేసుకుంది. గ్రామ పంచాయతీ ఎలక్ట్రిషియన్ బండారు బుజ్జిబాబు(48) కరెంట్ స్తంభం ఎక్కి సర్వీస్ వైరు సరిచేస్తుండగా కరెంట్ షాక్ తగిలింది. దీంతో కాంక్రీట్ దిమ్మపై పడి మృతి చెందినట్లు స్థానికులు తెలిపారు. భార్య ఫిర్యాదుతో పోలీసులు కేసు నమోదు చేసి దర్యాప్తు చేపట్టారు. మృతదేహాన్ని అవనిగడ్డ ఆసుపత్రికి తరలించారు. మృతుడికి కుమార్తె, కుమారుడు ఉన్నారు.
ఎన్టీఆర్: విజయవాడ కనకదుర్గ నగర్ వద్ద జిల్లా బీజేపీ అధ్యక్షుడు అడ్డూరి శ్రీరామ్, టీడీపీ నేత మైలవరపు వీరబాబు మధ్య గొడవ జరిగింది. రథం సెంటర్‌లో ఆటోస్టాండ్ ఓపెనింగ్‌కు బీజేపీ నేత శ్రీరామ్ వచ్చారు. ఈ నేపథ్యంలో ఆటో స్టాండ్ దిమ్మెను ధ్వంసం చేసేందుకు టీడీపీ నేత వీరబాబు ప్రయత్నించారు. దీంతో బీజేపీ నేతలు ఆయనను నెట్టేసి, ఆగ్రహం వ్యక్తం చేసి దుర్భాషలాడారు.
కృష్ణా: పెడన పట్టణంలోని రైతు బజారులో శనివారం స్వర్ణ ఆంధ్ర – స్వచ్ఛ ఆంధ్ర కార్యక్రమాన్ని నిర్వహించారు. మున్సిపల్ కమిషనర్ ఎల్.చంద్రశేఖర్ రెడ్డి పాల్గొని పట్టణ ప్రజలకు శానిటేషన్, ప్లాస్టిక్ వినియోగంపై అవగాహన కల్పించారు. పర్యావరణ పరిరక్షణలో భాగంగా ప్రభుత్వం అమలు చేస్తున్న విధి విధానాలను ప్రతి ఒక్కరూ పాటించాలని కమిషనర్ సూచించారు. ప్రకృతిని, పర్యావరణాన్ని రక్షించుకోవడం మనందరి బాధ్యత అని చెప్పారు.
”
ఎన్టీఆర్: సీఎం సహాయనిధి పేదలపాలిట వరమని ఎమ్మెల్యే శ్రీరాం రాజగోపాల్ తాతయ్య అన్నారు. శనివారం ఆయన కార్యాలయంలో జగ్గయ్యపేట మండలానికి చెందిన పలువురుకి ముఖ్యమంత్రి సహాయనిధి చెక్కులను పంపిణీ చేశారు. మోత్తం రూ.10.87లక్షల నగదును చెక్కుల రూపంలో లబ్ధిదారులకు అందజేశారు. కూటమి నాయకులు పాల్గొన్నారు.
కర్నూలు: మంత్రాలయం రాఘవేంద్ర స్వామి మూల బృందావనం దర్శనార్థం డాక్టర్ ఎన్టీఆర్ యూనివర్సిటీ ఆఫ్ హెల్త్ అండ్ సైన్సెస్ వైస్ ఛాన్స్‌లర్‌ డాక్టర్ పి. చంద్రశేఖర్ శనివారం మంత్రాలయం చేరుకున్నారు. వీరికి అధికారులు ఘన స్వాగతం పలికారు. ముందుగా గ్రామ దేవత మంచాలమ్మను, అనంతరం రాఘవేంద్రస్వామి మూల బృందావనాన్ని దర్శించుకున్నారు. పీఠాధిపతి వీరికి శేష వస్త్రం జ్ఞాపిక, ఫలమంత్ర అక్షింతలు ఇచ్చి ఆశీర్వదించారు.
