కృష్ణా: తాడిగడప మున్సిపాలిటీ పరిధిలో చెత్తను సేకరించి తరలించడానికి పురపాలక శాఖ ఆధ్వర్యంలో రెండు అత్యాధునిక హంగులు కలిగిన వాహనాలు మున్సిపాలిటీకి చేరుకున్నాయి. ఈ వాహనాల రాకతో రోజుల కొద్ది మున్సిపాలిటీలో పేరుకుపోతున్న చెత్తను ఎప్పటికప్పుడు డంప్ యార్డ్‌కు తరలించే ప్రక్రియ వేగవంతం అయ్యే అవకాశం ఉంది. త్వరలోనే నియోజకవర్గ ఎమ్మెల్యే బోడె ప్రసాద్ వీటిని లాంఛనంగా ప్రారంభించనున్నారు.
ఎన్టీఆర్: ప్రపంచ జనాభా దినోత్సవం సందర్భంగా కంచికచర్లలో నెహ్రూ సెంటర్ నుంచి అంబేద్కర్ సెంటర్ వరకు భారీ ర్యాలీ నిర్వహించారు. కార్యక్రమంలో జిల్లా ఆర్‌బీఎస్‌కే ప్రోగ్రామ్ ఆఫీసర్ మాధవి, తహశీల్దార్ నరసింహారావు, ఎంపీడీవో లక్ష్మి కుమారి, కంచికచర్ల ఆరోగ్య కేంద్రం డాక్టర్ మధురిమ, హెల్త్ సూపర్వైజర్ రాఘవేంద్రరావు, సౌరీలమ్మ, సబ్ యూనిట్ వైద్యాధికారి శ్రీనివాసరావు, స్థానిక ప్రాథమిక ఆరోగ్య కేంద్రం సిబ్బంది పాల్గొన్నారు.
ఎన్టీఆర్: విస్సన్నపేట మండలం లక్ష్మీపురంలో NRI వల్లభనేని గిరిని టీడీపీ నాయకులు మర్యాదపూర్వకంగా కలిసి ఘనంగా సన్మానించారు. కార్యక్రమంలో టీడీపీ పట్టణ అధ్యక్షులు కొంగల శ్రీనివాసరావు, కూటమి నాయకులు, తదితరులు పాల్గొన్నారు.
కృష్ణా: గ్రామాల్లో మౌలిక వసతులు కల్పించి గ్రామాలను అభివృద్ధి చేయడమే కూటమి ప్రభుత్వ లక్ష్యమని గుడివాడ ఎమ్మెల్యే వెనిగండ్ల రాము, ఏపీఎస్ఆర్టీసీ ఛైర్మన్ కొనకల్ల నారాయణరావులు పేర్కొన్నారు. గుడ్లవల్లేరు మండలం వడ్లమన్నాడులో రూ. 33 లక్షల నిధులతో నూతనంగా నిర్మించిన సీసీ రోడ్డును వారు శుక్రవారం ఉదయం ప్రారంభించారు. గ్రామాల సమగ్ర అభ్యున్నతికి సీఎం చంద్రబాబు, డిప్యూటీ సీఎం పవన్ కళ్యాణ్ కృషి చేస్తున్నారన్నారు.
ఎన్టీఆర్: విస్సన్నపేట మండలం తాతకుంట్లలో డెంగీ నివారణపై అవగాహన ర్యాలీ నిర్వహించారు. ఈ సందర్భంగా దోమ కాటు ద్వారా వ్యాపించే వ్యాధులను మండల వైద్యాధికారి శ్రీనివాసరావు ప్రజలకు వివరించారు. కార్యక్రమంలో ఎంపీడీవో చిన్న రాట్నాలు, మాజీ సర్పంచ్, టీడీపీ సీనియర్ నాయకుడు వెంకటేశ్వరరావు, ఎంపీటీసీ తిరుపతిరావు, సాంబశివరావు, వైద్య ఆరోగ్య సిబ్బంది పాల్గొన్నారు.
