Locations: Krishna

కృష్ణా: ఘంటసాల మండలం దేవరకోట ప్రభుత్వ పాఠశాలలో ఎన్నారై దోనేపూడి శాయిజీ తన తల్లి మునీశ్వరమ్మ జ్ఞాపకార్థం 23 మంది విద్యార్థులకు నోటు పుస్తకాలు, పెన్నులు పంపిణీ చేశారు. ప్రభుత్వ పాఠశాలలో చదువుతున్న విద్యార్థులకు దాతలు అందిస్తున్న సహకారాన్ని సద్వినియోగం చేసుకోవాలని పలువురు వక్తలు తెలిపారు. గత మూడు సంవత్సరాలుగా విద్యార్థులకు, పాఠశాలకు సహకారం అందిస్తున్న శాయిజీ కి ఉపాధ్యాయులు కృతజ్ఞతలు తెలిపారు.

కృష్ణా: వైసీపీ నిర్లక్ష్యంతో శిథిలమైన సాగునీటి పథకాలకు పూర్వ వైభవం తీసుకురావడానికి ప్రభుత్వం కృతనిశ్చయంతో ఉందని ఎమ్మెల్యే మండలి బుద్ధప్రసాద్ అన్నారు. అవనిగడ్డలోని తమ కార్యాలయంలో ఏపీఎస్ఐడీసీ శాఖ ఎగ్జిక్యూటివ్ ఇంజినీర్ చెన్నారెడ్డితో సమీక్షా సమావేశం నిర్వహించారు. పథకాల పునరుద్ధరణకు రూ.59.33 కోట్లతో ప్రతిపాదనలు సిద్ధం చేశారు. రైతుల సంక్షేమమే ధ్యేయంగా ప్రభుత్వం పనిచేస్తుందని ఆయన తెలిపారు.

కృష్ణా: పెడన పట్టణంలోని 7వ వార్డులో “సుపరిపాలనలో తొలి అడుగు” కార్యక్రమంలో పెడన ఎమ్మెల్యే కాగిత కృష్ణప్రసాద్ పాల్గొన్నారు. ఈ సందర్భంగా ఎమ్మెల్యే ఇంటింటికీ తిరుగుతూ ప్రభుత్వం అందిస్తున్న సంక్షేమ పథకాలు, కూటమి ప్రభుత్వం చేస్తున్న అభివృద్ధి కార్యక్రమాలును ప్రజలకు వివరించి, వారి ఎదుర్కొంటున్న సమస్యలను అడిగి తెలుసుకొని వెంటనే పరిష్కారం చేయాలని సంబంధిత అధికారులుకు ఆదేశించారు.