AP : YCP అధినేత జగన్.. DIG స్థాయి అధికారులను మాఫియా డాన్‌లతో పోల్చడం అత్యంత దారుణమని రాష్ట్ర పోలీసు అధికారుల సంఘం అధ్యక్షుడు శ్రీనివాసరావు పేర్కొన్నారు. విజయవాడలో ఏర్పాటు చేసిన మీడియా సమావేశంలో ఆయన మాట్లాడుతూ… ఇలాంటి వ్యాఖ్యలు ప్రజాస్వామ్యానికి గొడ్డలిపెట్టు లాంటివని అన్నారు. YCP ప్రభుత్వం హయాంలోనూ ఇదే పోలీసులు పనిచేసిన విషయం జగన్ మర్చిపోయారా అని ప్రశ్నించారు.
ఎన్టీఆర్: మైలవరంలో ప్రమాదవశాత్తు చెరువులో పడి బాలుడి మృతి చెందాడు. మండలంలోని మొర్సుమల్లికి చెందిన జెట్టి శివకృష్ణ(16) బుధవారం పశువులను మేతకు తీసుకెళ్లి ప్రమాదవశాత్తు చెరువులో పడి మరణించాడు. సంఘటనా స్థలానికి చేరుకున్న పోలీసులు మృతదేహాన్ని పోస్ట్ మార్టం నిమిత్తం మైలవరం ప్రభుత్వాసుపత్రికి తరలించారు. కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.
కృష్ణా: పెనమలూరులో హోంగార్డుపై మద్యం మత్తులో ఓ వ్యక్తి దాడికి పాల్పడ్డాడు. రోడ్డుపై బైక్ అడ్డంగా ఉందని తీయమన్నందుకు హోంగార్డు అశోక్‌పై మచిలీపట్నానికి చెందిన వెంకన్న ఐరన్ రాడ్డుతో దాడి చేశాడు. అశోక్ తలపై తీవ్రగాయం కావడంతో వెంటనే ఆస్పత్రికి తరలించగా వైద్యులు 8 కుట్లు వేశారు. దీంతో వెంకన్నను పోలీసులు అదుపులోకి తీసుకున్నారు.
ఎన్టీఆర్: కంది పంట సాగు చేసిన కన్నీరు పెడుతున్నారు. వీరులపాడు మండలం చౌటపల్లి, చట్టన్నవరం గ్రామాల్లో గత ఖరీఫ్ సీజన్‌లో రైతులు వెయ్యి ఎకరాల్లో కంది పంట సాగు చేశారు. అధిక వర్షాలతో కంది పంటపై ఆశలు నిరాశగా మారాయి. ప్రభుత్వం క్వింటాల్‌కు రూ.7,550మద్దతు ధర ప్రకటించినా.. మార్క్‌ఫెడ్ అధికారులు కొనుగోలు చేయకపోవడంతో బహిరంగ మార్కెట్‌లో రూ.6వేలకే అమ్మాల్సి వస్తోందని రైతులు వాపోతున్నారు.
కృష్ణా: మచిలీపట్నంలోని కరగ్రహారంలో నిర్మించనున్న జిల్లా పోలీస్ శిక్షణా కేంద్రానికి హోం మంత్రి వంగలపూడి అనిత శంకుస్థాపన చేశారు. మంత్రి కొల్లు రవీంద్ర, ఐజీ అశోక్ కుమార్, ఇతర ప్రజాప్రతినిథులతో కలిసి ఆమె భూమిపూజ చేశారు. కార్యక్రమంలో పాల్గొన్న ఎస్పీ గంగాధరరావు మాట్లాడుతూ.. 46ఎకరాల్లో రూ.16.75కోట్లతో జిల్లా పోలీస్ ట్రైనింగ్ సెంటర్‌ను రాష్ట్రంలోనే అతి పెద్ద పోలీస్ ట్రైనింగ్ సెంటర్‌గా నిర్మించనున్నట్టు పేర్కొన్నారు.
కృష్ణా జిల్లా జడ్పీ ఛైర్ పర్సన్ ఉప్పాల హారికను ఎంబీసీ కార్పొరేషన్ మాజీ చైర్మన్, వైసీపీ రాష్ట్ర ఎంబీసీ విభాగ అధ్యక్షుడు పెండ్ర వీరన్న పరామర్శించారు. ఇటీవల ఆమెపై జరిగిన దాడిని ఆయన తీవ్రంగా ఖండించారు. ఈసందర్భంగా ఆయన మాట్లాడుతూ.. ఆమెకు పార్టీ తరఫున అండగా ఉంటామని భరోసా ఇచ్చారు. కార్యక్రమంలో మొగల్తూరు వైసీనీ గౌడ్ సంఘం నాయకుడు శ్రీనివాసప్రసాద్, తదితరులు పాల్గొన్నారు.
ఎన్టీఆర్: మైలవరం ఎమ్మెల్యే వసంత వెంకట కృష్ణప్రసాద్ వ్యక్తిగత కార్యదర్శి కట్టా నరసింహారావు గుండెపోటుతో గురువారం కన్నుమూశారు. విషయం తెలుసుకున్న ఎమ్మెల్యే వసంత హుటాహుటిన హైదరాబాద్ నుంచి కుటుంబసభ్యులతో కలిసి కంచికచర్ల మండలం నక్కలంపేట వచ్చి నరసింహారావు పార్ధీవ దేహానికి పూలమాలలు వేసి నివాళులర్పించారు. ఆయన మృతి పట్ల ఎమ్మెల్యే సంతాపం వ్యక్తం చేశారు. నరసింహారావు హఠాన్మరణం తనను తీవ్ర దిగ్భ్రాంతికి గురిచేసిందన్నారు.
