Locations: Krishna

కృష్ణా: నాగాయలంక మండలం బర్రంకుల గ్రామానికి చెందిన జనసేన పార్టీ వీర మహిళ, ఏఎంసీ డైరెక్టర్ పిరాటి శిరీష శుక్రవారం అవనిగడ్డలో ఎమ్మెల్యే మండలి బుద్ధప్రసాద్‌ను సత్కరించారు. అవనిగడ్డలో ఎమ్మెల్యే కార్యాలయంలో ఆయనను శిరీష, బలరాం దంపతులు మర్యాదపూర్వకంగా కలిసి సత్కరించారు. తనను దివి వ్యవసాయ మార్కెట్ కమిటీ డైరెక్టరుగా సిఫార్సు చేసి పదవి లభించేందుకు కృషి చేసినందుకు ధన్యవాదాలు తెలిపారు.

కృష్ణా: నందమూరు విశాల సహకార పరపతి సంఘాన్ని శుక్రవారం మండల వ్యవసాయ శాఖ అధికారి సబ్జా జేన్ని సందర్శించారు. ఈ సందర్బంగా సొసైటీ సీఈవో రామమోహనరావును అడిగి ఎరువుల అమ్మకాలకు సంబంధించిన లావాదేవీలను పరిశీలించారు. రైతుల అవసరాలపై ప్రత్యేక దృష్టి సారించాలని సూచించారు.

కృష్ణా: ఎస్సీ ఎస్టీ చట్టాన్ని కొందరు స్వార్థానికి వాడుకుంటే సహించమని జిల్లా మాల మహానాడు అధ్యక్షులు దోవా గోవర్ధన్ అన్నారు. ప్రేమ పేరుతో మోసాలు చేస్తే ఊరుకునేది లేదని హెచ్చరించారు. కోడూరు ఘటనలో కొందరు అట్రాసిటీ కేసును తప్పుదోవ పట్టిస్తున్నారని ఆయన ఆవేదన వ్యక్తం చేశారు. చట్టాన్ని దుర్వినియోగం చేస్తే కఠిన చర్యలు తప్పవని గోవర్ధన్ స్పష్టం చేశారు.

కృష్ణా: కూటమి ప్రభుత్వం అధికారంలోకి వచ్చిన ఏడాదిలోనే తిరిగి అభివృద్ధిని పరుగులు పెట్టించిందని, గ్రామాలకు సుపరిపాలన అందుతుందని  ఎమ్మెల్యే వెనిగండ్ల  రాము అన్నారు. గుడ్లవల్లేరు మండలంలో పర్యటించిన ఆయన ప్రజల సమస్యలు తెలుసుకున్నారు. గత పాలనలో అభివృద్ధి కుంటుపడిందని, సంక్షేమ పథకాలు సక్రమంగా అందలేదని విమర్శించారు. రాబోయే రోజుల్లో మరింత అభివృద్ధి జరుగుతుందని తెలిపారు.

కృష్ణా: 15వ ఆర్థిక సంఘం నిధులతో పెడన మున్సిపల్ ఆఫీస్ ముందు రోడ్డు, ఎంట్రన్స్ ఆర్చ్, కల్వర్టు పనులను,పెడన మున్సిపల్ చైర్ పర్సన్ కటకం నాగకుమారి ఆదేశాల మేరకు పనులను వైస్ చైర్మన్ మొహమ్మద్ ఖాజా, కౌన్సిలర్ కటకం ప్రసాద్  పర్యవేక్షించారు. వీరితో పాటు మున్సిపల్ ఏఈ కాగిత సీతారామాంజనేయులు, సచివాలయ సిబ్బంది, తదితరులు పాల్గొన్నారు.