Locations: Krishna

ఎన్టీఆర్: నందిగామలోని కెవిఆర్ కళాశాలలో శనివారం ఉదయం 9 గంటల నుంచి స్కిల్ డెవలప్‌మెంట్ సహకారంతో 20 కంపెనీలతో మెగా జాబ్ మేళా జరగనుంది. విజయవాడ ఎంపీ కేశినేని శివనాధ్, ఎమ్మెల్యే తంగిరాల సౌమ్య, జిల్లా అధికారులు ముఖ్య అతిథులుగా రానున్నారు. యువత బయోడేటా, ఆధార్ కార్డు జిరాక్స్‌తో హాజరై ఉపాధి పొందాలని కోరారు. కూటమి నేతలు, మీడియా హాజరుకావాలని టీడీపీ నాయకులు తెలిపారు.

ఎన్టీఆర్: శ్రావణ మాసం చివరి శుక్రవారం సందర్భంగా కంచికచర్ల మండలం గొట్టుముక్కలలోని శ్రీ అంకమ్మ తల్లి అమ్మవారి ఆలయంలో ప్రత్యేక పూజలు చేశారు. అమ్మవారిని శ్రీ సౌభాగ్య లక్ష్మీ అమ్మవారిగా అలంకరణ చేసి కుంకుమార్చన చేసినట్లు ఆలయ ప్రధాన అర్చకులు రంగనాథ్ స్వామి తెలిపారు. కార్యక్రమంలో గ్రామ భక్తులు, ఆలయ కమిటీ సభ్యులు, ఆలయ ఛైర్మన్ గోగినేని రామారావు పాల్గొన్నారు.

ఎన్టీఆర్: అన్ని మతాల వారు శాంతియుతంగా పండుగలు జరుపుకుని, మత సామరస్యాన్ని చాటాలని రెడ్డిగూడెం ఎస్ఐ మోహనరావు అన్నారు. వినాయక చవితి సందర్భంగా మండపాలు ఏర్పాటు చేసేవారు ఈనెల 23వ తేదీ రాత్రి 8గంటలలోపు పోలీసుల అనుమతి తప్పనిసరిగా తీసుకోవాలని సూచించారు. గణేష్ నిమజ్జనం రోజున ఎలాంటి అవాంఛనీయ సంఘటనలు జరగకుండా ముందస్తు జాగ్రత్తలు తీసుకోవాలని, కమిటీ సభ్యులు పూర్తి బాధ్యత వహించాలన్నారు.

ఎన్టీఆర్: కంచికచర్ల సబ్ రిజిస్ట్రార్ కార్యాలయం రోడ్డుపై గత నెల రోజులుగా సెప్టిక్ ట్యాంక్ నుంచి నీరు చేరి దుర్వాసన వస్తోందని స్థానికులు వాపోతున్నారు. అధికారులకు తెలిపినా నిర్లక్ష్యంగా వ్యవహరిస్తున్నారంటూ మండిపడుతున్నారు. రద్దీగా ఉండే ఈ రోడ్డుపై పాదచారులు, ద్విచక్ర వాహనదారులు ప్రయాణం ఇబ్బందిగా సాగుతుందంటూన్నారు. అధికారులు స్పందించి చర్యలు తీసుకోవాలని కోరుతున్నారు.

ఎన్టీఆర్: దివ్యాంగుల జీవితాల్లో పింఛను చిచ్చు పెట్టింది. కళ్లుండి చూడలేని డాక్టర్లు కాళ్లు, చేతులు లేని వారికి సైతం 40శాతం కంటే తక్కువగా పర్సంటేజ్ ఉందని పెన్షన్ ఎగ్గొట్టేలా ప్రవర్తిస్తున్నారు. కంచికచర్ల మండలం చెవిటికల్లుకు చెందిన షేక్ బడేమియ్యకు కాళ్లు, చేతులు లేకపోయినప్పటికీ కూడా అతనికి 40శాతం లోపు పర్సంటేజ్ వచ్చిందని, సెప్టెంబర్ 1 నుంచి పెన్షన్ నిలిపివేస్తున్నట్లు నోటీసులిచ్చారు. తనను ఆదుకోవాలని వేడుకుంటున్నాడు.